ທ່ານນາຍົກລັດຖະມົນຕີ ຫງວຽນຊວນຟຸກ ຕ້ອນຮັບລັດຖະມົນຕີກະຊວງປ້ອງກັນປະເທດ ສ. ເກົາຫຼີ
ກປ.ອອນໄລ - ຕອນບ່າຍວັນທີ 4 ມິຖຸນາ, ທີ່ສໍານັກງານນາຍົກລັດຖະມົນຕີຫວຽດນາມ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານ Song Young – moo, ລັດຖະມົນຕີກະຊວງປ້ອງກັນປະເທດ ສ. ເກົາຫຼີ ພວມຢ້ຽມຢາມ ຫວຽດນາມ ຢ່າງເປັນທາງການແຕ່ວັນທີ 3-5 ມິຖຸນາ.
|
|
ທ່ານນາຍົກລັດຖະມົນຕີ ຫງວຽນຊວນຟຸກ ຕ້ອນຮັບທ່ານ Song Young – moo, ລັດຖະມົນຕີກະຊວງປ້ອງກັນປະເທດ ສ. ເກົາຫຼີ. ພາບ: ສໍານັກຂ່າວສານຫວຽດນາມ. |
ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວນຟຸກ ຕີລາຄາສູງຜົນງານແຫ່ງການຮ່ວມມືໃນໄລຍະຜ່ານມາຂອງກະຊວງປ້ອງກັນປະເທດສອງປະເທດ. ທ່ານນາຍົກລັດຖະມົນຕີ ຊີ້ແຈ້ງວ່າ, ລັດຖະບານຫວຽດນາມ ຍາມໃດກໍ່ສ້າງເງື່ອນໄຂສະດວກ ເພື່ອໃຫ້ກະຊວງປ້ອງກັນປະເທດສອງປະເທດເພີ່ມທະວີການຮ່ວມມືນັບມື້ນັບມີປະສິດທິຜົນ, ປະກອບສ່ວນເຮັດໃຫ້ເນື້ອແທ້ຂອງການພົວພັນຄູ່ຮ່ວມມືຍຸດທະສາດອຸດົມສົມບູນ ແລະເລິກເຊິ່ງກວ່າອີກ.
ທ່ານລັດຖະມົນຕີ Song Young – moo ຊີ້ແຈ້ງວ່າ, ສ.ເກົາຫຼີ ຖື ຫວຽດນາມ ແມ່ນຄູ່ຮ່ວມມືສໍາຄັນແຖວໜ້າໃນ “ນະໂຍບາຍທາງທິດໃຕ້ໃໝ່” ຂອງຕົນ. ທ່ານລັດຖະມົນຕີ ຢັ້ງຢືນວ່າຍາມໃດກໍ່ເປີດຊ່ອງທາງເຈລະຈາເປັນປະຈໍາກັບຫວຽດນາມ ແລະກຽມພ້ອມຮ່ວມມືກັບຫວຽດນາມ ໃນຂົງເຂດປ້ອງກັນຊາດ.
ແປໂດຍ: ຫງວຽນກຸກ