ຫວຽດນາມ ແລະກໍາປູເຈຍ ເພີ່ມທະວີການຮ່ວມມື, ໜູນຊ່ວຍໃນການເຄື່ອນໄຫວເສນາຮັກ
ກປ.ອອນໄລ - ຕອນບ່າຍວັນທີ 22 ມັງກອນ, ຄະນະການນໍາໂຮງໝໍ Preahket Mealea ຂຶ້ນກັບກອງທັບລາດຊະວົງກຳປູເຈຍ ໂດຍທ່ານພົນຕີ Chao Sambath ຮອງຫົວໜ້າການເມືອງ ເປັນຫົວໜ້າຄະນະໄດ້ມາຢ້ຽມຢາມ ແລະເຮັດວຽກກັບໂຮງໝໍເສນາຮັກ 175 (ກະຊວງປ້ອງກັນປະເທດຫວຽດນາມ).
ທີ່ການເຮັດວຽກ, ສອງຝ່າຍໄດ້ພ້ອມກັນແລກປ່ຽນ, ແບ່ງປັນສະພາບການ, ໝາກຜົນການເຄື່ອນໄຫວຂອງໂຮງໝໍ 2 ຫຼັງ, ໝາກຜົນໃນການສົມທົບກັນບໍາລຸງສ້າງ, ຮັບເອົາ ແລະປິ່ນປົວໃຫ້ແກ່ນາຍທະຫານກອງທັບລາດຊະວົງກຳປູເຈຍ ໃນໄລຍະຜ່ານມາ. ການນໍາໂຮງໝໍ Preahket Mealea ໄດ້ສະແດງຄວາມຮູ້ບຸນຄຸນຕໍ່ການນໍາ, ພະນັກງານໂຮງໝໍເສນາຮັກ 175 ທີ່ໄດ້ໝູນຊ່ວຍໃນຫຼາຍດ້ານໃຫ້ແກ່ໂຮງໝໍ Preahket Mealea ໃນຫຼາຍສິບປີຜ່ານມາ.
|
|
ຄະນະການນໍາໂຮງໝໍ Preahket Mealea ເຮັດວຽກກັບໂຮງໝໍເສນາຮັກ 175. ພາບ: ຈູງກຽນ. |
ທີ່ການຕ້ອນຮັບ, ສອງຝ່າຍກໍ່ແລກປ່ຽນກ່ຽວກັບບັນດາເນື້ອໃນຮ່ວມມືຫຼາຍຢ່າງ, ຍົກສູງປະສິດທິຜົນການໝູນຊ່ວຍບຳລຸງສ້າງຖັນແຖວແພດໝໍ; ຮັບເອົາຄົນເຈັບທີ່ສົ່ງມາຈາກໂຮງໝໍ Preahket Mealea; ການເຄື່ອນໄຫວຖ່າຍທອດເຕັກນິກ. ເນື່ອງໃນໂອກາດນີ້, ການນໍາໂຮງໝໍ Preahket Mealea ໄດ້ອວຍພອນໃຫ້ພະນັກງານ, ແພດໝໍຂອງໂຮງໝໍເສນາຮັກ 175 ຕ້ອນຮັບບຸນປີໃໝ່ຢ່າງອົບອຸ່ນ ແລະປະຕິບັດສໍາເລັດໜ້າທີ່ທີ່ໄດ້ຮັບມອບໝາຍເປັນຢ່າງດີ.
ໂດຍ: ຫງວຽນຈາງ