ທີ່ພິທີ, ທ່ານພົນໂທ ຫງວຽນຈີ໊ວີ້ງ ແລະທ່ານ  Daniel Kritenbrink ໄດ້ເປັນສັກຂີພິຍານພິທີລົງນາມໃນຂໍ້ຕົກລົງມອບ - ຮັບດິນທີ່ໄດ້ກຳຈັດ 13,7 ແຮັກຕາຢູ່ສະໜາມບິນສາກົນດ່ານັ້ງ ໃຫ້ກະຊວງຄົມມະນາຄົມ - ຂົນສົ່ງຄຸ້ມຄອງ.

ພິທີກໍ່ໄດ້ສ້າງຂີດໝາຍການປະຕິບັດສໍາເລັດໂຄງການກຳຈັດທາດພິດດີໂອຊິນຢູ່ສະໜາມບິນສາກົນດ່ານັ້ງ ເຊິ່ງໄດ້ແກ່ຍາວເປັນເວລາ 6 ປີ, ໄດ້ຜັນຂະຫຍາຍແຕ່ເດືອນສິງຫາ 2012, ດ້ວຍຄ່າໃຊ້ຈ່າຍທັງໝົດ 110 ລ້ານໂດລາສະຫະລັດ ໂດຍ USAID ແລະກະຊວງປ້ອງກັນປະເທດຫວຽດນາມ ສົມທົບກັນປະຕິບັດ.

leftcenterrightdel
ທ່ານພົນໂທ ຫງວຽນຈີ໊ວີ້ງ ກ່າວຄຳເຫັນທີ່ພິທີ. ພາບ: ແທງທຸ໋ຍ.
leftcenterrightdel
ພິທີລົງນາມໃນຂໍ້ຕົກລົງມອບ - ຮັບດິນທີ່ໄດ້ກຳຈັດ 13,7 ແຮັກຕາ. ພາບ: ແທງທຸ໋ຍ.

ກ່າວຄຳເຫັນທີ່ພິທີ, ທ່ານພົນໂທ ຫງວຽນຈີ໊ວີ້ງ ໄດ້ສະແດງຄວາມຂອບອົກຂອບໃຈລັດຖະບານ, ປະຊາຊົນອາເມລິກາ, ສະຖານທູດອາເມລິກາ ປະຈໍາ ຫວຽດນາມ ແລະທ່ານເອກອັກຄະລັດຖະທູດພ້ອມກັບບັນດາເອກອັກຄະລັດຖະທູດອາຍຸການກ່ອນ; ຂອບອົກຂອບໃຈອົງການພັດທະນາສາກົນອາເມລິກາ ໄດ້ພ້ອມກັນປະຕິບັດບັນດາການເຄື່ອນໄຫວກຳຈັດທາດພິດດີໂອຊິນຢູ່ສະໜາມບິນສາກົນດ່ານັ້ງ ໃນຊຸມປີຜ່ານມາ.

ລັດຖະບານອາເມລິກາ ໃຫ້ຄໍາໝັ້ນສັນຍາວ່າຈະສືບຕໍ່ໜູນຊ່ວຍຫວຽດນາມ  ກໍາຈັດມົນລະພິດຢູ່ສະໜາມບິນບຽນຮວ່າ ໃນໄລຍະຈະມາເຖິງ; ພ້ອມທັງເພີ່ມທະວີສາຍພົວພັນດ້ານປ້ອງກັນຊາດ - ປ້ອງກັນຄວາມສະຫງົບ, ເສດຖະກິດ ແລະວັດທະນະທໍາລະຫວ່າງສອງປະເທດຕື່ມອີກ.

ໂດຍ: ທະນາພອນ