ກຳປັ່ນທະຫານເຮືອ ບຣູໄນ ຢ້ຽມຢາມນະຄອນດ່າໜັງ
ກປ.ອອນໄລ - ຕອນເຊົ້າວັນທີ 2 ຕຸລາ, ກຳປັ່ນ KDB DARUTTAQWA ຂອງທະຫານເຮືອ ບຣູໄນ ພ້ອມກັບນາຍທະຫານ, ລູກເຮືອ 76 ຄົນໂດຍທ່ານພັນຕີ Mohammad Azrin Bin Haji Mahmud, ຜູ້ບັນຊາການກຳປັ່ນ, ເປັນຫົວໜ້າຄະນະໄດ້ເຂົ້າທຽບທ່າກຳປັ່ນຕຽນຊາ, ເລີ່ມຕົ້ນການຢ້ຽມຢາມນະຄອນດ່າໜັງໃນລະຫວ່າງວັນທີ 2 – 4 ຕຸລາ.
|
|
ກຳປັ່ນ KDB DARUTTAQWA ຂອງທະຫານເຮືອບຣູໄນ ຢ້ຽມຢາມນະຄອນດ່າໜັງ. ພາບ: ຫງວຽນວັນຈູງ. |
ຕ້ອນຮັບກຳປັ່ນຢູ່ທ່າກຳປັ່ນຕຽນຊາມີຜູ້ຕາງໜ້າກອງບັນຊາການທະຫານເຮືອເຂດ 3, ກົມພົວພັນຕ່າງປະເທດ (ກະຊວງປ້ອງກັນປະເທດຫວຽດນາມ), ຫ້ອງວ່າການກອງບັນຊາການທະຫານເຂດ 5, ກອງບັນຊາການທະຫານຊາຍແດນນະຄອນດ່າໜັງ, ກອງບັນຊາການທະຫານນະຄອນດ່າໜັງ, ພະແນກພົວພັນຕ່າງປະເທດນະຄອນດ່າໜັງ, ທູດປ້ອງກັນຊາດບຣູໄນ ປະຈຳຫວຽດນາມ.
|
|
ພິທີຕ້ອນຮັບກຳປັ່ນຢູ່ທ່າກຳປັ່ນຕຽນຊາ. ພາບ: ຫງວຽນວັນຈູງ |
ຕາມເນື້ອໃນລາຍການຂອງການຢ້ຽມຢາມ, ບັນດາຜູ້ແທນຈະເຂົ້າຢ້ຽມຂ່ຳນັບການນຳຄະນະກຳມະການປະຊາຊົນນະຄອນດ່າໜັງ, ກອງບັນຊາການທະຫານເຂດ 5, ກອງບັນຊາການທະຫານເຮືອເຂດ 3. ນາຍທະຫານ ແລະລູກເຮືອກຳປັ່ນທະຫານເຮືອບຣູໄນ ໄດ້ມີການໂອ້ລົມສົນທະນາ ແລະແຂ່ງຂັນບານເຕະມິດຕະພາບກັບພະນັກງານ, ນັກຮົບທະຫານເຮືອເຂດ 3; ຢ້ຽມຊົມບາງທັດສະນີຍະພາບ, ປູສະນີຍະສະຖານປະຫວັດສາດຢູ່ທ້ອງຖິ່ນ.
|
|
ການນຳບັນດາອົງການ, ກົມກອງຂອງຫວຽດນາມ ຖ່າຍຮູບກັບບັນດາຜູ້ແທນ. ພາບ: ຫງວຽນວັນຈູງ |
ການຢ້ຽມຢາມຂອງກຳປັ່ນທະຫານເຮືອບຣູໄນ ໃນຄັ້ງນີ້ເພື່ອແນໃສ່ເພີ່ມທະວີການພົວພັນຮ່ວມມືລະຫວ່າງທະຫານເຮືອສອງປະເທດ, ສອງກອງທັບ, ເໝາະສົມກັບສາຍພົວພັນມິດຕະພາບ ແລະການຮ່ວມມືຫຼາຍດ້ານລະຫວ່າງ ຫວຽດນາມ - ບຣູໄນ.
ໂດຍ: ທູຮັ່ງ