ທະຫານເຮືອຫວຽດນາມ ປະຕິບັັດການລາດຕະເວນຮ່ວມກັບທະຫານເຮືອໄທ
ກປ.ອອນໄລ - ຕອນເຊົ້າວັນທີ 19 ເມສາ, ກອງເຮືອຮົບ 264, 265 ຂຶ້ນກັບກອງພົນນ້ອຍ 127, ທະຫານເຮືອເຂດ 5 ໄດ້ອອກຈາກທ່າກໍາປັ່ນທະຫານ ຟຸກວກ (ແຂວງ ກຽນຢາງ) ດຳເນີນການລາດຕະເວນຮ່ວມຢູ່່່ທະເລ ຄັ້ງທີ 37 ກັບທະຫານເຮືອລາດຊະວົງ ໄທ.
ທ່ານພັນເອກພິເສດ ຕ້າກວາງນາມ, ຮອງຜູ້ບັນຊາການທະຫານເຮືອເຂດ 5 ເປັນຫົວໜ້າຄະນະ. ຕາມແຜນການແລ້ວ, ພາຍຫຼັງສິ້ນສຸດການລາດຕະເວນຮ່ວມຢູ່ເຂດນ່ານທະເລທີ່ຕິດຕໍ່ກັນຂອງສອງປະເທດແລ້ວ, ກອງເຮືອຮົບ 264, 265 ຈະເດີນທາງໄປເຖິງທ່າກໍາປັ່ນ Songkhla ຢ້ຽມຢາມ ແລະພົບປະແລກປ່ຽນກັບທະຫານເຮືອລາດຊະວົງໄທ ແຕ່ວັນທີ 22 – 25 ເມສາ.
|
|
ກອງເຮືອຮົບ 264, 265 ເດີນທາງໄປປະຕິບັດການລາດຕະເວນຮ່ວມກັບທະຫານເຮືອ ລາດຊະວົງໄທ. ພາບ: ຢຸຍແຄ໋ງ. |
ເພື່ອປະຕິບັດສໍາເລັດໜ້າທີ່ລາດຕະເວນຮ່ວມເປັນຢ່າງດີ, ໄປຢ້ຽມຢາມ ແລະພົບປະແລກປ່ຽນກັບທະຫານເຮືອລາດຊະວົງໄທ, ກອງເຮືອຮົບ 264, 265 ໄດ້ປະຕິບັດການຝຶກແອບເປັນຢ່າງດີ, ສ້າງ ແລະຮັບຮອງເອົາແຜນການອອກທະເລ; ກະກຽມອຸປະກອນພະລາທິການ, ເຕັກນິກ, ເຄື່ອງອາໄຫຼ່ເພື່ອປ່ຽນແທນຢ່າງຄົບຊຸດ; ຄຸ້ມຄອງເກັບຮັກສາ, ບໍາລຸງ, ກວດກາ ແລະສ້ອມແປງອາວຸດຍຸດທະພັນເຕັກນິກ, ເຄື່ອງກົນຈັກເພື່ອຮັບປະກັນລະບົບເຕັກນິກດີຈີຕອນທົ່ວກໍາປັ່ນໃຫ້ເຄື່ອນໄຫວຢ່າງເປັນປົກກະຕິ.
ແປໂດຍ: ຫງວຽນກຸກ