ງານພົບປະແລກປ່ຽນມິດຕະພາບດ້ານປ້ອງກັນຊາດເຂດຊາຍແດນຫວຽດນາມ - ຈີນ
ກປ.ອອນໄລ - ທີ່ກອງປະຊຸມຂ່າວໄດ້ດໍາເນີນໃນຕອນບ່າຍວັນທີ 14 ພະຈິກ, ທ່ານ ພົນຈັດຕະວາ ຫງວຽນດ້າຍໂຮ້ຍ, ຮອງຫົວໜ້າກົມພົວພັນຕ່າງປະເທດ (ກະຊວງປ້ອງກັນປະເທດ), ໃຫ້ຮູ້ວ່າ, ງານພົບປະແລກປ່ຽນມິດຕະພາບດ້ານປ້ອງກັນຊາດເຂດຊາຍແດນຫວຽດນາມ - ຈີນ ຄັ້ງທີ 5 ປີ 2018 ຈະດຳເນີນໃນລະຫວ່າງວັນທີ 19-21 ພະຈິກ.
ທ່ານພົນຈັດຕະວາ ຫງວຽນດ້າຍໂຮ້ຍ ເນັ້ນໜັກວ່າ, ງານພົບປະແລກປ່ຽນມິດຕະພາບດ້ານປ້ອງກັນຊາດເຂດຊາຍແດນຫວຽດນາມ - ຈີນ ຄັ້ງທີ 5 ມີການເຄື່ອນໄຫວທີ່ມີຄວາມໝາຍຫຼາຍຢ່າງ, ຄື: ການໂອ້ລົມສົນທະນາມິດຕະພາບ, ການພົບປະແລກປ່ຽນວັດທະນະທຳ, ສິລະປະລະຫວ່າງກຳລັງປ້ອງກັນຊາຍແດນ, ອຳນາດການປົກຄອງທ້ອງຖິ່ນ ແລະປະຊາຊົນສອງຟາກຊາຍແດນ; ພິທີເຄົາລົບຫຼັກໝາຍຊາຍແດນ ແລະການລາດຕະເວນຮ່ວມ; ກອງປະຊຸມປະເມີນຜົນ 5 ປີ “ງານພົບປະແລກປ່ຽນມິດຕະພາບດ້ານປ້ອງກັນຊາດເຂດຊາຍແດນຫວຽດນາມ - ຈີນ”...
|
|
ບັນຍາກາດທີ່ກອງປະຊຸມຂ່າວ. ພາບ: qdnd.vn. |
ງານພົບປະແລກປ່ຽນມິດຕະພາບດ້ານປ້ອງກັນຊາດເຂດຊາຍແດນຫວຽດນາມ - ຈີນ ແມ່ນການເຄື່ອນໄຫວເພື່ອແນໃສ່ກໍ່ສ້າງອາລົມຈິດມິດຕະພາບ, ຄວາມສາມັກຄີລະຫວ່າງອຳນາດການປົກຄອງທ້ອງຖິ່ນ, ປະຊາຊົນ ແລະກຳລັງປ້ອງກັນຊາຍແດນສອງປະເທດ, ສອງກອງທັບ. ຜ່ານນັ້ນເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ຊຸກຍູ້ການພົວພັນສອງປະເທດ, ສອງກອງທັບໃຫ້ພັດທະນາແບບຍືນຍົງ, ປະກອບສ່ວນປັບປຸງຄວາມເຊື່ອໝັ້ນຂອງປະຊາຊົນສອງປະເທດກ່ຽວກັບຊາຍແດນແຫ່ງສັນຕິພາບ, ມິດຕະພາບ, ສະຖຽນລະພາບ ແລະພັດທະນາ...
ໂດຍ: ວຽງຄຳ