ນີ້ແມ່ນຄັ້ງທີ 2 ທີ່ທ່ານພົນໂທ ຫງວຽນຈີ໊ວິ້ງ ເຂົ້າຮ່ວມກອງປະຊຸມນີ້ດ້ວຍຖານະແມ່ນແຂກຖືກເຊີນ ແລະໄດ້ມີເນື້ອໃນແລກປ່ຽນ, ແບ່ງປັນທີ່ສຳຄັນກ່ຽວກັບບົດຮຽນເຂົ້າຮ່ວມກຳລັງຮັກສາສັນຕິພາບສະຫະປະຊາຊາດຂອງຫວຽດນາມ ໃນວາລະປະຊຸມກ່ຽວກັບບັນດາໜ້າທີ່ ເຊິ່ງອີຢູກຳລັງຜັນຂະຫຍາຍ.

leftcenterrightdel
ຜູ້ແທນເຂົ້າຮ່ວມກອງປະຊຸມຜູ້ບັນຊາການປ້ອງກັນປະເທດອີຢູ ຖ່າຍຮູບລວມ. ພາບ: ຖັງແອງ.

ກ່າວຄຳເຫັນທີ່ກອງປະຊຸມ, ທ່ານພົນໂທ ຫງວຽນຈີ໊ວິ້ງ ໄດ້ແບ່ງປັນບົດຮຽນຂອງຫວຽດນາມໃນການຜັນຂະຫຍາຍໂຮງໝໍສະໜາມຂັ້ນ 2 ເລກ 1 ຢູ່ຊູດັງໃຕ້ ໃນໄລຍະຜ່ານມາ, ພ້ອມທັງຢືນຢັນວ່າ, ຫວຽດນາມຈະປະກອບເຂົ້າການເຄື່ອນໄຫວຮັກສາສັນຕິພາບຂອງສະຫະປະຊາຊາດຫຼາຍກວ່າອີກ, ເໝາະສົມກັບຄວາມສາມາດ ແລະແນວທາງ, ນະໂຍບາຍພົວພັນຕ່າງປະເທດສັນຕິພາບຂອງຫວຽດນາມ.

ເພື່ອປະກອບສ່ວນເພີ່ມທະວີການພົວພັນດ້ານປ້ອງກັນຊາດລະຫວ່າງຫວຽດນາມ ກັບ ອີຢູ ແລະກັບແຕ່ລະປະເທດສະມາຊິກຂອງອີຢູ, ພິເສດແມ່ນໃນຂົງເຂດຮັກສາສັນຕິພາບສະຫະປະຊາຊາດ, ທ່ານພົນໂທ ຫງວຽນຈີ໊ວິ້ງ ໄດ້ເຕື້ອງເຖິງການສ້າງຕັ້ງການພົວພັນດ້ານປ້ອງກັນຊາດກັບອີຢູ ຢ່າງເປັນທາງການ.

ກອງປະຊຸມຜູ້ບັນຊາການປ້ອງກັນປະເທດ ອີຢູ, ໂດຍຄະນະກຳມະການການທະຫານອີຢູ ຈັດຕັ້ງ, ລວມມີບັນດາວາລະປະຊຸມປຶກສາຫາລືທີ່ແຕກຕ່າງກັນກ່ຽວກັບສະພາບຄວາມໝ້ັນຄົງ, ການປ້ອງກັນຊາດກ່ຽວຂ້ອງເຖິງອີຢູ ເຊິ່ງອົງການຈັດຕັ້ງນີ້ກຳລັງຜັນຂະຫຍາຍ. ກອງປະຊຸມຄັ້ງນີ້ມີການເຂົ້າຮ່ວມຂອງຜູ້ບັນຊາການປ້ອງກັນປະເທດ  28 ປະເທດສະມາຊິກອີຢູ ແລະແຂກຖືກເຊີນມາຈາກສະຫະປະຊາຊາດ, ນາໂຕ, ກອງບັນຊາການກອງທັບ ອາເມລິກາ ປະຈຳເຂດອາຟຣິກກາ, ສ. ເກົາຫຼີ ແລະຫວຽດນາມ.

ໂດຍ: ແສງເດືອນ