leftcenterrightdel
ທ່ານພົນຈັດຕະວາ ໂງມິງຕ໋ຽນ ປະດັບຫຼຽນໄຊປົກປັກຮັກສາປະເທດຊາດ ຊັ້ນ II  ໃສ່ທຸງກອງທັບເດັດຂາດມີໄຊ ແລະມອບໃບຢັ້ງຢືນໃຫ້ກອງພົນນ້ອຍທະຫານພິເສດ 1. ພາບ: ຕ໋ຽນດາດ.

ໂດຍໄດ້ຮັບການມອບສິດຈາກປະທານປະເທດ, ທ່ານພົນຈັັດຕະວາ ໂງມິງຕ໋ຽນ ໄດ້ປະດັບຫຼຽນໄຊປົກປັກຮັກສາປະເທດຊາດຊັ້ນ II ໃສ່ທຸງກອງທັບເດັດຂາດມີໄຊ ແລະມອບໃບຢັ້ງຢືນໃຫ້ກອງພົນນ້ອຍທະຫານພິເສດ 1. ກ່າວຄໍາເຫັນທີ່ພິທີ, ທ່ານພົນຈັດຕະວາ ໂງມິງຕ໋ຽນ ເນັ້ນໜັກວ່າ: ໃນສົງຄາມປົດປ່ອຍ, ປົກປັກຮັກສາປະເທດຊາດ, ປະຕິບັດໜ້າທີ່ສາກົນ, ກອງພົນນ້ອຍທະຫານພິເສດ 1 ຍາມໃດກໍ່ຊາບຊຶມຢ່າງເລິກເຊິ່ງ ແລະປະຕິບັດບັນດາທັດສະນະ, ແນວຄິດການທະຫານຂອງພັກ ແລະປະທານ ໂຮ່ຈິມິນ ເປັນຢ່າງດີ, ໝູນໃຊ້ວິທີຕີສັດຕູ, ສິລະປະຍຸດ-ຍຸດທະວິທີຂອງຫວຽດນາມ ແລະຂອງທະຫານພິເສດຢ່າງມີຫົວຄິດປະດິດສ້າງ. 

leftcenterrightdel
ພະນັກງານ, ນັກຮົບຂອງກົມກອງ. ພາບ: ຕ໋ຽນດາດ.

ໃນການຕໍ່ຕ້ານ, ພະນັກງານ, ນັກຮົບກອງພົນນ້ອຍທະຫານພິເສດ 1 ໄດ້ຕີເຂົ້າບັນດາຖານທີ່ໝັ້ນ, ສະໜາມບິນ, ຄັງສາງສໍາຄັນທີ່ນອນໃນແນວຫຼັງຂອງສັດຕູນັບຮ້ອຍບັ້ນສູ້ຮົບ, ສ້າງວິລະກໍາດີເດັ່ນ, ເຮັດໃຫ້ສັດຕູຫວາດຫວັ່ນຢ້ານກົວ, ປະຊາຊົນທ່ົວປະເທດ ແລະເພື່ອນມິດສາກົນມີຄວາມນິຍົມນັບຖື, ຍ້ອງຍໍສັນລະເສີນ; ປະກອບສ່ວນພ້ອມກັບທົ່ວພັກ, ທົ່ວປວງຊົນ, ທົ່ວກອງທັບ ປົດປ່ອຍພາກໃຕ້ທ້ອນໂຮມປະເທດຊາດເປັນເອກະພາບ, ປົກປັກຮັກສາເອກະລາດອະທິປະໄຕຂອງປະເທດຊາດ ໄວ້ໃຫ້ໝັ້ນຄົງເຂັ້ມແຂງ ແລະປະຕິບັດໜ້າທີ່ສາກົນເປັນຢ່າງດີ. ໃນໄລຍະປ່ຽນແປງໃໝ່, ສ້າງສາ ແລະປົກປັັກຮັກສາປະເທດຊາດ, ກອງພົນນ້ອຍທະຫານພິເສດ 1 ຍາມໃດກໍ່ຮັກສາ, ເສີມຂະຫຍາຍມູນເຊື້ອອັນສະຫງ່າລາສີຂອງເຫຼົ່າຮົບພິເສດວິລະຊົນໄວ້, ປະຕິບັດທຸກໜ້າທີ່ທີ່ໄດ້ຮັບມອບໝາຍເປັນຢ່າງດີ, ເປັນຕົ້ນແມ່ນໜ້າທີ່ຝຶກແອບ, ກຽມພ້ອມສູ້ຮົບປົກປັກຮັກສາບັນດາເຫດການການເມືອງສໍາຄັນຂອງພັກ, ລັດ ແລະກອງທັບ...

 

ແປໂດຍ: ກວຽດເຕີມ