ເປີດສະຫຼອງສູນຮ່ວມມື ຫວຽດນາມ - ສິງກະໂປ ຢູ່ຮ່າໂນ້ຍ
ກປ.ອອນໄລ - ໃນຂອບເຂດການຢ້ຽມຢາມຫວຽດນາມຢ່າງເປັນທາງການແຕ່ວັນທີ 21-26 ມີນາ ຂອງທ່ານ Teo Chee Hean ຮອງນາຍົກລັດຖະມົນຕີ, ລັດຖະມົນຕີປະສານງານດ້ານປ້ອງກັນຄວາມສະຫງົບແຫ່ງຊາດສິງກະໂປ, ຕອນເຊົ້າວັນທີ 23 ມີນາ, ສູນຮ່ວມມືຫວຽດນາມ-ສິງກະໂປ ໄດ້ຮັບການເປີດສະຫຼອງຢ່າງເປັນທາງການ ໂດຍພາຍໃຕ້ການເປັນສັກຂີພິຍານຂອງທ່ານ Teo Chee Hean ແລະພັນລະຍາ.
ເຂົ້າຮ່ວມເຫດການນີ້ມີທ່ານ ຈູງອັກແອງ ລັດຖະມົນຕີກະຊວງວິທະຍາສາດ ແລະເຕັກໂນໂລຢີຫວຽດນາມ ພ້ອມດ້ວຍຜູ້ຕາງໜ້າກະຊວງການຕ່າງປະເທດ, ບັນດາກະຊວງ, ຄະນະ, ຂະແໜງການຂັ້ນສູນກາງ, ອົງການຈັດຕັ້ງສາກົນເຂົ້າຮ່ວມຢ່າງຫຼວງຫຼາຍ...
|
|
ຜູ້ແທນສອງຝ່າຍ ຫວຽດນາມ - ສິງກະໂປ ທີ່ພິທີເປີດສະຫຼອງ. ພາບ: ສໍານັກຂ່າວສານຫວຽດນາມ. |
ກ່າວຄໍາເຫັນທີ່ພິທີເປີດສະຫຼອງ, ທ່ານນາງ Catherine Wong ເອກອັກຄະລັດຖະທູດສິງກະໂປ ປະຈໍາຫວຽດນາມ ໃຫ້ຮູ້ວ່າ, ຕົ້ນກໍາເນີດຂອງສູນຮ່ວມມືຫວຽດນາມ-ສິງກະໂປ ແມ່ນສູນກໍ່ສ້າງຫວຽດນາມ-ສິງກະໂປ, ເຊິ່ງໄດ້ຮັບການສ້າງຕັ້ງໃນປີ 2002. ຕາມທ່ານນາງ Catherine Wong ແລ້ວ, ໃນສະພາບການທີ່ຫວຽດນາມມີຄວາມເຕີບໂຕ ແລະພັດທະນາຢ່າງວ່ອງໄວນັ້ນ, ສູນກໍ່ສ້າງຫວຽດນາມ-ສິງກະໂປ ໄດ້ຮັບການຍົກລະດັບ ແລະປ່ຽນຊື່ເປັນສູນຮ່ວມມືຫວຽດນາມ-ສິງກະໂປ ເພື່ອແນໃສ່ສະແດງໃຫ້ເຫັນຄໍາໝັ້ນສັນຍາອັນຍາວນານຂອງສິງກະໂປ ໃນການແກ້ໄຂບັນດາຄວາມຕ້ອງການພັດທະນາຂອງບັນດາປະເທດ ແລະຮັດແຄບຊ່ອງຫວ່າງພັດທະນາໃນພາກພື້ນ...
ໂດຍ: ໄຊຊະນະ