ເມື່ອຢ້ຽມຢາມ, ລະດົມກຳລັງໃຈ ແລະອວຍພອນປີໃໝ່ພໍ່ແມ່ປະຊາຊົນຢູ່ຕາແສງລິງເຊີນ, ນະຄອນທ໊າຍງວຽນ, ທ່ານພົນໂທ ຟານວັນຢາງ ສະແດງຄວາມປິຕິຊົມຊື່ນເມື່ອເຫັນວ່າໃນໄລຍະຜ່ານມາ, ທ້ອງຖິ່ນໄດ້ມີຫຼາຍຜົນງານໃນການພັດທະນາເສດຖະກິດ, ສັງຄົມ, ຮັບປະກັນຄວາມໝັ້ນຄົງດ້ານປ້ອງກັນຊາດ. ກະກຽມຕ້ອນຮັບປີໃໝ່ປະຈຳຊາດ, ອຳນາດການປົກຄອງຂັ້ນຕ່າງໆໄດ້ມີແຜນນະໂຍບາຍ, ມາດຕະການຫຼາຍຢ່າງ ເພື່ອຊ່ວຍຄົນທຸກຍາກໄດ້ຕ້ອນຮັບປີໃໝ່ຢ່າງອົບອຸ່ນ, ເບີກບານມ່ວນຊື່ນ. ທ່ານພົນໂທ ຟານວັນຢາງ ປາດຖະໜາວ່າ, ຄະນະພັກ, ອຳນາດການປົກຄອງທ້ອງຖິ່ນຈະເອົາໃຈໃສ່, ເບິ່ງແຍງດູແລໜູນຊ່ວຍປະຊາຊົນຜູ້ທຸກຍາກ, ພັດທະນາເສດຖະກິດກໍ່ສ້າງບ້ານເກີດເມືອງນອນໃຫ້ອຸດົມຮັ່ງມີ ແລະເຂັ້ມແຂງ.

leftcenterrightdel
ທ່ານພົນໂທ ຟານວັນຢາງ ຢ້ຽມຢາມ, ອວຍພອນພະນັກງານ, ນັກຮົບກອງບັນຊາການທະຫານແຂວງທ໊າຍງວຽນ. ພາບ: ກ໊ວກຮ່າ.
leftcenterrightdel
ຄະນະປະຕິບັດງານໄປຢ້ຽມຢາມ, ອວຍພອນປີໃໝ່ຄົນທຸກຍາກຢູ່ຕາແສງລິງເຊີນ, ນະຄອນທ໊າຍງວຽນ. ພາບ: ກ໊ວກຮ່າ.

ໃນວັນດຽວກັນ, ຄະນະປະຕິບັດງານໄດ້ໄປຢ້ຽມຢາມ, ກວດກາ, ອວຍພອນປີໃໝ່ຢູ່ກອງບັນຊາການທະຫານເຂດ 1, ກອງພົນ 346, ກອງບັນຊາການທະຫານແຂວງທ໊າຍງວຽນ; ຢ້ຽມຢາມ, ອວຍພອນປີໃໝ່ຄະນະພັກນະຄອນທ໊າຍງວຽນ, ເມືອງເຕິນທິ້ງ.

ໂດຍ: ແສງເດືອນ