ຕອນເຊົ້າວັນທີ 4 ພຶດສະພາ, ທີ່ໂຮງໝໍເສນາຮັກ 175 (ກະຊວງປ້ອງກັນປະເທດ), ຄະນະປະຕິບັດງານ ໂດຍທ່ານພົນໂທ ຫງວຽນຈິວິ້ງ, ກໍາມະການສູນກາງພັກ, ຄະນະປະຈໍາຄະນະພັກການທະຫານສູນກາງ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າຄະນະຊີ້ນໍາກະຊວງປ້ອງກັນປະເທດກ່ຽວກັບເລື່ອງຫວຽດນາມ ເຂົ້າຮ່ວມການເຄື່ອນໄຫວຮັກສາສັນຕິພາບສະຫະປະຊາຊາດ ນໍາໜ້າ, ໄດ້ລົງກວດກາວຽກງານກະກຽມຂອງໂຮງໝໍສະໜາມຂັ້ນ 2 ເລກ 1 ທີ່ໄປປະຕິບັດງານຢູ່ຄະນະຕົວແທນສະຫະປະຊາຊາດຊູດັງໃຕ້ ແລະເປັນປະທານກອງປະຊຸມຄະນະຊີ້ນໍາເພື່ອປຶກສາຫາລືວຽກງານກະກຽມ ແລະທິດທາງຂອງກໍາລັງໂຮງໝໍສະໜາມຂັ້ນ 2 ເລກ 1 ຂອງຫວຽດນາມ.

leftcenterrightdel
ຄະນະປະຕິບັດງານກວດກາສາງຮັກສາພາຫະນະອຸປະກອນຂອງໂຮງໝໍສະໜາມຂັ້ນ 2 ເລກ 1. ພາບ: ຈູງກຽນ.
leftcenterrightdel
ທ່ານພົນໂທ ຫງວຽນຈິວິ້ງ ຢ້ຽມຢາມຖາມຂ່າວ, ລະດົມກໍາລັງໃຈພະນັກງານ, ນັກຮົບໂຮງໝໍສະໜາມຂັ້ນ 2 ເລກ 1. ພາບ: ຈູງກຽນ.

ຄະນະປະຕິບັດງານໄດ້ກວດກາພາຫະນະອຸປະກອນ, ວຽກງານຮັກສາພາຫະນະອຸປະກອນ, ຢຸກຢາຮັບໃຊ້ໃຫ້ແກ່ການເຄື່ອນໄຫວຂອງໂຮງໝໍສະໜາມຂັ້ນ 2 ເລກ 1. ພາຍຫຼັງການກວດກາ, ທ່ານພົນໂທ ຫງວຽນຈິວິ້ງ ໄດ້ເປັນປະທານກອງປະຊຸມຄະນະຊີ້ນໍາກະຊວງປ້ອງກັນປະເທດກ່ຽວກັບເລື່ອງຫວຽດນາມ ເຂົ້າຮ່ວມການເຄື່ອນໄຫວຮັກສາສັນຕິພາບສະຫະປະຊາຊາດ.

leftcenterrightdel
ບັນຍາກາດທີ່ກອງປະຊຸມຄະນະຊີ້ນໍາ. ພາບ: ຈູງກຽນ.

ກ່າວຄໍາເຫັນສະຫຼຸບ, ທ່ານພົນໂທ ຫງວຽນຈິວິ້ງ ຕີລາຄາສູງຄວາມມານະພະຍາຍາມຂອງບັນດາອົງການກົມກອງສັງກັດກະຊວງປ້ອງກັນປະເທດ ທີ່ໄດ້ປະຕິບັດວຽກງານກະກຽມຜັນຂະຫຍາຍໂຮງໝໍສະໜາມຂັ້ນ 2 ເລກ 1 ທີ່ຄະນະຕົວແທນສະຫະປະຊາຊາດຊູດັງໃຕ້ ເປັນຢ່າງດີ. ໃນໄລຍະຈະມາເຖິງ, ບັນດາກົມກອງຄວນສົມທົບກັນຢ່າງແໜ້ນແຟ້ນເພື່ອປະຕິບັດວຽກງານກໍ່ສ້າງກໍາລັງຄວາມສາມາດໃຫ້ແກ່ໂຮງໝໍສະໜາມຂັ້ນ 2 ເລກ 1  ແລະກອງຊ່າງແສງເປັນຢ່າງດີ, ປັບປຸງວຽກງານກະກຽມໃຫ້ສຳເລັດໂດຍໄວ; ສົມທົບກັນຢ່າງແໜ້ນແຟ້ນໃນວິວັດການກະກຽມ, ຮັກສາວຽກງານລາຍງານເປັນຢ່າງດີ, ຖອດຖອນບົດຮຽນ, ແກ້ໄຂບັນດາຂໍ້ຕິດຂັດ, ຄວາມຫຍຸ້ງຍາກຢ່າງທັນການ, ຮັບປະກັນປະສິດທິຜົນ, ຄຸນນະພາບການເຄື່ອນໄຫວສູງສຸດຂອງໂຮງໝໍສະໜາມຢູ່ບໍລິເວນຄະນະຕົວແທນສະຫະປະຊາຊາດຊູດັງໃຕ້

ແປໂດຍ: ຮວ່າງເຈື່ອງ