ທະຫານເຮືອຫວຽດນາມ ແລະທະຫານເຮືອລາດຊະວົງກໍາປູເຈຍ ດຳເນີນການລາດຕະເວນຮ່ວມຄັ້ງທີ 54
ກປ.ອອນໄລ - ໃນລະຫວ່າງວັນທີ 14 – 15 ມີນາ, ທີ່ເຂດນໍ້າປະຫວັດສາດລະຫວ່າງສອງປະເທດຫວຽດນາມ - ກໍາປູເຈຍ, ທະຫານເຮືອສອງປະເທດໄດ້ຈັດຕັ້ງການລາດຕະເວນຮ່ວມປະຈໍາປີຄັ້ງທີ 54.
ກໍາລັງເຂົ້າຮ່ວມການລາດຕະເວນຮ່ວມມີກໍາປັ່ນໝາຍເລກ 253 ສັງກັດກອງພັນນ້ອຍ 127, ທະຫານເຮືອເຂດ 5 ກອງທັບປະຊາຊົນຫວຽດນາມ ແລະກໍາປັ່ນໝາຍເລກ 1142 ສັງກັດຖານທີ່ໝັ້ນທະຫານເຮືອລາດຊະວົງກໍາປູເຈຍ. ສອງຝ່າຍໄດ້ດໍາເນີນບັນດາໜ້າທີ່, ຄື: ສະກັດກັ້ນ, ປາບປາມພວກໂຈນສະຫຼັດ, ບັນດາການເຄື່ອນໄຫວຄ້າເຖື່ອນ, ຂົນສົ່ງຢາເສບຕິດ, ເຂົ້າເມືອງຜິດກົດໝາຍ, ຄ້າຂາຍອາວຸດ, ທາດລະເບີດຜິດກົດໝາຍ; ຊອກຫາ, ກູ້ຊີບ-ກູ້ໄພ ແລະປົກປັກຮັກສາສິ່ງແວດລ້ອມທະເລ.
|
|
ທະຫານເຮືອຫວຽດນາມ ແລະທະຫານເຮືອລາດຊະວົງກໍາປູເຈຍ ລາດຕະເວນຮ່ວມ. ພາບ: ວັນດິ່້ງ. |
ດ້ວຍການກະກຽມຢ່າງຮອບຄອບທີ່ຖ້ວນ, ການຮ່ວມມືຢ່າງແໜ້ນແຟ້ນ, ການລາດຕະເວນຮ່ວມຄັ້ງທີ 54 ໄດ້ສໍາເລັດຢ່າງຈົບງາມ, ປະກອບສ່ວນຮັກສາຄວາມເປັນລະບຽບຮຽບຮ້ອຍໃນເຂດນໍ້າປະຫວັດສາດລະຫວ່າງຫວຽດນາມ-ກໍາປູເຈຍ, ສ້າງເງື່ອນໄຂໃຫ້ປະຊາຊົນສອງປະເທດທໍາມາຫາກິນ, ພັດທະນາເສດຖະກິດ. ພ້ອມທັງປັບປຸງ, ເພີ່ມທະວີສາຍພົວພັນມິດຕະພາບ, ການຮ່ວມມື, ຄວາມເຂົ້າໃຈ ແລະໄວ້ເນື້ອເຊື່ອໃຈເຊິ່ງກັນ ແລະກັນລະຫວ່າງທະຫານເຮືອສອງປະເທດ.
ໂດຍ: ເກື່ອງດັ້ງ