ສິ້ນສຸດການຢ້ຽມຢາມເມືອງເກາະເຈື່ອງຊາ, ຮ້ານເວນຍາມ DK1 ຢ່າງຈົບງາມ
ກປ.ອອນໄລ - ໃນລະຫວ່າງວັນທີ 7-16 ເມສາ, ຄະນະປະຕິບັດງານເລກທີ 5 -2018 ລວມມີສະມາຊິກ 250 ຄົນທີ່ມາຈາກ 12 ອົງການ, ກົມກອງໄດ້ໄປຢ້ຽມຢາມ, ມອບຂອງຂວັນໃຫ້ທະຫານ ແລະປະຊາຊົນຢູ່ບັນດາເກາະສັງກັດໝູ່ເກາະ ເຈື່ອງຊາ ແລະພະນັກງານ, ນັກຮົບຢູ່ຮ້ານເວນຍາມ DK1.
ພາຍຫຼັງໄລຍະເດີນທະເລເປັນເວລາ 10 ມື້, ເຖິງວ່າດິນຟ້າອາກາດບໍ່ດີ, ພາຍຸລົມແຮງກໍ່ຕາມ, ແຕ່ດ້ວຍການຮ່ວມມືຢ່າງແໜ້ນແຟ້ນລະຫວ່າງບັນດາພາກສ່ວນ, ວຽກງານຮັບປະກັນ ແລະການເດີນທາງກໍ່ໄດ້ດໍາເນີນຖືກຕາມແຜນການທີ່ໄດ້ວາງອອກ. ການຮັບສົ່ງຜູ້ແທນຢູ່ບັນດາເກາະທີ່ຂຶ້ນກັບໝູ່ເກາະ ເຈື່ອງຊາ ແລະຮ້ານເວນຍາມ DK1, ລວມມີ: ໂກລິນ, ນຸຍແລ, ນາມອຽດ... ຮ້ານເວນຍາມ DK1/7... ໄດ້ປະຕິບັດສໍາເລັດຜົນ ແລະປອດໄພ.
|
|
ບັນດາຜູ້ແທນເຂົ້າຮ່ວມການຢ້ຽມຢາມຢູ່ໝູ່ເກາະ ເຈື່ອງຊາ ຖ່າຍຮູບເປັນທີ່ລະນຶກ. ພາບ: ເຮືອງນາມ. |
ທີ່ພິທີສະຫຼຸບໃນວັນທີ 16 ເມສາ, 15 ບົດກະວີ - ບົດເພງ - ຮູບພາບທີ່ມ່ວນ, ສ້າງຄວາມດູດດື່ມເຊິ່ງໄດ້ປະດິດແຕ່ງໃນການເດີນທາງຄັ້ງນີ້ໄດ້ຮັບລາງວັນການແຂ່ງຂັນໂດຍຄະນະປະຕິບັດງານປຸກລະດົມກ່ອນທີ່ເດີນທາງ. ເຫຼົ່າທັບເຮືອກໍ່ໄດ້ມອບ 28 ຫຼຽນກາລະນຶກ ເພື່ອພາລະກິດປົກປັກຮັກສາອະທິປະໄຕທະເລ, ໝູ່ເກາະບ້ານເກີດເມືອງນອນ ແລະມອບ 160 ກາໝາຍນັກຮົບ ເຈື່ອງຊາ ໃຫ້ບັນດາຜູ້ແທນ.
ແປໂດຍ: ເກື່ອງດັ້ງ