ວິທະຍາຄານປ້ອງກັນຊາຍແດນ ປິດຊຸດຝຶກອົບຮົມທີ 1 ກ່ຽວກັບວິຊາການດ່ານຊາຍແດນໃຫ້ແກ່ກອງທັບປະຊາຊົນລາວ
ກປ.ອອນໄລ - ຜ່ານການຝຶກອົບຮົມເປັນເວລາ 3 ເດືອນ ຢູ່ວິທະຍາຄານປ້ອງກັນຊາຍແດນ, ບັນດານັກສໍາມະນາກອນໄດ້ຮັບການປະກອບ 7 ເນື້ອໃນລວມມີ: ການສຶກສາດ້ານການເມືອງ, ການໝູນໃຊ້ເຕັກໂນໂລຢີຂໍ້ມູນຂ່າວສານ, ທິດສະດີລວມກ່ຽວກັບການຄຸ້ມຄອງດ່ານຊາຍແດນ, ວິຊາການດ່ານຊາຍແດນ...
    |
 |
|
ທ່ານພົນຈັດຕະວາ ຈີ້ງຮວ່າງຮຽບ, ຫົວໜ້າວິທະຍາຄານປ້ອງກັນຊາຍແດນ ກ່າວຄໍາເຫັນທີ່ພິທີປິດຊຸດຝຶກອົບຮົມ. ພາບ: bienphong.com.vn. |
ໃນຊຸດຝຶກອົບຮົມ, ບັນດາພະນັກງານກອງທັບປະຊາຊົນລາວ ຍັງໄປຄົ້ນຄວ້າ, ທັດສະນະສຶກສາຕົວຈິງຢູ່ບາງອົງການ ແລະກົມກອງໃນກໍາລັງທະຫານຊາຍແດນ ແລະກອງທັບປະຊາຊົນຫວຽດນາມ, ຜ່ານນັ້ນຊ່ວຍຍົກສູງລະດັບຄວາມຮູ້, ທັກສະວິຊາການ ແລະເພີ່ມທະວີຄວາມເຂົ້າໃຈຢ່າງເລິກເຊິ່ງກວ່າອີກກ່ຽວກັບປະເທດຊາດ ແລະຊາວຫວຽດນາມ.
|
|
 |
|
ທ່ານພົນຈັດຕະວາ ຈີ້ງຮວ່າງຮຽບ ມອບໃບຢ້ັງຢືນໃຫ້ແກ່ບັນດານັກສໍາມະນາກອນຂອງຊຸດຝຶກອົບຮົມ. ພາບ: bienphong.com.vn. |
ກ່າວຄໍາເຫັນທີ່ພິທີປິດ, ທ່ານພົນຈັດຕະວາ ຈີ້ງຮວ່າງຮຽບ ຢັ້ງຢືນວ່າ, ຜົນສໍາເລັດຂອງຊຸດຝຶກອົບຮົມສະແດງໃຫ້ເຫັນຈິດໃຈ, ຄວາມຮັບຜິດຊອບ, ນໍ້າໃຈສາມັກຄີ, ຄວາມເຂົ້າໃຈ ເຊິ່ງກັນ ແລະກັນຂອງພະນັກງານປ້ອງກັນຊາຍແດນສອງປະເທດ, ປະກອບສ່ວນເຮັດໃຫ້ມູນເຊື້ອສາມັກຄີ, ມິດຕະພາບແບບພິເສດ, ນໍ້າໃຈສະໜິດຕິດພັນຢ່າງແໜ້ນແຟ້ນລະຫວ່າງກອງທັບ ແລະປະຊາຊົນສອງປະເທດ ຫວຽດນາມ-ລາວ ອ້າຍນ້ອງ ນັບມື້ນັບເລິກເຊິ່ງກວ່າອີກ.
ໂດຍ: ທູຈາງ