ເລື່ອງລາວນັ້ນແມ່ນ, ໃນການໂອ້ລົມສົນທະນາ “ທະຫານເຂດ 2 ເຊື່ອໝັ້ນຕໍ່ຄໍາສັ່ງສອນຂອງລຸງໂຮ່” ໂດຍໜັງສືພິມກອງທັບປະຊາຊົນ ແລະກອງບັນຊາການທະຫານເຂດ 2 ສົມທົບກັນຈັດຕັ້ງເມື່ອກາງປີ 2018, ຄະນະບັນນາທິການໜັງສືພິມກອງທັບປະຊາຊົນ ໄດ້ມອບໃຫ້ຜູ້ແທນບັນດາກົມກອງເຂົ້າຮ່ວມການໂອ້ລົມສົນທະນາສຳເນົາໜັງສືພິມກອງທັບປະຊາຊົນ 33 ສະບັບດັ່ງກ່າວ. ເມື່ອອ້າຍຫຽນ ມາຮອດກົມກອງ, ພະນັກງານ, ນັກຮົບຜັດປ່ຽນກັນອ່ານ. ໃຜກໍ່ຮູ້ສຶກນິຍົມ, ມີຄວາມປະທັບໃຈຕໍ່ບັນດາຂໍ້ມູນຂ່າວສານໃນໜັງສືພິມ, ເປັນຕົ້ນແມ່ນບັນດາບົດຂຽນກ່ຽວກັບແບບຢ່າງຕໍ່ສູ້ຢ່າງພິລະອາດຫານຂອງທະຫານ, ກ່ຽວກັບວຽກງານຂົນຂວາຍສັດຕູໃນການຕໍ່ສູ້ ແລະຢູ່ສະໜາມຮົບ... ຕາມອ້າຍຫຽນ ແລ້ວ, ນັ້ນແມ່ນຜົນງານມະຫັດສະຈັນຂອງບັນດານັກຂ່າວນັກຮົບ, ຍ້ອນບັນດານັກຂ່າວໄດ້ຄຽງບ່າຄຽງໄຫຼ່ພ້ອມກັບທະຫານຢູ່ສະໜາມຮົບ, ຂຽນບົດ, ພິມຈໍາໜ່າຍ, ສົ່ງໜັງສືພິມເຖິງທະຫານພາຍໃຕ້ລະເບີດລູກແຕກຂອງສັດຕູ. ເຂົາເຈົ້າໄດ້ເສຍສະຫຼະຊີວິດຢ່າງພິລະອາດຫານເພື່ອແນະນຳຂ່າວຈາກກອງບັນຊາການ ແລະບັນດາແບບຢ່າງທີ່ດີເດັ່ນໃນການຕໍ່ສູ້ອັນພິລະອາດຫານ... ເຖິງທະຫານທີ່ພວມຕໍ່ສູ້ຢູ່ສະໜາມຮົບຢ່າງວ່ອງ ໄວ.

leftcenterrightdel
ການນໍາໜັງສືພິມກອງທັບປະຊາຊົນ ແນະນໍາປະຫວັດສາດ, ມູນເຊື້ອຂອງໜັງສືພິມກັບບັນດາຜູ້ແທນທີ່ເປັນແບບຢ່າງດີເດັ່ນ “ຂົນຂວາຍປະຊາຊົນຢ່າງຄ່ອງແຄ້ວ”. ພາບ: ຈ້ອງຫາຍ.

ຈາກເລື່ອງລາວຂອງອ້າຍ ຫຽນ, ຫ້ອງມູນເຊື້ອຂອງໜັງສືພິມກອງທັບປະຊາຊົນກ່ອນເວລາດໍາເນີນລາຍການພົບປະແລກປ່ຽນມື້ນັ້ນຈຶ່ງມີແຂກເຂົ້າຮ່ວມເປັນຈໍານວນຫຼວງຫຼາຍ. ຜູ້ແທນຫຼາຍຄົນໄດ້ຊອກອ່ານໜັງສືພິມສະບັບພິມຈໍາໜ່າຍ ຢູ່ສະໜາມຮົບດ້ຽນບຽນຝູ ໃນເມື່ອກ່ອນ ແລະຍິ່ງມີຄວາມປະທັບໃຈ, ນິຍົມນັບຖືກວ່າເມື່ອທ່ານພັນເອກພິເສດ ຟຸ່ງກິມເລິນ-ຮອງຫົວໜ້າບັນນາທິການ ແນະນໍາກ່ຽວກັບການເສຍສະຫຼະຊີວິດຢ່າງພິລະອາດຫານ, ຈິດໃຈຕໍ່ສູ້ຢ່າງອົງອາດກ້າແກ່ນຂອງພະນັກງານ, ນັກຂ່າວໜັງສືພິມກອງທັບປະຊາຊົນຫວຽດນາມ 9 ຄົນ ເມື່ອພວມປະຕິບັດງານຢູ່ສະໜາມຮົບໃນບັນດາໄລຍະຕໍ່ຕ້ານ. ໝູ່ຄະນະໜັງສືພິມກອງທັບປະຊາຊົນ ໄດ້ຮັບນາມມະຍົດວິລະຊົນກໍາລັງປະກອບອາວຸດປະຊາຊົນ, ວິລະຊົນແຮງງານພ້ອມກັບລາງວັນອັນສູງສົ່ງຕ່າງໆຈາກພັກ, ລັດ; ມີສອງຄົນໄດ້ຮັບນາມມະຍົດວິລະຊົນກໍາລັງປະກອບອາວຸດປະຊາຊົນ. ພິເສດ, ພາຍຫຼັງໄດ້ຟັງທ່ານ ຫງວຽນຈິແທງ, ຫົວໜ້າກົມໃຫຍ່ການເມືອງລາຍງານ, ລຸງໂຮ່ ໄດ້ເຫັນດີຕັ້ງຊື່ໃຫ້ໜັງສືພິມເປັນຊື່ວ່າ ໜັງສືພິມກອງທັບປະຊາຊົນ, ຍ້ອນວ່າ, ຊື່ດັ່ງກ່າວໄດ້ສະແດງໃຫ້ເຫັນຄຸນນະທາດການປະຕິວັດຂອງກອງທັບຫວຽດນາມ.

ໜັງສືພິມກອງທັບປະຊາຊົນ ໄດ້ພິມຈໍາໜ່າຍສະບັບທໍາອິດຢູ່ເຂດທີ່ໝັ້ນຫວຽດບັກ ໃນວັນທີ 20 ຕຸລາ 1950, ມາຮອດປະຈຸບັນ, ໜັງສືພິມໄດ້ພັດທະນາຢ່າງແຮງຕາມຮູບແບບອົງການສື່ມວນຊົນຫຼາຍຂະແໜງ, ກໍານົດທິດຫາງສຽງດ້ວຍຫຼາຍສື່ສິ່ງພິມ, ຮູບການຢ່າງອຸດົມສົມບູນ, ມີຊີວິດຊີວາ, ຮັບໃຊ້ເພື່ອນຜູ້ອ່ານເປັນຈໍານວນຫຼວງຫຼາຍ, ໄດ້ຮັບການໄວ້ເນື້ອເຊື່ອໃຈ ແລະການຕີລາຄາສູງຈາກການນໍາພັກ, ລັດ, ກອງທັບ ແລະເພື່ອນຜູ້ອ່ານ; ປະກອບສ່ວນສໍາຄັນເຂົ້າໃນພາລະກິດສ້າງສາ ແລະປົກປັກຮັກສາປະເທດຊາດ.

ໂດຍ: ທະນາພອນ