leftcenterrightdel
ບັນຍາກາດທີ່ວາລະໄຂກອງປະຊຸມເຈລະຈາ Shangri-La ຄັ້ງທີ 17. ພາບ ທູຈາງ.

ກ່າວຄໍາເຫັນທີ່ວາລະໄຂກອງປະຊຸມເຈລະຈາ, ທ່ານນາຍົກລັດຖະມົນຕີ ອິນເດຍ Narendra Modi ໄດ້ເນັ້ນໜັກວ່າ: “ການຮ່ວມມືພ້ອມກັນຊ່ວຍໃຫ້ບັນດາປະເທດສາມາດຮັບມືກັບບັນດາສິ່ງທ້າທາຍຂອງຍຸກສະໄໝ”. “ການແກ່ງແຍ່ງແມ່ນເລື່ອງປົກກະຕິແຕ່ການແກ່ງແຍ່ງບໍ່ໃຫ້ກາຍເປັນການປະທະກັນ”; ຄວາມແຕກຕ່າງບໍ່ໃຫ້ກາຍເປັນການຂັດແຍ້ງກັນ”, ພ້ອມທັງໃຫ້ຮູ້ວ່າ “ບັນດາສິ່ງທີ່ອິນເດຍ ຊອກຫາແມ່ນຄວາມສະເໝີພາບໃຫ້ແກ່ທຸກໆຄົນ”.

ໃນຂອບເຂດບັນດາການເຄື່ອນໄຫວຢູ່ນອກກອງປະຊຸມເຈລະຈາ Shangri-La ຄັ້ງທີ 17, ວັນທີ 1 ມິຖຸນາ, ທ່ານພົນເອກ ໂງຊວນລິກ ໄດ້ມີການພົບປະສອງຝ່າຍກັບທ່ານ James Mattis ລັດຖະມົນຕີກະຊວງປ້ອງກັນປະເທດອາເມລິກາ, ທ່ານ  Ron Mark ລັດຖະມົນຕີກະຊວງປ້ອງກັນປະເທດ ນິວຊີແລນ, ທ່ານ Gavin Williamson  ລັດຖະມົນຕີກະຊວງປ້ອງກັນປະເທດ ອັງກິດ ແລະພົບປະສອງຝ່າຍກັບທ່ານ Ng Eng Heng  ລັດຖະມົນຕີກະຊວງປ້ອງກັນປະເທດ ສິງກະໂປ.

leftcenterrightdel
ທ່ານລັດຖະມົນຕີກະຊວງປ້ອງກັນປະເທດຫວຽດນາມ ໂງຊວນລິກ ພົບປະສອງຝ່າຍກັບທ່ານ James Mattis ລັດຖະມົນຕີກະຊວງປ້ອງກັນປະເທດອາເມລິກາ. ພາບ: ທູຈາງ.

ທີ່ການພົບປະກັບທ່ານ James Mattis ລັດຖະມົນຕີປ້ອງກັນປະເທດອາເມລິກາ, ລັດຖະມົນຕີສອງທ່ານ ຖືວ່າ, ຜົນການຮ່ວມມືລະຫວ່າງຫວຽດນາມ ແລະອາເມລິກາ ໃນໄລຍະຜ່ານມາບັນລຸໄດ້ປະສິດທິຜົນແທດຈິງ, ສອດຄ່ອງກັບການພົວພັນຄູ່ຮ່ວມມືຮອບດ້ານລະຫວ່າງສອງປະເທດ, ປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບຢູ່ພາກພື້ນ ແລະໃນໂລກ.

ທ່ານລັດຖະມົນຕີ James Mattis ໃຫ້ຮູ້ວ່າ, ອາເມລິກາ ຊົມເຊີຍທັດສະນະຂອງຫວຽດນາມ ຢູ່ພາກພື້ນ ແລະໃນໂລກ, ສະໜັບສະໜູນຫວຽດນາມ ປະຕິບັດສໍາເລັດບົດບາດເປັນປະທານອາຊຽນ ໃນປີ 2020. ທ່ານລັດຖະມົນຕີ James Mattis ກໍ່ຕີລາຄາສູງເລື່ອງຫວຽດນາມ ເຂົ້າຮ່ວມການເຄື່ອນໄຫວຮັກສາສັນຕິພາບສະຫະປະຊາຊາດ.

ທ່ານລັດຖະມົນຕີ ໂງຊວນລິກ ຊົມເຊີຍອາເມລິກາ ສືບຕໍ່ຮ່ວມມືເພື່ອເລີ່ມລົງມືກໍ່ສ້າງໂຄງການກໍາຈັດມົນລະພິດຈາກທາດພິດສີສົ້ມດີໂອຊິນຢູ່ສະໜາມບິນ ບຽນຮວ່າ ແລະສະໜັບສະໜູນເລື່ອງຫວຽດນາມ ຜັນຂະຫຍາຍໂຮງໝໍສະໜາມ ຂັ້ນ 2 ແລະກອງຮ້ອຍຊ່າງແສງທີ່ຄະນະປະຕິບັດງານຮັກສາສັນຕິພາບ ໂດຍສະຫະປະຊາຊາດ ບົ່ງຕົວໂດຍໄວ.

ແປໂດຍ: ຮວ່າງເຈື່ອງ