“ເມື່ອໂອກາດບຸນເຕັດວຽນມາໃນແຕ່ລະຄັ້ງ, ກອງພົນນ້ອຍ 134 ຂອງພວກຂ້າພະເຈົ້າພັດໄດ້ເພີ່ມທະວີຈັດຕັ້ງບັນດາການເຄື່ອນໄຫວສົມທົບກັບບັນດາການດໍາເນີນຊີວິດທີ່ເປັນມູນເຊື້ອ ເພື່ອຖ່າຍທອດຄວາມເມົາມົວການອຸທິດສ່ວນໃຫ້ຮຸ່ນໜຸ່ມໃນປະຈຸບັນ. ແລະໜຶ່ງໃນບັນດາວຽກງານທີ່ບໍ່ສາມາດຂາດໄດ້ໃນໂອກາດນີ້ແມ່ນການອ່ານຄືນຈົດໝາຍຂອງລຸງໂຮ່ ທີ່ຝາກໃຫ້ທະຫານສື່ສານກ່ອນນີ້ຫ້າສິບປີ. ຈົດໝາຍຂອງລຸງໂຮ່ ມາເຖິງແມ່ນລະດູບານໃໝ່ໄດ້ວຽນມາຮອດແລ້ວ, ເພື່ອໃຫ້ພະນັກງານ, ນັກຮົບແຕ່ລະຄົນໃນກົມກອງມີກໍາລັງໜູນຕື່ມອີກເພື່ອສູ້ຊົນ, ປະຕິບັດສໍາເລັດໜ້າທີ່”, ທ່ານພັນເອກ ຕົງວັນແທງ, ຫົວໜ້າການເມືອງກອງພົນນ້ອຍ 134, ເຫຼົ່າຮົບສື່ສານ ໄດ້ເລີ່ມຕົ້ນເລົ່າເລື່ອງກັບພວກຂ້າພະເຈົ້າໃນຕອນບ່າຍທ້າຍປີ.

ອ້າຍແທງແບ່ງປັນວ່າ, ໃນຊຸມປີຜ່ານມາ, ການປະຕິບັດຄໍາສັ່ງສອນຂອງລຸງໂຮ່, ພ້ອມກັບບັນດາກົມກອງໃນເຫຼົ່າຮົບ, ກອງພົນນ້ອຍ 134 ໄດ້ປະຕິບັດສໍາເລັດໜ້າທີ່ປະຈໍາ ແລະໜ້າທີ່ເກີດຂຶ້ນໂດຍບັງເອີນເປັນຢ່າງດີ, ກໍ່ມີບາງຈຸດເວລາເກີດມີວຽກເຮັດຢ່າງກະທັນຫັນໂດຍຂັ້ນເທິງມອບໝາຍໃຫ້ແຕ່ວ່າກົມກອງຂອງພວກຂ້າພະເຈົ້າກໍ່ຍັງຮັບປະກັນເປັນຢ່າງດີ. ເຂັມທິດເພື່ອໃຫ້ກອງພົນນ້ອຍປະຕິບັດໄດ້ສິ່ງດັ່ງກ່າວນັ້ນແມ່ນວຽກເຊື່ອມຊຶມບັນດາຄໍາສັ່ງສອນຂອງລຸງໂຮ່ ທີ່ມີຕໍ່ທະຫານສື່ສານໃນຈົດໝາຍສະບັບພິເສດ. ທ່ານ ໂງກີມດັງ, ຫົວໜ້າກອງພົນນ້ອຍ 134 ໃຫ້ຮູ້ວ່າ: “ພວກຂ້າພະເຈົ້າ ກໍາລັງສືບທອດມູນເຊື້ອເຊິ່ງຮຸ່ນພໍ່ຮຸ່ນອ້າຍໄດ້ເສຍສະຫຼະຊີວິດເລືອດເນື້ອເພື່ອສ້າງຂຶ້ນໃນຊຸມປີຕໍ່ຕ້ານ. ໃນແຕ່ລະຈຸດເວລານັ້ນ, ເຖິງວ່າຄວາມຮຽກຮ້ອງຕ້ອງການທາງໜ້າທີ່ແຕກຕ່າງກັນກໍ່ຕາມ, ແຕ່ກົມກອງຍາມໃດກໍ່ກໍານົດໄວ້ວ່າຕ້ອງຕັດສິນໃຈປະຕິບັດໃຫ້ສໍາເລັດ, ສູ້ຊົນໃຫ້ລື່ນກາຍຕົວເລກຄາດໝາຍທີ່ແຜນການໄດ້ວາງອອກ. ເພື່ອປະຕິບັດໄດ້ສິ່ງດັ່ງກ່າວນັ້ນ, ໃນຊຸມປີຜ່ານມາ, ພວກຂ້າພະເຈົ້າໄດ້ຜັນຂະຫຍາຍ, ປະຕິບັດຮູບແບບ, ຂໍ້ລິເລີ່ມຫຼາຍຢ່າງ”.

