ທີ່ການຕ້ອນຮັບ, ທ່ານນາຍົກລັດຖະມົນຕີ ຮຸນແຊນ ສະແດງຄວາມປິຕິຊົມຊື່ນຕໍ່ບັນດາຜົນສໍາເລັດຂອງການຮ່ວມມືດ້ານປ້ອງກັນຊາດສອງຝ່າຍໃນໄລຍະຜ່ານມາ, ເນັ້ນໜັກວ່າການຮ່ວມມືດ້ານປ້ອງກັນຊາດສວມບົດບາດເປັນເສົາຄໍ້າທີ່ສໍາຄັນໃນການພົວພັນສອງປະເທດ. ທ່ານນາຍົກລັດຖະມົນຕີ ຮຸນແຊນ ຢືນຢັນວ່າ, ກໍາປູເຈຍ ຍາມໃດກໍ່ຖືເປັນສໍາຄັນການຮັກສາ ແລະເຮັດໃຫ້ຄວາມສາມັກຄີມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານລະຫວ່າງສອງປະເທດເລິກເຊິ່ງກວ່າອີກ, ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ ແລະການພັດທະນາ.

leftcenterrightdel
ທ່ານນາຍົກລັດຖະມົນຕີກໍາປູເຈຍ ສົມເດັດ ອັກຄະມະຫາເສນາບໍດີ ເຕໂຈ ຮຸນແຊນ  ຕ້ອນຮັບທ່ານລັດຖະມົນຕີ ໂງຊວນລິກ. ພາບ: ທູຈາງ.

ທ່ານ ໂງຊວນລິກ ໄດ້ແຈ້ງໃຫ້ທ່ານນາຍົກລັດຖະມົນຕີ ຮຸນແຊນ ໄດ້ຮັບຊາບກ່ຽວກັບຜົນການພົບປະເຈລະຈາກັບທ່ານ Tea Banh  ລັດຖະມົນຕີກະຊວງປ້ອງກັນປະເທດກໍາປູເຈຍ ແລະໃຫ້ຮູ້ວ່າການຮ່ວມມືດ້ານປ້ອງກັນຊາດລະຫວ່າງສອງປະເທດໃນໄລຍະຜ່ານມາບັນລຸໄດ້ໝາກຜົນແທດຈິງ. ໃນໄລຍະຈະມາເຖິງ, ສອງຝ່າຍເຫັນດີເປັນເອກະພາບສຸມໃສ່ຍູ້ແຮງການຮ່ວມມືໃນຫຼາຍຂົງເຂດ, ພິເສດແມ່ນວຽກງານໂຄສະນາ, ສຶກສາມູນເຊື້ອ, ແລກປ່ຽນຄະນະ...

ກ່ອນໜ້ານັ້ນ, ຕອນບ່າຍວັນທີ 27 ທັນວາ, ພິທີຕ້ອນຮັບທ່ານລັດຖະມົນຕີ ໂງຊວນລິກ ພ້ອມດ້ວຍຄະນະຜູ້ແທນການທະຫານຂັ້ນສູງຫວຽດນາມ ໄດ້ດໍາເນີນຢ່າງສົມກຽດທີ່ຫໍມິດຕະພາບຢູ່ນະຄອນຫຼວງພະນົມເປັນ, ກໍາປູເຈຍ. ພາຍຫຼັງພິທີຕ້ອນຮັບ, ລັດຖະມົນຕີສອງທ່ານໄດ້ດໍາເນີນການພົບປະເຈລະຈາ.

leftcenterrightdel
ທ່ານພົນເອກ ໂງຊວນລິກ ແລະພົນເອກ Tea Banh ທີ່ພິທີຕ້ອນຮັບໃນຕອນບ່າຍວັນທີ 27 ທັນວາ. ພາບ: ທູຈາງ.

ທີ່ການພົບປະເຈລະຈາ, ສອງຝ່າຍໄດ້ແຈ້ງໃຫ້ກັນຊາບກ່ຽວກັບສະພາບການຂອງແຕ່ລະປະເທດ. ທ່ານລັດຖະມົນຕີ ໂງຊວນລິກ ເນັ້ນໜັ້ກວ່າ, ນັບແຕ່ເມື່ອສ້າງຕັ້ງການພົວພັນທາງການທູດໃນປີ 1967, ການພົວພັນຫວຽດນາມ - ກໍາປູເຈຍ ນັບມື້ນັບໄດ້ຮັບການປັບປຸງ ແລະພັດທະນາທຸກດ້ານ, ໃນນັ້ນມີການຮ່ວມມືດ້ານປ້ອງກັນຊາດ.

leftcenterrightdel
ທ່ານພົນເອກ Tea Banh ແນະນໍາບັນດາສະມາຊິກໃນຄະນະຜູ້ແທນກໍາປູເຈຍ ກັບທ່ານພົນເອກ ໂງຊວນລິກ ທີ່ພິທີຕ້ອນຮັບ. ພາບ: ທູຈາງ.
leftcenterrightdel
ທ່ານລັດຖະມົນຕີ ໂງຊວນລິກ ແລະທ່ານລັດຖະມົນຕີ Tea Banh. ພາບ: ທູຈາງ.

ທ່ານລັດຖະມົນຕີ Tea Banh ຢືນຢັນວ່າ, ປະຊາຊົນ ແລະກອງທັບລາດຊະວົງກໍາປູເຈຍ ຍາມໃດກໍ່ຖືເປັນສໍາຄັນການພົວພັນຖານບ້ານໃກ້ເຮືອນຄຽງມິດຕະພາບທີ່ເປັນມູນເຊື້ອມາແຕ່ດົນນານ ແລະດີງາມກັບປະຊາຊົນ ແລະກອງທັບຫວຽດນາມ, ພ້ອມທັງຈະເຮັດຈົນສຸດຄວາມສາມາດຂອງຕົນ ເພື່ອຮັກສາ, ເພີ່ມພູນຄູນສ້າງ, ພັດທະນາການພົວພັນອັນດີງາມນີ້.

ພາຍຫຼັງການພົບປະເຈລະຈາ, ທ່ານພົນເອກ ໂງຊວນລິກ ແລະພົນເອກ Tea Banh ໄດ້ເຊັນແຜນການຮ່ວມມືປະຈໍາປີ 2019 ລະຫວ່າງສອງກະຊວງປ້ອງກັນປະເທດ.

ໂດຍ: ໄຊຊະນະ