ພາຍຫຼັງພິທີຕ້ອນຮັບ, ຄະນະຜູ້ແທນການທະຫານຂັ້ນສູງຫວຽດນາມ ໂດຍທ່ານພົນເອກ ໂງຊວນລິກ ເປັນຫົວໜ້າຄະນະໄດ້ເຈລະຈາກັບຄະນະຜູ້ແທນການທະຫານຂັ້ນສູງໄທ ໂດຍທ່ານພົນເອກ Prawit Wongsuwan ເປັນຫົວໜ້າຄະນະ.

leftcenterrightdel
ທ່ານພົນເອກ ໂງຊວນລິກ ຕ້ອນຮັບທ່ານພົນເອກ Prawit Wongsuwan. ພາບ: ຈ້ອງຫາຍ.

ທີ່ການເຈລະຈາ, ທ່ານພົນເອກ ໂງຊວນລິກ ແລະທ່ານພົນເອກ Prawit Wongsuwan ໄດ້ຕີລາຄາໝາກຜົນແຫ່ງການຮ່ວມມືລະຫວ່າງກອງທັບສອງປະເທດໃນໄລຍະຜ່ານມາ ແລະເຫັນດີເປັນເອກະພາບກ່ຽວກັບທິດທາງ, ມາດຕະການຮ່ວມມືໃນໄລຍະຈະມາເຖິງ.

leftcenterrightdel
ທ່ານພົນເອກ ໂງຊວນລິກ ແລະທ່ານພົນເອກ Prawit Wongsuwan ກວດແຖວກຽດຕິຍົດກອງທັບປະຊາຊົນຫວຽດນາມ. ພາບ: ຈ້ອງຫາຍ.
leftcenterrightdel
ທ່ານພົນເອກ ໂງຊວນລິກ ແນະນຳກັບທ່ານພົນເອກ Prawit Wongsuwan ກ່ຽວກັບບັນດາສະມາຊິກຄະນະຜູ້ແທນການທະຫານຂັ້ນສູງຫວຽດນາມ. ພາບ: ຈ້ອງຫາຍ.
leftcenterrightdel
 ທ່ານພົນເອກ ໂງຊວນລິກ ເຈລະຈາກັບທ່ານ Prawit Wongsuwan. ພາບ: ຈ້ອງຫາຍ.

ສອງຝ່າຍເຫັນດີເປັນເອກະພາບໃນໄລຍະຈະມາເຖິງສືບຕໍ່ເສີມຂະຫຍາຍບັນດາກົນໄກຮ່ວມມືທີ່ມີຢູ່ແລ້ວຢ່າງມີປະສິດທິຜົນ, ຮັກສາບັນດາການເຄື່ອນໄຫວແລກປ່ຽນຄະນະ, ໂດຍສະເພາະແມ່ນຄະນະຂັ້ນສູງຕ່າງໆ;  ເພີ່ມທະວີການຮ່ວມມືລະຫວ່າງບັນດາເຫຼ່ົາທັບ, ເຫຼົ່າຮົບ, ພົບປະແລກປ່ຽນນາຍທະຫານໜຸ່ມ; ຍູ້ແຮງການຮ່ວມມືໃນຂົງເຂດບຳລຸງສ້າງ, ເປັນຕົ້ນແມ່ນບຳລຸງສ້າງດ້ານພາສາ; ສົມທົບກັນ, ຮ່ວມມືທີ່ບັນດາເວທີປາໄສຫຼາຍຝ່າຍ, ປະກອບສ່ວນເພີ່ມທະວີການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງກອງທັບ ແລະປະຊາຊົນສອງປະເທດກວ່າອີກ, ນຳການພົວພັນຮ່ວມມືຫວຽດນາມ - ໄທ ນັບມື້ນັບເຂົ້າສູ່ລວງເລິກ, ມີປະສິດທິຜົນ, ແທດຈິງ, ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະພັດທະນາລວມຂອງພາກພື້ນ ແລະໂລກ.

ໂດຍ: ສົມເພັດ