ໃນໄລຍະຜ່ານມາ, ຄະນະພັກກອງບັນຊາການທະຫານເຂດ 4 ໄດ້ໃກ້ຊິດຕິດແທດກັບແນວທາງ, ແຜນນະໂຍບາຍຂອງພັກ, ລັດ ກ່ຽວກັບໜ້າທີ່ການປ້ອງກັນຊາດ-ປ້ອງກັນຄວາມສະຫງົບ ແລະບັນດາມະຕິ, ຄໍາສັ່ງຂອງຄະນະພັກການທະຫານສູນກາງ, ກະຊວງປ້ອງກັນປະເທດ, ສຸມໃສ່ຊີ້ນໍາ, ນໍາພາປະຕິບັດສໍາເລັດບັນດາເປົ້າໝາຍ, ໜ້າທີ່ປ້ອງກັນຊາດ-ປ້ອງກັນຄວາມສະຫງົບ ແລະວຽກງານກໍ່ສ້າງພັກໃນ 6 ເດືອນຕົ້ນປີ 2018.

leftcenterrightdel
ທ່ານພົນໂທ ເລືອງເກື່ອງ ເຮັດວຽກກັບຄະນະປະຈໍາພັກກອງບັນຊາການທະຫານເຂດ 4. ພາບ: ເລແອງເຕີ່ນ.

ທີ່ການເຮັດວຽກ, ທ່ານພົນໂທ ເລືອງເກື່ອງ ໄດ້ຕີລາຄາສູງໝາກຜົນວຽກງານຊີ້ນໍາ, ນໍາພາຂອງຄະນະພັກກອງບັນຊາການທະຫານເຂດ 4, ພ້ອມທັງເນັ້ນໜັກວ່າ: ຄຽງຂ້າງບັນດາສິ່ງອໍານວຍຄວາມສະດວກ, ທະຫານເຂດ 4 ຍັງປະສົບກັບຄວາມຫຍຸ້ງຍາກຫຼາຍຢ່າງ ແຕ່ທະຫານເຂດ 4 ໄດ້ປະຕິບັດສໍາເລັດບັນດາໜ້າທີ່; ກໍາແໜ້ນສະພາບການ, ໜ້າທີ່ລວມ ແລະສະພາບກໍາລັງປະກອບອາວຸດທະຫານເຂດຢ່າງເປັນປະຈໍາ; ຊາບຊຶມການຊີ້ນໍາຂອງຂັ້ນເທິງຢ່າງເຂັ້ມງວດ, ພ້ອມທັງຕິດພັນກັບໜ້າທີ່ຂອງບັນດາທ້ອງຖິ່ນໃນບໍລິເວນ.

ແປໂດຍ: ຮວ່າງເຈື່ອງ