ຍົກສູງຄວາມຮັບຮູ້ຂອງພະນັກງານ ແລະປະຊາຊົນກ່ຽວກັບອະທິປະໄຕທະເລ, ໝູ່ເກາະ
ກປ.ອອນໄລ - ໃນລະຫວ່າງວັນທີ 3-5 ເມສາ, ທ່າກໍາປັ່ນທະຫານ ໄຊງ່ອນ ໄດ້ສົມທົບກັບຄະນະໂຄສະນາສຶກສາແຂວງ ດັກນົງ ຈັດຕັ້ງການໂຄສະນາ, ສະໜອງຂໍ້ມູນຂ່າວສານກ່ຽວກັບສະພາບການຢູ່ທະເລ, ໝູ່ເກາະໃຫ້ແກ່ພະນັກງານ, ນັກຮຽນຊັ້ນມໍ 7 ແລະປະຊາຊົນບັນດາເມືອງຄື: ດັກຣ’ເລິບ, ດັກຊົງ, ດັກມິນ ແລະເທດສະບານແຂວງ ຢາເຫງ້ຍ. ນີ້ແມ່ນເທື່ອທໍາອິດທີ່ທ່າກໍາປັ່ນທະຫານ ໄຊງ່ອນ ໂຄສະນາກ່ຽວກັບເນື້ອໃນນີ້ຢູ່ແຂວງ ດັກນົງ.
ພະນັກງານໂຄສະນາຂອງທ່າກໍາປັ່ນທະຫານ ໄຊງ່ອນ ໄດ້ສື່ສານ, ໂຄສະນາກ່ຽວກັບທະເລ, ໝູ່ເກາະ ຫວຽດນາມ ໃນພາລະກິດແຫ່ງການສ້າງສາ ແລະປົກປັກຮັກສາປະເທດຊາດ; ທະຫານເຮືອປະຊາຊົນ ຫວຽດນາມ ໃນພາລະກິດແຫ່ງການສ້າງສາ ແລະປົກປັກຮັກສາອະທິປະໄຕທະເລ, ໝູ່ເກາະຂອງປະເທດຊາດ; ສະພາບການທະເລຕາເວັນອອກໃນໄລຍະມໍ່ໆມານີ້, ທັດສະນະຂອງພັກ, ລັດໃນການແກ້ໄຂບັນດາບັນຫາຢູ່ທະເລຕາເວັນອອກ; ຄວາມຮັບຜິດຊອບຂອງປະຊາຊົນ, ກໍາລັງປະກອບອາວຸດໃນການຕໍ່ສູ້ປົກປັກຮັກສາອະທິປະໄຕທະເລ, ໝູ່ເກາະໃນປະຈຸບັນ.
|
|
ບັນດານັກຮົບເຮັດໜ້າທີ່ເວນຍາມຢູ່ທະເລ, ໝູ່ເກາະຂອງປະເທດຊາດ. ພາບ: ສໍານັກຂ່າວສານຫວຽດນາມ. |
ບັນດາການເຄື່ອນໄຫວໂຄສະນາເພື່ອແນໃສ່ຍົກສູງຄວາມຮັບຮູ້, ຄວາມຮັບຜິດຊອບໃຫ້ແກ່ພະນັກງານ, ສະມາຊິກພັກ, ປະຊາຊົນ, ນັກຮຽນໃນບໍລິເວນແຂວງກ່ຽວກັບທະເລ, ໝູ່ເກາະ. ຜ່ານນັ້ນ, ບັນດານ້ອງນັກຮຽນໄດ້ປຸກລຸກນໍ້າໃຈເອກອ້າງທະນົງໃຈຕໍ່ຊາດ, ນໍ້າໃຈຮັກແພງບ້ານເກີດເມືອງນອນປະເທດຊາດ, ມີຄວາມຮັບຜິດຊອບໃນການປົກປັກຮັກສາອະທິປະໄຕທະເລ, ໝູ່ເກາະປະເທດຊາດ, ສະໝັກລົງທະບຽນເຂົ້າຮ່ວມການເສັງເຂົ້າວິທະຍາຄານທະຫານເຮືອກວ່າອີກ ແລະບັນດາພື້ນຖານບໍາລຸງສ້າງວິຊາສະເພາະດ້ານເຕັກນິກເພື່ອຮໍ່າຮຽນ, ຝຶກຝົນຫຼໍ່ຫຼອມ, ສູ້ຊົນກາຍເປັນນາຍ ແລະພົນທະຫານ, ປະກອບສ່ວນສ້າງສາເຫຼົ່າທັບເຮືອ.
ແປໂດຍ: ເກື່ອງດັ້ງ