ກອງປະຊຸມຕີລາຄາ, ໃນໄຕມາດ I ຂອງປີ 2018 ວ່າ, ກະຊວງປ້ອງກັນປະເທດໄດ້ເປັນເສນາທິການ, ສະເໜີກັບການນໍາພັກ, ລັດມີຫຼາຍບັນຫາສໍາຄັນກ່ຽວຂ້ອງເຖິງສະພາບແວດລ້ອມສັນຕິພາບ, ສະຖຽນລະພາບຂອງປະເທດ ແລະພາກພື້ນ, ພ້ອມທັງຜັນຂະຫຍາຍວຽກງານພົວພັນຕ່າງປະເທດດ້ານປ້ອງກັນຊາດຖືກຕ້ອງຕາມແຜນການໄດ້ວາງອອກ, ປະກອບສ່ວນປັບປຸງຄວາມເຊື່ອໝັ້ນຕໍ່ກັບບັນດາປະເທດ, ບັນດາອົງການຈັດຕັ້ງສາກົນ, ປົກປັກຮັກສາອະທິປະໄຕ, ຜືນແຜ່ນດິນ, ຍົກສູງຖານະບົດບາດຂອງປະເທດຊາດ, ກອງທັບ ແລະສືບຕໍ່ປະກອບສ່ວນເຂົ້າໃນການກໍ່ສ້າງກອງທັບປະຕິວັດ, ກອງທັບຫຼວງ, ຍອດຢ້ຽມ, ທັນສະໄໝເທື່ອລະກ້າວ. 

leftcenterrightdel
ບັນຍາກາດທີ່ກອງປະຊຸມ. ພາບ: ຮວ່າງຫວູ໊.

ກ່ຽວກັບທິດທາງໃນໄຕມາດ II ປີ 2018, ກອງປະຊຸມ ຖືວ່າ, ວຽກງານພົວພັນຕ່າງປະເທດດ້ານປ້ອງກັນຊາດຄວນສືບຕໍ່ໄດ້ຮັບການຜັນຂະຫຍາຍຢ່າງຖືກຕ້ອງຕາມເນື້ອໃນຈິດໃຈມະຕິກອງປະຊຸມໃຫຍ່ ຄັ້ງທີ XII ຂອງພັກ,  ຕິດຕາມການຜັນແປສະພາບການສາກົນ, ພາກພື້ນຢ່າງໃກ້ຊິດເພື່ອເປັນເສນາທິການ, ສະເໜີກັບພັກ, ລັດມີທິດທາງແກ້ໄຂການພົວພັນ, ການຮ່ວມມືດ້ານປ້ອງກັນຊາດກັບບັນດາປະເທດອື່ນໄດ້ຢ່າງທັນການ.

ຄວນເອົາໃຈໃສ່ເປັນພິເສດເຖິງການຮ່ວມມືດ້ານປ້ອງກັນຊາດສອງຝ່າຍ, ເປັນເຈົ້າການ, ຕັ້ງໜ້າເຂົ້າຮ່ວມບັນດາກົນໄກຮ່ວມມືປ້ອງກັນຊາດຫຼາຍຝ່າຍ, ສົມທົບກັນປັບປຸງທຸກດ້ານໃຫ້ສຳເລັດໂດຍໄວເພື່ອນໍາໂຮງໝໍກາງສະໜາມຂັ້ນ 2 ເລກທີ 1 ແລະກອງຮ້ອຍຊ່າງແສງ ພ້ອມແລ້ວທີ່ຈະເຂົ້າຮ່ວມການປະຕິບັດໜ້າທີ່ຢູ່ບັນດາຄະນະປະຕິບັດງານຮັກສາສັນຕິພາບສະຫະປະຊາຊາດ, ຊຸກຍູ້ການຜັນຂະຫຍາຍໂຄງການກໍາຈັດສະພາບແວດລ້ອມມົນລະພິດດີໂອຊິນ ຢູ່ສະໜາມບິນ ບຽນຮວ່າ...

 

ແປໂດຍ: ເຈິ່ນຮວ່ຽນ