ຈັດຕັ້ງກອງປະຊຸມສໍາມະນາແຜນຮ່າງກໍ່ສ້າງກໍາລັງທະຫານອາກາດ
ກປ.ອອນໄລ - ວັນທີ 14 ພຶດສະພາ, ເຫຼົ່າທັບປ້ອງກັນອາກາດ-ທະຫານອາກາດໄດ້ຈັດຕັ້ງກອງປະຊຸຸມສໍາມະນາແຜນຮ່າງ “ກໍ່ສ້າງກໍາລັງທະຫານອາກາດເຫຼົ່າທັບປ້ອງກັນອາກາດ-ທະຫານອາກາດປະຕິວັດ, ແບບແຜນ, ຍອດຢ້ຽມ ແລະທັນສະໄໝໄລຍະ 2018-2025, ວິໄສທັດເຖິງປີ 2030”.
ທ່ານພົນຕີ ເລຮຸຍວິ້ງ, ກໍາມະການສູນກາງພັກ, ຜູ້ບັນຊາການເຫຼົ່າທັບປ້ອງກັນອາກາດ-ທະຫານອາກາດເປັນປະທານກອງປະຊຸມ.
|
|
ທ່ານພົນຕີ ເລຮຸຍວິ້ງ ກ່າວຄໍາເຫັນໄຂກອງປະຊຸມສໍາມະນາ. ພາບ: ຮວ່າງຮ່າ. |
ທີ່ກອງປະຊຸມສໍາມະນາ, ບັນດາຜູ້ແທນໄດ້ເຫັນດີເປັນເອກະພາບຢືນຢັນວ່າ, ການກໍ່ສ້າງແຜນຮ່າງແມ່ນມີຄວາມຈໍາເປັນ, ສອດຄ່ອງກັບຄວາມຮຽກຮ້ອງຕ້ອງການຂອງສະພາບຕົວຈິງ, ສ້າງບາດກ້າວພັດທະນາໃໝ່ໃຫ້ແກ່ກໍາລັງທະຫານອາກາດຕອບສະໜອງຄວາມຮຽກຮ້ອງຕ້ອງການ ແລະໜ້າທີ່ກຽມພ້ອມສູ້ຮົບ, ປົກປັກຮັກສາທ້ອງຟ້າຂອງປະເທດຊາດໃນສະພາບການໃໝ່ຢ່າງໝັ້ນຄົງ.
|
|
ບັນຍາກາດທີ່ກອງປະຊຸມສໍາມະນາ. ພາບ: ຮວ່າງຮ່າ. |
ບັນດາຜູ້ແທນໄດ້ສຸມໃສ່ປຶກສາຫາລືລະອຽດ, ເຮັດແຈ້ງບັນດາເນື້ອໃນກ່ຽວກັບພື້ນຖານນິຕິກໍາ, ທັດສະນະ, ເປົ້າໝາຍ; ປະກອບຫຼາຍເນື້ອໃນ, ມາດຕະການກໍ່ສ້າງກໍາລັງທະຫານອາກາດ, ຄື: ກໍ່ສ້າງ, ບູລະນະການຈັດຕັ້ງບັນຈຸພະນັກງານໃນກໍາລັງທະຫານອາກາດຕອບສະໜອງຄວາມຮຽກຮ້ອງຕ້ອງການ ແລະໜ້າທີ່ໃນສະພາບການໃໝ່; ຍົກສູງປະສິດທິຜົນວຽກງານພັກ, ວຽກງານການເມືອງໃນການປະຕິບັດບັນດາໜ້າທີ່ຂອງກໍາລັງທະຫານອາກາດ; ຍົກສູງຄຸນນະພາບການບໍາລຸງສ້າງແຫຼ່ງຊັບພະຍາກອນມະນຸດ; ເພີ່ມທະວີການຮ່ວມມືບໍາລຸງສ້າງນັກບິນທະຫານ, ພະນັກງານ, ພາລະກອນເຕັກນິກ....
ແປໂດຍ: ຮວ່າງເຈື່ອງ