leftcenterrightdel
ທ່ານພົນເອກ ໂງຊວນລິກ ຕ້ອນຮັບທ່ານ ພົນເອກ Vong Pisen.  ພາບ: ຈ້ອງຫາຍ.

ທ່ານພົນເອກ Vong Pisen ຂອບໃຈການຕ້ອນຮັບຢ່າງສົມກຽດຂອງກະຊວງປ້ອງກັນປະເທດຫວຽດນາມ ທີ່ສະຫງວນໃຫ້ຄະນະຜູ້ແທນການທະຫານຂັ້ນສູງກອງທັບລາດຊະວົງກຳປູເຈຍ. ທ່ານພົນເອກ Vong Pisen ແຈ້ງໃຫ້ທ່ານພົນເອກ ໂງຊວນ ລິກ ຮັບຊາບກ່ຽວກັບສະພາບການຂອງປະເທດກຳປູເຈຍ, ໝາກຜົນການເຈລະຈາກ່ອນໜ້ານັ້ນກັບທ່ານພົນໂທ ຟານວັນຢາງ. ທ່ານພົນເອກ  Vong Pisen ສະແດງຄວາມເຊື່ອໝ້ັນວ່າ, ໃນໄລຍະຈະມາເຖິງສາຍພົວພັນອັນດີງາມລະຫວ່າງກອງທັບສອງປະເທດຈະສືບຕໍ່ໄດ້ປັບປຸງ, ຮັດແໜ້ນກວ່າອີກ, ປະກອບສ່ວນເຂົ້າໃນການພົວພັນຮ່ວມມືຮອບດ້ານລະຫວ່າງສອງປະເທດນັບມື້ນັບໝັ້ນຄົງ, ເຂັ້ມແຂງ, ປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບ ແລະພັດທະນາຂອງແຕ່ລະປະເທດ.

ທ່ານພົນເອກ ໂງຊວນລິກ ຕີລາຄາສູງບັນດາຜົນງານເຊິ່ງປະຊາຊົນ ແລະກອງທັບລາດຊະວົງກຳປູເຈຍ ບັນລຸໄດ້, ຂອບໃຈອາລົມຈິດອັນດີງາມ ແລະຈິງໃຈຂອງທ່ານພົນເອກ Vong Pisen ກັບປະເທດ, ປະຊາຊົນ ແລະກອງທັບຫວຽດນາມ. ທ່ານພົນເອກ ໂງຊວນລິກ ສະແດງຄວາມເຊື່ອໝັ້ນວ່າ, ການຢ້ຽມຢາມຫວຽດນາມຢ່າງເປັນທາງການຂອງທ່ານພົນເອກ Vong Pisen ແລະໝາກຜົນການເຈລະຈາຂອງຄະນະຜູ້ແທນການທະຫານຂັ້ນສູງສອງປະເທດຈະປະກອບສ່ວນປັບປຸງ ແລະເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ, ນ້ຳໃຈສາມັກຄີ, ການຮ່ວມມືຮອບດ້ານລະຫວ່າງສອງປະເທດເວົ້າລວມ, ກອງທັບ ຫວຽດນາມ - ກໍາປູເຈຍ ເວົ້າສະເພາະ.

ໂດຍ: ວຽງຄຳ