ກ່ຽວກັບການພົວພັນດ້ານປ້ອງກັນຊາດ, ທ່ານພົນຈັດຕະວາ ໂງມິງຕ໋ຽນ ຕີລາຄາວ່າສອງຝ່າຍພວມຜັນຂະຫຍາຍຢ່າງມີປະສິດທິຜົນຕາມເນື້ອໃນຈິດໃຈຂອງບົດບັນທຶກຊ່ວຍຈໍາກ່ຽວກັບການຮ່ວມມືດ້ານປ້ອງກັນຊາດທີ່ໄດ້ລົງນາມໃນ ປີ 2013 ແລະຂໍ້ຕົກລົງປະຕິບັດກ່ຽວກັບການຮ່ວມມືຮັກສາສັນຕິພາບທີ່ໄດ້ລົງນາມໃນ ປີ 2017. ໃນໄລຍະຈະມາເຖິງ, ທ່ານພົນຈັດຕະວາ ໂງມິງຕ໋ຽນ ສະເໜີສອງຝ່າຍຄວນສືບຕໍ່ເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ເສີມຂະຫຍາຍກົນໄກເຈລະຈາ, ທາບທາມຄໍາເຫັນ, ບໍາລຸງສ້າງ, ຮັກສາສັນຕິພາບຂອງສະຫະປະຊາຊາດ... ກໍ່ຄືຊອກຫາຄວາມສາມາດຮ່ວມມືໃນບັນດາຂົງເຂດໃໝ່ທີ່ເໝາະສົມກັບຄວາມຕ້ອງການຂອງສອງຝ່າຍ ຄື: ຄວາມໝັ້ນຄົງທາງອິນເຕີແນັດ, ການຊອກຫາກູ້ໄພກູ້ຊີບ.

leftcenterrightdel
ທ່ານພົນຈັດຕະວາ ໂງມິງຕ໋ຽນ ມອບຂອງຂວັນທີ່ລະນຶກໃຫ້ແກ່ທ່ານ Eamon O’Shaughnessy. ພາບ: ຮວ່າງຫວູ.

ທ່ານ Eamon O’Shaughnessy ແຈ້ງໃຫ້ທ່ານພົນຈັດຕະວາ ໂງມິງຕ໋ຽນ ຮັບຊາບກ່ຽວກັບໝາກຜົນການທາບທາມຄໍາເຫັນ ກ່ຽວກັບການຮ່ວມມືດ້ານປ້ອງກັນຊາດ ຫວຽດນາມ-ນິວຊີແລນ ທີ່ດໍາເນີນໃນວັນດຽວກັນຢູ່ຮ່າໂນ້ຍ. ທ່ານ Eamon O’Shaughnessy ໃຫ້ຮູ້ວ່າ, ນິວຊີແລນ ພ້ອມແລ້ວຈະແບ່ງປັນບົດຮຽນໃນການເຄື່ອນໄຫວຮັກສາສັນຕິພາບຂອງສະຫະປະຊາຊາດ ກັບຫວຽດນາມ.

ໂດຍ: ທູຈາງ