ພິທີເດີນທາງ ແລະຂົນສົ່ງຂອງຂວັນບຸນເຕັດເຖິງໝູ່ເກາະ ເຈື່ອງຊາ

ຜູ້ຕາງໜ້າຫ້ອງການເມືອງທະຫານເຮືອເຂດ 4  ໃຫ້ຮູ້ວ່າ, ສິນຄ້າບຸນປີໃໝ່ປະຈໍາຊາດ ປີຈໍ 2018 ຮັບປະກັນໃຫ້ພະນັກງານ, ນັກຮົບ ແລະປະຊາຊົນເມືອງເກາະ ເຈື່ອງຊາ ປີນີ້ແມ່ນພຽງພໍກ່ຽວກັບປະລິມານ, ອຸດົມສົມບູນກ່ຽວກັບປະເພດ. ນອກຈາກຮັບປະກັນຕາມຂໍ້ກໍານົດແລ້ວ, ພະນັກງານ, ນັກຮົບ ແລະປະຊາຊົນ ເຈື່ອງຊາ ຍັງໄດ້ຮັບຂອງຂວັນທີ່ມີມູນຄ່າ, ມີຄວາມໝາຍຫຼາຍຢ່າງຈາກປະທານປະເທດ, ກະຊວງປ້ອງກັນປະເທດ, ເຫຼົ່າທັບເຮືອ, ຄະນະກໍາມະການປະຊາຊົນແຂວງ ແຄ໋ງຮວ່າ ພ້ອມກັບບັນດາທ້ອງຖິ່ນ, ອົງການຈັດຕັ້ງການເມືອງ, ສັງຄົມ, ວິສາຫະກິດ ແລະບຸກຄົນ.

ພະນັກງານ, ນັກຮົບມ່ວນຊື່ນທີ່ໄດ້ເດີນທາງໄປ ເຈື່ອງຊາ ປະຕິບັດໜ້າທີ່. ພາບ: ຫວູ໊ດີ່ງດົງ

ຂົນຖ່າຍຂວັນບຸນເຕັດຂຶ້ນກໍາປັ່ນໄປເຈື່ອງຊາ. ພາບ: ຫວູ໊ດີ່ງດົງ

ພິເສດ, ຮ່ວມເດີນທາງກັບບັນດາພະນັກງານ, ນັກຮົບທະຫານເຮືອເຂດ 4  ອອກ ເຈື່ອງຊາ ໃນຄັ້ງນີ້ຍັງມີນັກຂ່າວ, ນັກບັນນາທິການບັນດາອົງການສື່ມວນຊົນໃນທົ່ວປະເທດ ແລະສະມາຊິກສະໂມສອນໄວໜຸ່ມເພື່ອທະເລໝູ່ເກາະຂອງບ້ານເກີດເມືອງນອນ 105  ຄົນ.

ທີ່ການປະຊຸມກ່ອນພິທີເດີນທາງ,  ທ່ານພັນເອກພິເສດ  ຫງວຽນກົງເຊີນ, ຮອງຫົວໜ້າການເມືອງທະຫານເຮືອເຂດ 4, ຊາບຊຶມເຖິງບັນດາສະມາຊິກໃນຄະນະປະຕິບັດງານເນື້ອໃນ, ຈຸດປະສົງ ແລະບັນດາຂໍ້ກໍານົດທີ່ຄວນໃສ່ໃຈໃນການເດີນທາງຄັ້ງນີ້; ປາດຖະໜາວ່າບັນດານັກຂ່າວ, ນັກບັນນາທິການ ຈະສ່ອງແສງສະພາບຕົວຈິງກ່ຽວກັບອະທິປະໄຕທະເລໝູ່ເກາະສັກກາລະບູຊາ ຂອງປະເທດຊາດ; ວິວັດການປະຕິບັດງານ, ຊີວິດການເປັນຢູ່ ແລະບັນຍາກາດຕ້ອນຮັບບຸນປີໃໝ່ປະຈຳຊາດຂອງທະຫານ ແລະປະຊາຊົນໝູ່ເກາະ; ອາລົມຈິດອັນສຸດຈິດສຸດໃຈຂອງດິນຕໍ່ແຜ່ນສໍາລັບເຈື່ອງຊາ ແລະຂອງເຈື່ອງຊາສໍາລັບດິນຕໍ່ແຜ່ນຢ່າງມີຊີວິດຊີວາ, ມີປະສິດທິຜົນ.