ກອງທັບຫວຽດນາມ ແລະລາວ ຊຸກຍູ້ການຮ່ວມມືໃນຂົງເຂດລະບອບກົດໝາຍ
ກປ.ອອນໄລ - ຕອນບ່າຍວັນທີ 4 ກໍລະກົດ, ທີ່ສໍານັກງານກະຊວງປ້ອງກັນປະເທດ, ທ່ານພົນໂທ ເລຈຽມ, ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ໃຫ້ການຕ້ອນຮັບຄະນະຜູ້ແທນກົມກົດໝາຍ-ກະຊວງປ້ອງກັນປະເທດລາວ ໂດຍທ່ານພັນເອກ ກັນທອງ ສຸກເລືອງຄຳ ຫົວໜ້າກົມກົດໝາຍກະຊວງປ້ອງກັນປະເທດລວດ ເປັນຫົວໜ້າຄະນະ ທີ່ພວມຢ້ຽມຢາມ ແລະເຮັດວຽກຢູ່ ຫວຽດນາມ.
    |
 |
|
ທ່ານພົນໂທ ເລຈຽມ ຕ້ອນຮັບທ່ານພັນເອກ ກັນທອງ ສຸກເລືອງຄຳ. ພາບ: qdnd.vn. |
ທ່ານພັນເອກ ກັນທອງ ສຸກເລືອງຄຳ ແຈ້ງໃຫ້ທ່ານພົນໂທ ເລຈຽມ ຮັບຊາບໝາກຜົນການພົບປະເຈລະຈາກັບຄະນະຜູ້ແທນກົມລະບອບກົດໝາຍ-ກະຊວງປ້ອງກັນປະເທດຫວຽດນາມ ໂດຍທ່ານພົນຈັດຕະວາ ຮ່ານແມ້ງທັ໋ງ, ຫົວໜ້າກົມເປັນຫົວໜ້າຄະນະ. ຕາມນັ້ນແລ້ວ, ສອງຝ່າຍໄດ້ແນະນໍາໃຫ້ກັນຊາບກ່ຽວກັບປະຫວັດແຫ່ງການກຳເນີດ, ພາລະບົດບາດ, ໜ້າທີ່, ການຈັດຕັ້ງບັນຈຸຂອງກົມລະບອບກົດໝາຍ-ກະຊວງປ້ອງກັນປະເທດຫວຽດນາມ ແລະກົມກົດໝາຍ-ກະຊວງປ້ອງກັນປະເທດລາວ. ສອງຝ່າຍເຫັນດີເປັນເອກະພາບຖືວ່າໃນໄລຍະຈະມາເຖິງ, ກົມລະບອບກົດໝາຍ-ກະຊວງປ້ອງກັນປະເທດຫວຽດນາມ ແລະກົມກົດໝາຍ-ກະຊວງປ້ອງກັນປະເທດລາວ ຄວນຍູ້ແຮງການຮ່ວມມື, ແລກປ່ຽນບົດຮຽນ, ໜູນຊ່ວຍເຊິ່ງກັນ ແລະກັນໃນການສ້າງກົດໝາຍວ່າດ້ວຍການທະຫານ, ການປ້ອງກັນຊາດລະຫວ່າງສອງປະເທດກວ່າອີກ.
|
|
 |
|
ທ່ານພົນໂທ ເລຈຽມ ແລະທ່ານພັນເອກ ກັນທອງ ສຸກເລືອງຄຳ ຖ່າຍຮູບເປັນທີ່ລະນຶກພ້ອມກັບບັນດາຜູ້ແທນ. ພາບ: ສໍານັກຂ່າວສານຫວຽດນາມ. |
ຕີລາຄາສູງໝາກຜົນການພົບປະເຈລະຈາ, ທ່ານພົນໂທ ເລຈຽມ ຢືນຢັນວ່າການນໍາກະຊວງປ້ອງກັນປະເທດຫວຽດນາມ ຍາມໃດກໍ່ສະໜັບສະໜູນ ແລະສ້າງເງື່ອນໄຂສະດວກ ເພື່ອໃຫ້ສອງອົງການເພີ່ມທະວີການຮ່ວມມື, ປະຕິບັດສຳເລັດໜ້າທີ່ຂອງແຕ່ລະຝ່າຍເປັນຢ່າງດີ ແລະຜ່ານນັ້ນປະກອບສ່ວນເຮັດໃຫ້ສາຍພົວພັນລະຫວ່າງກອງທັບສອງປະເທດໃຫ້ເລິກເຊິ່ງກວ່າອີກ.
ໃນໄລຍະຈະມາເຖິງ, ສອງອົງການຄວນເອົາໃຈໃສ່ເປັນພິເສດເພີ່ມທະວີການແລກປ່ຽນຄະນະຜູ້ແທນ, ແບ່ງປັນຂໍ້ມູນຂ່າວສານ, ແລກປ່ຽນບົດຮຽນ, ຮ່ວມມືບໍາລຸງສ້າງຖັນແຖວພະນັກງານ, ພາລະກອນລະບອບກົດໝາຍໃຫ້ມີກຳລັງຄວາມສາມາດຢ່າງພຽງພໍ ເພື່ອປະຕິບັດສໍາເລັດໜ້າທີ່ໄດ້ຮັບການມອບໝາຍ.
ແປໂດຍ: ເຈິ່ນຮວ່ຽນ