ຮຽກຮ້ອງຕິດຕາມກວດກາການແກ້ໄຂເລື່ອງ Facebook ນຳໃຊ້ແຜນທີ່ຜິດພາດຢ່າງແໜ້ນແຟ້ນ
ກປ.ອອນໄລ - ວັນທີ 9 ກໍລະກົດ, ຫ້ອງວ່າການລັດຖະບານມີເອກະສານເຜີຍແຜ່ຄຳເຫັນຂອງທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ກ່ຽວກັບເລື່ອງ Facebook ນຳໃຊ້ແຜນທີ່ອະທິປະໄຕສໍາລັບສອງໝູ່ເກາະ ຮວ່າງຊາ ແລະເຈື່ອງຊາ ຢ່າງຜິດພາດ.
ຕາມນັ້ນ, ທ່ານນາຍົກລັດຖະມົນຕີ ຫງວຽນຊວນຟຸກ ຮຽກຮ້ອງລັດຖະມົນຕີກະຊວງຖະແຫຼງຂ່າວ ແລະສື່ສານ ສືບຕໍ່ຊີ້ນໍາ, ຕິດຕາມກວດກາການແກ້ໄຂເລື່ອງດັ່ງກ່າວຢ່າງແໜ້ນແຟ້ນ, ເດັດດ່ຽວບໍ່ໃຫ້ເກີດບັນດາກໍລະນີຄ້າຍຄືກັນ.
|
|
ທ່ານນາຍົກລັດຖະມົນຕີ ຫງວຽນຊວນຟຸກ. ພາບ: nld.com.vn. |
ກ່ອນໜ້ານັ້ນ, Facebook ນຳໃຊ້ແຜນທີ່ທີ່ຈັດໝູ່ເກາະ ເຈື່ອງຊາ, ຮວ່າງຊາຂຶ້ນກັບຜືນແຜ່ນດິນຂອງ ຈີນ ໄດ້ເຮັດໃຫ້ຫາງສຽງເຄັ່ງຮ້ອນ. ຫວ່າງແລ້ວນີ້, ໂຄສົກຂອງ Facebook ໃຫ້ຮູ້ວ່າ, ເຂົາເຈົ້າໄດ້ດຳເນີນການສືບສວນສອບສວນ ແລະຄົ້ນພົບນີ້ແມ່ນຄວາມຜິດດ້ານເຕັກນິກ. ເຂົາເຈົ້າໄດ້ແກ້ຜິດແລ້ວ ແລະພວມຜັນຂະຫຍາຍການອັບເດັດສະບັບໃໝ່ໃນທົ່ວໂລກ.
ແປໂດຍ: ເຈິ່ນຮວ່ຽນ