ແລກປ່ຽນດ້ານວິຊາສະເພາະກ່ຽວກັບການແພດທະຫານລະຫວ່າງຫວຽດນາມ ແລະຝະລັ່ງ
ກປ.ອອນໄລ - ຕອນເຊົ້າວັນທີ 12 ພະຈິກ, ກົມຮັກສາສັນຕິພາບຫວຽດນາມ (ກະຊວງປ້ອງກັນປະເທດຫວຽດນາມ) ໄດ້ຈັດຕັ້ງພິທີໄຂການແລກປ່ຽນດ້ານວິຊາສະເພາະກ່ຽວກັບການແພດທະຫານລະຫວ່າງຫວຽດນາມ ແລະຝະລັ່ງ ໃຫ້ໂຮງໝໍກາງສະໜາມຂັ້ນ 1 ສັງກັດກອງຊ່າງແສງຮັກສາສັນຕິພາບຫວຽດນາມ. ການແລກປ່ຽນດ້ານວິຊາສະເພາະຄັ້ງນີ້ໄດ້ດໍາເນີນໃນລະຫວ່າງວັນທີ 12 - 16 ພະຈິກ, ໂດຍກົມຮັກສາສັນຕິພາບຫວຽດນາມ ສົມທົບກັບຫ້ອງການທູດປ້ອງກັນຊາດຝະລັ່ງ ປະຈໍາຮ່າໂນ້ຍ ຈັດຕັ້ງ.
ກ່າວຄໍາເຫັນທີ່ພິທີ, ທ່ານພັນເອກພິເສດ ຮວ່າງກິມຟູ້ງ, ຫົວໜ້າກົມຮັກສາສັນຕິພາບຫວຽດນາມ ໃຫ້ຮູ້ວ່າ, ແຕ່ປີ 2016 ມາຮອດປະຈຸບັນ, ນີ້ແມ່ນຄັ້ງທີ 7 ທີ່ຫວຽດນາມ ແລະຝະລັ່ງສົມທົບກັນຈັດຕັ້ງການເຄື່ອນໄຫວແລກປ່ຽນດ້ານວິຊາສະເພາະກ່ຽວກັບການຮັກສາສັນຕິພາບ. ການແລກປ່ຽນດ້ານວິຊາສະເພາະຄັ້ງນີ້ເພື່ອແນໃສ່ຍົກສູງຄວາມຮູ້, ປະສົບການ, ກໍາລັງຄວາມສາມາດດ້ານວິຊາສະເພາະໃຫ້ແກ່ພະນັກງານ, ພາລະກອນສັງກັດໂຮງໝໍກາງສະໜາມຂັ້ນ 1 ຂອງກອງຊ່າງແສງຮັກສາສັນຕິພາບຫວຽດນາມ.
|
|
ກໍາລັງການແພດທະຫານຫວຽດນາມ ເຂົ້າຮ່ວມການຮັກສາສັນຕິພາບສະຫະປະຊາຊາດ. ພາບ: dantri.com.vn. |
ນອກຈາກເນື້ອໃນແລກປ່ຽນກ່ຽວກັບດ້ານວິຊາສະເພາະ, ສອງຝ່າຍກໍ່ຈະປຶກສາຫາລື, ແບ່ງປັນບົດຮຽນໃນການແກ້ໄຂກໍລະນີທີ່ເກີດຂຶ້ນ, ປິ່ນປົວບາດເຈັບໃນວິວັດການປະຕິບັດໜ້າທີ່; ແລກປ່ຽນທິດທາງຮ່ວມມືໃນຂົງເຂດຮັກສາສັນຕິພາບສະຫະປະຊາຊາດລະຫວ່າງຫວຽດນາມ ແລະຝະລັ່ງ ໃນໄລຍະຈະມາເຖິງ.
ໂດຍ: ທະນາພອນ