ການເຄື່ອນໄຫວຂອງລັດຖະມົນຕີ ໂງຊວນລິກ ໃນການຢ້ຽມຢາມ ສ.ຝະລັ່ງ ຢ່າງເປັນທາງການ

22 ກັນຍາ 2018 19:8

ກປ.ອອນໄລ - ການຢ້ຽມຢາມ ສ.ຝະລັ່ງ ຢ່າງເປັນທາງການຂອງທ່ານພົນເອກ ໂງຊວນລິກ ກຳມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ສິ້ນສຸດລົງຢ່າງຈົບງາມດ້ວຍບັນດາການເຄື່ອນໄຫວແທດຈິງເພື່ອແນໃສ່ແລກປ່ຽນບັນດາເນື້ອໃນ, ມາດຕະການລະອຽດຊຸກຍູ້ການຮ່ວມມືດ້ານປ້ອງກັນຊາດຫວຽດນາມ-ສ.ຝະລັ່ງ, ປະກອບສ່ວນເພີ່ມທະວີການພົວພັນມິດຕະພາບ, ການຮ່ວມມືລະຫວ່າງສອງປະເທດ, ສອງກອງທັບເພື່ອສັນຕິພາບ, ສະຖຽນລະພາບ, ການພັດທະນາຂອງສອງປະເທດກໍ່ຄືຂອງແຕ່ລະພາກພື້ນ ແລະໃນໂລກ...

ດ້ວຍການເຊັນຖະແຫຼງການວິໄສທັດລວມກ່ຽວກັບການຮ່ວມມືດ້ານປ້ອງກັນຊາດໄລຍະ 2018-2028, ຕອບສະໜອງຄວາມຮຽກຮ້ອງຕ້ອງການຮ່ວມມືຂອງສອງຝ່າຍ, ປະກອບສ່ວນຢ່າງຕັ້ງໜ້າເຮັດໃຫ້ການພົວພັນຮ່ວມມືລະຫວ່າງສອງປະເທດເລິກເຊິ່ງ ແລະຮອບດ້ານກວ່າອີກ. ໜັງສືພິມກອງທັບປະຊາຊົນຫວຽດນາມ ຂໍແນະນຳເຖິງເພື່ອນຜູ້ອ່ານບາງຮູບພາບກ່ຽວກັບການເຄື່ອນໄຫວຂອງທ່ານພົນເອກ ໂງຊວນລິກ ໃນການຢ້ຽມຢາມ ສ.ຝະລັ່ງ ຢ່າງເປັນທາງການ.

ທ່ານພົນເອກ ໂງຊວນລິກ ລັດຖະມົນຕີກະຊວງປ້ອງກັນປະເທດຫວຽດນາມ ແລະທ່ານນາງ Florence Parly ລັດຖະມົນຕີກະຊວງປ້ອງກັນປະເທດຝະລັ່ງ ກວດແຖວກຽດຕິຍົດ. ພາບ: ທູຈາງ.

ທ່ານພົນເອກ ໂງຊວນລິກ ລັດຖະມົນຕີກະຊວງປ້ອງກັນປະເທດຫວຽດນາມ ແລະທ່ານນາງ Florence Parly ລັດຖະມົນຕີກະຊວງປ້ອງກັນປະເທດຝະລັ່ງ ທີ່ພິທີເຊັນຖະແຫຼງການວິໄສທັດລວມກ່ຽວກັບການຮ່ວມມືດ້ານປ້ອງກັນຊາດໄລຍະ 2018-2028. ພາບ: ທູຈາງ.