ຫວຽດນາມ-ອິນເດຍ ຊຸກຍູ້ການຮ່ວມມືດ້ານປ້ອງກັນຊາດ
ກປ.ອອນໄລ - ຕອນເຊົ້າວັນທີ 9 ກໍລະກົດ, ທີ່ສໍານັກງານກະຊວງປ້ອງກັນປະເທດ ຫວຽດນາມ, ທ່ານພົນໂທ ຫງວຽນຈິວີ໋ງ ກຳມະການສູນກາງພັກ, ຄະນະປະຈໍາຄະນະພັກການທະຫານສູນກາງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ໃຫ້ການຕ້ອນຮັບທ່ານພັນເອກ PS Punia ທູດທະຫານ ອິນເດຍ ປະຈໍາ ຫວຽດນາມ ເຂົ້າຢ້ຽມອໍາລາເນື່ອງໃນໂອກາດສິ້ນສຸດອາຍຸການປະຕິບັດງານຢູ່ ຫວຽດນາມ ແລະຕ້ອນຮັບທ່ານພັນເອກ Varandan Kumar ມາຮັບໜ້າທີ່ເປັນທູດທະຫານອິນເດຍ ປະຈໍາ ຫວຽດນາມ.
    |
 |
|
ທ່ານພົນໂທ ຫງວຽນຈິວີ໋ງ ຖ່າຍຮູບກັບທູດທະຫານອິນເດຍ ຄົນໃໝ່ ແລະຄົນເກົ່າ. ພາບ: ຮວ່າງຫວູ. |
ທ່ານພົນໂທ ຫງວຽນຈິວີ໋ງ ຕີລາຄາວ່າສາຍພົວພັນປ້ອງຊາດສອງຝ່າຍ ຫວຽດນາມ-ອິນເດຍ ໃນໄລຍະຜ່ານມາໄດ້ຮັບການເປີດກວ້າງ ແລະເຂົ້າສູ່ລວງເລິກ, ນັບມື້ນັບມີປະສິດທິຜົນລະອຽດ. ທ່ານພົນໂທ ຫງວຽນຈິວີ໋ງ ຮັບຮູ້ ແລະຕີລາຄາສູງບັນດາການປະກອບສ່ວນຢ່າງຕັ້ງໜ້າຂອງທ່ານພັນເອກ PS Punia ສໍາລັບສາຍພົວພັນປ້ອງກັນຊາດສອງຝ່າຍ ອິນເດຍ-ຫວຽດນາມ ໃນອາຍຸການປະຕິບັດງານຜ່ານມາ ແລະປາດຖະໜາວ່າໃນຖານະຕໍາແໜ່ງວຽກງານໃໝ່, ທ່ານພັນເອກ PS Punia ຈະສືບຕໍ່ມານະພະຍາຍາມຊຸກຍູ້ສາຍພົວພັນລະຫວ່າງສອງປະເທດ, ສອງກອງທັບໃຫ້ນັບມື້ນັບພັດທະນາ. ທ່ານພົນໂທ ຫງວຽນຈິວີ໋ງ ຊົມເຊີຍທ່ານພັນເອກ Varandan Kumar ມາຮັບໜ້າທີ່ເປັນທູດທະຫານອິນເດຍ ປະຈໍາ ຫວຽດນາມ ແລະສະເໜີທ່ານພັນເອກ Varandan Kumar ສືບຕໍ່ສືບທອດ ແລະເສີມຂະຫຍາຍບັນດາໝາກຜົນເຊິ່ງທ່ານພັນເອກ PS Punia ເຮັດໄດ້ ແລະມີຫຼາຍຂໍ້ລິເລີ່ມໃໝ່ ເພື່ອຊຸກຍູ້ສາຍພົວພັນສອງຝ່າຍໃຫ້ນັບມື້ນັບມີປະສິດທິຜົນກວ່າອີກ.
ທ່ານພົນໂທ ຫງວຽນຈິວີ໋ງ ຢືນຢັນວ່າກະຊວງປ້ອງກັນປະເທດຫວຽດນາມ ຈະອໍານວຍຄວາມສະດວກທຸກຢ່າງ ເພື່ອໃຫ້ທ່ານພັນເອກ Varandan Kumar ປະຕິບັດສໍາເລັດໜ້າທີ່ຂອງຕົນຢ່າງຈົບງາມ.
ແປໂດຍ: ເກື່ອງດັ້ງ