ຄະນະປະຕິບັດງານປະສົມຂອງສະຫະປະຊາຊາດ ແລະລັດຖະບານ ຍີ່ປຸ່ນ ຢ້ຽມຢາມ ຫວຽດນາມ
ກປ.ອອນໄລ - ຕອນບ່າຍວັນທີ 13 ເມສາ, ຢູ່ສໍານັກງານກະຊວງປ້ອງກັນປະເທດ, ທ່ານພົນຈັດຕະວາ ໂງມິງຕ໋ຽນ, ຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ໄດ້ໃຫ້ການຕ້ອນຮັບຄະນະປະຕິບັດງານປະສົມຂອງສະຫະປະຊາຊາດ ແລະລັດຖະບານ ຍີ່ປຸ່ນ ໂດຍທ່ານ Harinder Sood, ຜູ້ອໍານວຍການໂຄງການຮ່ວມມືສາມຝ່າຍ (TPP), ກົມໜູນຊ່ວຍພູມີປະເທດຕົວຈິງສະຫະປະຊາຊາດ (DFS), ເປັນຫົວໜ້າຄະນະ, ທີ່ພວມຢ້ຽມຢາມ ແລະເຮັດວຽກຢູ່ຫວຽດນາມ.
ເມື່ອເນັ້ນໜັກເຖິງເລື່ອງຫວຽດນາມ ເຂົ້າຮ່ວມການເຄື່ອນໄຫວຮັກສາສັນຕິພາບຂອງສະຫະປະຊາຊາດ (ສປຊ) ແມ່ນຄວາມມານະພະຍາຍາມຢ່າງໃຫຍ່ຫຼວງສະແດງໃຫ້ເຫັນກໍາລັງຄວາມສາມາດ ແລະບົດບາດ, ຄວາມຮັບຜິດຊອບຂອງຫວຽດນາມ ສໍາລັບປະຊາຄົມສາກົນໃນການເຂົ້າຮ່ວມແກ້ໄຂບັນດາຜົນຮ້າຍຢ້ອນຫຼັງຈາກບັນດາການປະທະກັນໃນໂລກປະໄວ້ໃຫ້, ທ່ານພົນຈັດຕະວາ ໂງມິງຕ໋ຽນ ຖືວ່າ, ຍ້ອນຫາກໍ່ເຂົ້າຮ່ວມສະນັ້ນຫວຽດນາມ ຍັງປະສົບກັບຄວາມຫຍຸ້ງຍາກຫຼາຍຢ່າງນັບແຕ່ອຸປະກອນ, ບົດຮຽນຕະຫຼອດຮອດກໍາລັງຄວາມສາມາດດ້ານວິຊາສະເພາະ.
|
|
ທ່ານພົນຈັດຕະວາ ໂງມິງຕ໋ຽນ ຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ ຕ້ອນຮັບທ່ານ Harinder Sood. ພາບ: ສໍານັກຂ່າວສານຫວຽດນາມ. |
ທ່ານພົນຈັດຕະວາ ໂງມິງຕ໋ຽນ ໃຫ້ຮູ້ວ່າ ຫວຽດນາມ ປາດຖະໜາຢາກໄດ້ຮັບການຮ່ວມມືກັບ TPP ເພື່ອຍົງສູງກໍາລັງຄວາມສາມາດກໍ່ຄືການເຂົ້າຮ່ວມຢ່າງຕັ້ງໜ້າໃນການເຄື່ອນໄຫວຮັກສາສັນຕິພາບຂອງ ສປຊ ກວ່າອີກ. ທ່ານພົນຈັດຕະວາ ໂງມິງຕ໋ຽນ ໄດ້ແຈ້ງໃຫ້ທ່ານ Harinder Sood ຮັບຊາບວ່າ ມາຮອດປະຈຸບັນ, ວຽກງານກະກຽມໂຮງໝໍກາງສະໜາມຂັ້ນ 2 ເລກທີ 1 ຂອງຫວຽດນາມ ໄດ້ສໍາເລັດໂດຍພື້ນຖານເພື່ອພ້ອມແລ້ວທີ່ຈະເຂົ້າຮ່ວມການປະຕິບັດໜ້າທີ່ຢູ່ຄະນະປະຕິບັດງານຮັກສາສັນຕິພາບ ສປຊ ໃຫ້ຖືກຕ້ອງຕາມຄໍາໝັ້ນສັນຍາ.
ສ່ວນທ່ານ Harinder Sood ສະແດງຄວາມປະທັບໃຈຕໍ່ບັນດາຄໍາໝັ້ນສັນຍາການເມືອງກໍ່ຄືກ່ຽວກັບພື້ນຖານດ້ານວັດຖຸໃນການຝຶກແອບໃຫ້ແກ່ກໍາລັງກະກຽມເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ຂອງຫວຽດນາມ. ທ່ານ Harinder Sood ສະແດງຄວາມເຊື່ອໝັ້ນວ່າຖ້າໄດ້ຄັດເລືອກໃຫ້ເປັນຄູ່ຮ່ວມມືເຂົ້າຮ່ວມ TPP, ຫວຽດນາມ ມີພຽງຄວາມສາມາດຮັບເອົາເນື້ອໃນຂອງໂຄງການນີ້ໄດ້ທັງໝົດ.
ແປໂດຍ: ເຈິ່ນຮວ່ຽນ