ຕ້ອນຮັບບຸນເຕັດຢູ່ ເຈື່ອງຊາ ກ່ອນເວລາ
ກປ.ອອນໄລ - ເມື່ອລະດູບານໃໝ່ວຽນມາ, ທົ່ວປະເທດຊາດມຸ່ງໄປເຖິງຫ້າງຫາກະກຽມບຸນເຕັດໃຫ້ທະຫານ ແລະປະຊາຊົນຢູ່ໝູ່ເກາະ ເຈື່ອງຊາ. ຫວ່າງແລ້ວນີ້, ຄະນະປະຕິບັດງານກອງພົນນ້ອຍ 146, ທະຫານເຮືອເຂດ 4, ສະໂມສອນໄວໜຸ່ມເພື່ອທະເລໝູ່ເກາະແຫ່ງບ້ານເກີດເມືອງນອນໄດ້ນໍາເອົາບັນດາຂອງຂວັນຈາກບັນດາອົງການ, ກົມກອງ, ບຸກຄົນຝາກໃຫ້ທະຫານ ແລະປະຊາຊົນຢູ່ໝູ່ເກາະ ເຈື່ອງຊາ.
ຢູ່ເກາະເຈື່ອງຊາດົງ ແລະເກາະເຈື່ອງຊາ, ທະຫານ ແລະປະຊາຊົນຢູ່ເກາະໄດ້ຈັດຕັ້ງພິທີຕ້ອນຮັບບຸນປີໃໝ່ພ້ອມກັບຄະນະປະຕິບັດງານກ່ອນເວລາ, ດ້ວຍການເຄື່ອນໄຫວທີ່ຄຶກຄື້ນຫຼາຍຢ່າງຄື, ການແຂ່ງຂັນກັນຂຽນກະດານຂ່າວ, ງານມະໂຫລານສະແດງສິລະປະ, ແຂ່ງຂັນກັນຫໍ່ເຂົ້າຕົ້ມ, ບັນດາການລະຫຼີ້ນພື້ນເມືອງ. ພ້ອມກັນນັ້ນແມ່ນຈັດຕັ້ງພິທີເຄົາລົບທຸງຊາດ, ຖະຫວາຍທູບທຽນຢູ່ວິຫານບູຊາ ລຸງໂຮ່, ອາໄລຫາບັນດາວິລະຊົນເສຍສະຫຼະຊີວິດເພື່ອຊາດ, ງານບຸນວັດ, ຈັດຕັ້ງບຸນເຕັດປູກຕົ້ນໄມ້... ນັກຂ່າວໜັງສືພິມກອງທັບປະຊາຊົນຫວຽດນາມ ຂໍແນະນໍາບາງຮູບພາບຂອງທະຫານ ແລະປະຊາຊົນຢູ່ເກາະທີ່ໄດ້ຈັດຕັ້ງພິທີຕ້ອນຮັບບຸນປີໃໝ່ປີຈໍ 2018.
    |
 |
|
ປະດັບປະດາແທ່ນບູຊາປະເທດຊາດຢູ່ເກາະ ເຈື່ອງຊາດົງ. ພາບ: ຫງວຽນວັນແຮ້ງ |
|
|
 |
|
ນັກຮົບເກາະ ເຈື່ອງຊາດົງ ປະດັບປະດາຕົ້ນດອກເໝີຍ. ພາບ: ຫງວຽນວັນແຮ້ງ |
|
|
 |
|
ທະຫານ ແລະປະຊາຊົນຫໍ່ເຂົ້າຕົ້ມ. ພາບ: ຫງວຽນວັນແຮ້ງ |
|
|
 |
|
ສະແດງສິລະປະຢ່າງເບີກບານມ່ວນຊື່ນ. ພາບ: ຫງວຽນວັນແຮ້ງ |
ແປໂດຍ: ເກື່ອງດັ້ງ