ທ່ານພົນຕີ ຟ້າມງອັກຮຸ່ງ, ຫົວໜ້າກົມໃຫຍ່ II ເປັນປະທານພິທີດັ່ງກ່າວ. ທ່ານພົນເອກ ໂງຊວນລິກ, ລັດຖະມົນຕີກະຊວງປ້ອງກັນປະເທດຫວຽດນາມ ເຂົ້າຮ່ວມ ແລະກ່າວຄໍາເຫັນຊີ້ນໍາ.

leftcenterrightdel
ບັນດາຜູ້ແທນເຂົ້າຮ່ວມພິທີ. ພາບ: ຕ໋ຽນດາດ.

70 ປີຜ່ານມາ, ການຮໍ່າຮຽນຕາມບັນດາຄໍາສັ່ງສອນຂອງລຸງໂຮ່ ທີ່ແສນເຄົາລົບຮັກຜ່ານຈົດໝາຍ 3 ສະບັບໂດຍເພິ່ນໄດ້ຝາກໃຫ້ສືບຂ່າວ, ບັນດາພະນັກງານ, ນັກຮົບສືບຂ່າວປ້ອງກັນຊາດລຸ້ນຕ່າງໆ ໄດ້ສູ້ຊົນຢ່າງບໍ່ຢຸດຢ້ັງ, ເຕີບໃຫຍ່ເທື່ອລະກ້າວກ່ຽວກັບທຸກດ້ານ, ມີຄວາມຈົ່ງຮັກພັກດີຕໍ່ພັກ, ປະເທດຊາດ ແລະປະຊາຊົນ, ສາມັກຄີ, ແກ້ໄຂຄວາມທຸກຍາກ, ປະຕິບັດສໍາເລັດທຸກໜ້າທີ່ທີ່ໄດ້ຮັບມອບໝາຍ.

leftcenterrightdel
ທ່ານພົນເອກ ໂງຊວນລິກ ປະດັບຫຼຽນໄຊວິລະກໍາ ຊັ້ນ I  ໃສ່ທຸງກອງທັບເດັດຂາດມີໄຊ ແລະມອບໃບຢັ້ງຢືນຫຼຽນໄຊໃຫ້ແກ່ກົມໃຫຍ່ II.  ພາບ: ຕ໋ຽນດາດ

ໂດຍໄດ້ຮັບການມອບສິດຈາກປະທານປະເທດ, ທ່ານພົນເອກ ໂງຊວນລິກ ໄດ້ປະດັບຫຼຽນໄຊວິລະກໍາ ຊັ້ນ I ແລະມອບໃບຢ້ັງຢືນຫຼຽນໄຊໃຫ້ແກ່ກົມໃຫຍ່ II. ທ່ານລັດຖະມົນຕີກະຊວງປ້ອງກັນປະເທດ ເນັ້ນໜັກວ່າ: ຜ່ານ 70 ປີ ນັບແຕ່ວັນທີ່ ລຸງໂຮ່ ຝາກຈົດໝາຍສະບັບທໍາອິດໃຫ້ສືບຂ່າວ, ມາຮອດປັດຈຸບັນ, ບັນດາຄໍາສັ່ງສອນຂອງເພິ່ນຍັງຄົງຄຸນຄ່າເດີມ, ໄດ້ ແລະກໍາລັງແມ່ນ “ປື້ມຄູ່ມື”, ແມ່ນເຂັມຊີ້ທິດໃຫ້ການເຄື່ອນໄຫວປະຕິວັດຂອງກໍາລັງສືບຂ່າວຫວຽດນາມ.

ທ່ານພົນເອກ ໂງຊວນລິກ ເນັ້ນໜັກວ່າ: ພະນັກງານ, ພາລະກອນ, ນັກຮົບສືບຂ່າວປ້ອງກັນຊາດລຸ້ນຕ່າງໆໃນປັດຈຸບັນ ຕ້ອງອອກແຮງຮໍ່າຮຽນ, ຝຶກຝົນຫຼໍ່ຫຼອມ, ຍົກສູງລະດັບຄວາມຮູ້ໃນທຸກດ້ານ, ເປັນຕົ້ນແມ່ນບັນດາຄໍາສັ່ງສອນ ລຸງໂຮ່ ທີ່ໄດ້ຕັກເຕືອນບອກສອນໃນຈົດໝາຍ 3 ສະບັບທີ່ເພິ່ນຝາກໃຫ້ນັ້ນ.

leftcenterrightdel
ທ່່ານພົນເອກ ໂງຊວນລິກ ກ່າວຄໍາເຫັນຊີ້ນໍາທີ່ພິທີ. ພາບ: ຕ໋ຽນດາດ.

ທ່ານລັດຖະມົນຕີກະຊວງປ້ອງກັນປະເທດ ປາດຖະໝາວ່າ, ຄະນະພັກ, ຜູ້ບັນຊາການຂັ້ນຕ່າງໆໃນກົມໃຫຍ່ II ຕ້ອງປະຕິບັດວຽກງານເປັນເສນາທິການຕໍ່ຂັ້ນເທິງເປັນຢ່າງດີ, ຊີ້ນໍາສ້າງກໍາລັງໃຫ້ກະທັດຮັດ, ມີປະສິດທິຜົນ; ສຸມໃສ່ກໍ່ສ້າງບັນດາອົງການ, ກົມກອງໃຫ້ໝັ້ນຄົງເຂັ້ມແຂງດ້ານການເມືອງ, ແນວຄິດ ແລະການຈັດຕັ້ງ; ເຊີດຊູວຽກງານກໍ່ສ້າງກໍາລັງຫຼວງ, ປະຕິບັດຕາມກົດໝາຍ, ລະບຽບວິໄນ, ຮັບປະກັນຄວາມປອດໄພໃນທຸກດ້ານ; ເອົາໃຈໃສ່ເຖິງຊີວິດການເປັນຢູ່ທັງດ້ານວັດຖຸ ແລະຈິດໃຈຂອງພະນັກງານ, ນັກຮົບ, ສ້າງຄວາມເຫັນດີເຫັນພ້ອມ, ໜັກແໜ້ນໃນທຸກຂົງເຂດ. ຮັບປະກັນໃຫ້ທະຫານສືບຂ່າວຮັບ ແລະປະຕິບັດທຸກໜ້າທີ່ທີ່ໄດ້ຮັບມອບໝາຍເປັນຢ່າງດີ.

 

ແປໂດຍ: ທູຈາງ