leftcenterrightdel
ສຶກສາມູນເຊື້ອໃຫ້ຮຸ່ນໜຸ່ມຢູ່ກອງພົນນ້ອຍ 134, ເຫຼົ່າຮົບສື່ສານ. ພາບ:qdnd.vn

ພວກຂ້າພະເຈົ້າ ໄປຢ້ຽມຢາມເຮືອນທ່ານພັນເອກພິເສດ ຟ້າມງອັກທັງ, ອະດີດຫົວໜ້າການເມືອງກອງພົນນ້ອຍ 134. ເພິ່ນມີອາຍຸຫຼາຍແລ້ວ, ເຖິງວ່າບໍ່ຄ່ອງແຄ້ວວ່ອງໄວຄືແຕ່ກ່ອນກໍ່ຕາມ, ແຕ່ເພິ່ນຍັງບໍ່ລືມບັນດາຂີດໝາຍລວມກ່ຽວກັບບັນດາຜົນງານຂອງກົມກອງ. “ວັນທີ 28 ມັງກອນ ປີ 1969, ຂ້າພະເຈົ້າ ເປັນຫົວໜ້າຄະນະຜູ້ແທນຂອງກອງພັນໃຫຍ່ 134 (ເຊິ່ງແມ່ນຕົ້ນກຳເນີດຂອງກອງພົນນ້ອຍ 134 ໃນປະຈຸບັນ) ເຂົ້າຮ່ວມກອງປະຊຸມໃຫຍ່ແຂ່ງຂັນສ້າງຜົນງານ, ຕັດສິນໃຈຕີຊະນະຕີສັດຕູ ອາເມລິກາ ຮຸກຮານ ດ້ວຍເຫຼົ່າຮົບຈັດຕັ້ງ. ມື້ນັ້ນ, ທ່ານ ຊອງຮ່າວ ຫົວໜ້າກົມໃຫຍ່ການເມືອງ ໄດ້ອ່ານຈົດໝາຍຂອງລຸງໂຮ່ ຢູ່ຫໍປະຊຸມກອງປະຊຸມໃຫຍ່, ຜູ້ໃດກໍ່ມີຄວາມຕື້ນຕັນໃຈ, ນ້ຳຕາຍີ້ມປໍ້”.

ໃນໝູ່ພະນັກງານ ແລະນັກຮົບສື່ສານປະມານ 200 ຄົນທີ່ເຂົ້າຮ່ວມກອງປະຊຸມໃຫຍ່ປີນັ້ນ, ມີຜູ້ແທນຂຶ້ນກັບກອງພັນໃຫຍ່ 134 ເກືອບ 10 ຄົນໄດ້ສ້າງຫຼາຍຜົນງານທີ່ດີເລີດໃນ 3 ປີ (1966-1968). ທີ່ກອງປະຊຸມໃຫຍ່, ໃນບົດລາຍງານຂອງສູນກາງໄດ້ເວົ້າເຖິງວິລະກໍາຂອງກອງພັນໃຫຍ່ຫຼາຍຄັ້ງ.

ຫຼັງຈາກນັ້ນເກືອບໜຶ່ງເດືອນ, ວັນທີ 20 ກຸມພາ ປີ 1969, ທ່ານ ຟ້າມງອັກທັງ ໄດ້ເປັນເຈົ້າພາບກົມກອງດໍາເນີນກອງປະຊຸມໃຫຍ່ແຂ່ງຂັນຕັດສິນໃຈຕີຊະນະສັດຕູ ອາເມລິກາ ຮຸກຮານ ແລະສະຫຼຸບ 3 ປີແຫ່ງບັ້ນຂົນຂວາຍໃຫຍ່ທີ່ຄະນະພັກການທະຫານສູນກາງປຸກລະດົມ. ໃນນັ້ນ, ພິເສດມີເນື້ອໃນປຸກລະດົມທົ່ວກົມກອງແຂ່ງຂັນກັນປະຕິບັດຕາມເນື້ອໃນຈົດໝາຍຂອງລຸງໂຮ່.

ໂດຍ: ຈາງຫງວຽນ