ທ່ານພົນເອກ ໂງຊວນລິກ ເຂົ້າຮ່ວມພິທີເປີດສະຫຼອງອະນຸສາວະລີໄຊຊະນະ - ໄຊຊະນະ ຢູ່ກໍາປູເຈຍ
ກປ.ອອນໄລ - ຕອນເຊົ້າວັນທີ 29 ທັນວາ, ຢູ່ນະຄອນຫຼວງ ພະນົມເປັນ, ລາຊະອານາຈັກ ກໍາປູເຈຍ ໄດ້ດໍາເນີນພິທີເປີດສະຫຼອງອະນຸສາວະລີໄຊຊະນະ - ໄຊຊະນະ. ທ່ານພົນເອກ ໂງຊວນລິກ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ, ນໍາໜ້າຄະນະຜູ້ແທນການທະຫານຂັ້ນສູງຫວຽດນາມ ເຂົ້າຮ່ວມ ແລະເປັນສັກຂີພິຍານພິທີເປີດສະຫຼອງອະນຸສາວະລີ.
|
|
ທ່ານພົນເອກ ໂງຊວນລິກ, ລັດຖະມົນຕີກະຊວງປ້ອງກັນປະເທດ ນໍາໜ້າຄະນະຜູ້ແທນການທະຫານຂັ້ນສູງຫວຽດນາມ ເຂົ້າຮ່ວມ ແລະເປັນສັກຂີພິຍານພິທີເປີດສະຫຼອງອະນຸສາວະລີ. ພາບ: ທູຈາງ. |
ກ່າວຄໍາເຫັນທີ່ພິທີ, ທ່ານນາຍົກລັດຖະມົນຕີກໍາປູເຈຍ ສົມເດັດ ອັກຄະມະຫາເສນາບໍດີ ເຕໂຈ ຮຸນແຊນ ໄດ້ຍົກໃຫ້ເຫັນຄວາມໝາຍປະຫວັດສາດອັນໃຫຍ່ຫຼວງຂອງອະນຸສາວະລີໄຊຊະນະ - ໄຊຊະນະ ໂດຍຖືວ່າ: ອະນຸສາວະລີເປັນສັນຍາລັກແຫ່ງສັນຕິພາບຢູ່ກໍາປູເຈຍ. ນະໂຍບາຍໄຊຊະນະ - ໄຊຊະນະ ໄດ້ນໍາກໍາປູເຈຍ ພັດທະນາຢ່າງແຮງໃນທຸກຂົງເຂດ, ການດຳລົງຊີວິດຂອງປະຊາຊົນນັບມື້ນັບເປັນປົກກະຕິ ແລະພັດທະນາ.
ວັນທີ 29 ທັນວາ 1998 ໄດ້ຮັບຖືວ່າເປັນຂີດໝາຍສໍາຄັນໃນປະຫວັດສາດກໍາປູເຈຍ. ນະໂຍບາຍໄຊຊະນະ - ໄຊຊະນະໄດ້ສ້າງສະພາບແວດລ້ອມສັນຕິພາບ, ສະຖຽນລະພາບເພື່ອປະຊາຊົນ ກໍາປູເຈຍ ພ້ອມກັນກໍ່ສ້າງ, ພັດທະນາປະເທດ.
|
|
ທ່ານພົນເອກ ໂງຊວນລິກ ເຂົ້າຮ່ວມພິທີເປີດສະຫຼອງອະນຸສາວະລີໄຊຊະນະ - ໄຊຊະນະ ຢູ່ນະຄອນຫຼວງພະນົມເປັນ. ພາບ: ທູຈາງ. |
|
|
ບັນດາຜູ້ແທນຢ້ຽມຊົມອະນຸສາວະລີໄຊຊະນະ - ໄຊຊະນະ. ພາບ: ທູຈາງ. |
ອະນຸສາວະລີໄຊຊະນະ - ໄຊຊະນະໄດ້ຮັບການລົງມືກໍ່ສ້າງແຕ່ເດືອນກຸມພາ 2016 ໃນເນື້ອທີ່ກວ້າງ 8 ເຮັກຕາຢູ່ຕາແສງ Prek Ta Sek, ເມືອງ Chroy Changvar, ພະນົມເປັນ. ນີ້ແມ່ນກິດຈະກຳສັນຍາລັກແຫ່ງຄວາມປອງດອງຊາດ, ເອກະລາດ, ສາມັກຄີ, ຜືນແຜ່ນດິນອັນຄົບຖ້ວນ ແລະຄວາມວັດທະນາຖາວອນຂອງລາຊະອານາຈັກກໍາປູເຈຍ.
ໂດຍ: ເຈິ່ນຮວ່ຽນ