ທ່ານພົນໂທ ຟານວັນຢາງ ລົງກວດກາບາງກົມກອງຢູ່ພາກໃຕ້
ກປ.ອອນໄລ - ວັນທີ 17 ມິຖຸນາ, ທ່ານພົນໂທ ຟານວັນຢາງ, ກໍາມະການສູນກາງພັກ, ຄະນະປະຈໍາຄະນະພັກການທະຫານສູນກາງ, ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ໄດ້ນໍາໜ້າຄະນະປະຕິບັດງານກະຊວງປ້ອງກັນປະເທດ ລົງຢ້ຽມຢາມ ແລະກວດກາທີ່ກອງພົນນ້ອຍ 94, ກົມໃຫຍ່ II ແລະກອງພົນນ້ອຍ 429, ເຫຼົ່າຮົບຕີພິເສດ.
ພາຍຫຼັງຮັບຟັງການລາຍງານ ແລະກວດກາບັນດາກົມກອງ, ທ່ານຫົວໜ້າກົມໃຫຍ່ເສນາທິການ ໄດ້ຮັບຮູ້ຄວາມມານະພະຍາຍາມ, ຄວາມຕັດສິນໃຈຂອງພະນັກງານ, ນັກຮົບຂອງກົມກອງຕ່າງໆໃນໄລຍະຜ່ານມາ, ພ້ອມທັງຮຽກຮ້ອງໃຫ້ແຕ່ລະກົມກອງຄວນເສີມຂະຫຍາຍມູນເຊື້ອ, ກໍ່ສ້າງອົງການຈັດຕັ້ງພັກໃຫ້ປອດໃສໝັ້ນຄົງເຂັ້ມແຂງ, ກົມກອງເຂັ້ມແຂງຮອບດ້ານ, ໂດຍສະເພາະແມ່ນສຸມໃສ່ກໍ່ສ້າງຄຸນນະທາດການເມືອງ, ເຈດຈຳນົງຕັດສິນໃຈສູງໃຫ້ແກ່ພະນັກງານ, ນັກຮົບ ແລະກໍ່ສ້າງລະບຽບແບບແຜນ, ຝຶກຝົນຫຼໍ່ຫຼອມລະບຽບວິໃນ.
    |
 |
|
ທ່ານພົນໂທ ຟານວັນຢາງ ລົງກວດກາ, ຢ້ຽມຢາມກອງພົນນ້ອຍ 94. ພາບ: ຮຸ່ງຄວາ. |
ທ່ານພົນໂທ ຟານວັນຢາງ ໃສ່ໃຈວ່າ, ບັນດາກົມກອງຄວນຍູ້ແຮງຍົກສູງຄຸນນະພາບການຝຶກແອບ, ກຽມພ້ອມສູ້ຮົບ, ໃກ້ຊິດຕິດແທດກັບບໍລິເວນ, ເປັນເຈົ້າການສົມທົບກັບບັນດາກໍາລັງຕາມດໍາລັດ ເລກທີ 77 ຢ່າງແໜ້ນແຟ້ນ, ປະຕິບັດວຽກງານຂົນຂວາຍປະຊາຊົນໃຫ້ດີ, ກໍ່ສ້າງບໍລິເວນໃຫ້ມີຄວາມປອດໄພ, ສົມທົບກັນກໍ່ສ້າງເຂດປ້ອງກັນຢູ່ແຕ່ລະທ້ອງຖິ່ນໃຫ້ໝັ້ນຄົງ...
ແປໂດຍ: ກວຽດເຕິມ