ຕອນບ່າຍວັນທີ 9 ມີນາ, ຄະນະນັກຊ່ຽວຊານປິ່ນປົວບາດເຈັບຜ່າຕັດຕົບແຕ່ງ ໂດຍ ປອ. Josten ປະທານສະມາຄົມປິ່ນປົວບາດເຈັບຜ່າຕັດຕົບແຕ່ງ ສາທາລະນະລັດ ສະຫະພັນ ເຢຍລະມັນ ນໍາໜ້າໄດ້ມາຢ້ຽມຢາມ, ແລກປ່ຽນການຮ່ວມມື ແລະປະຕິບັດລາຍການໜູນຊ່ວຍໂຮງໝໍປິ່ນປົວບາດເຈັບຜ່າຕັດຕົບແຕ່ງ ສັງກັດໂຮງໝໍເສນາຮັກ 175 (ກະຊວງປ້ອງກັນປະເທດ) ໃນການບໍາລຸງສ້າງ, ປິ່ນປົວວິຊາການ.

leftcenterrightdel
ການນໍາໂຮງໝໍເສນາຮັກ 175 ແລະຄະນະນັກຊ່ຽວຊານ ເຢຍລະມັນ ທີ່ການເຮັດວຽກ. ພາບ: ບ້າວມິງ.

ສອງຝ່າຍໄດ້ພ້ອມກັນແລກປ່ຽນຫຼາຍເນື້ອໃນໃນການເຄື່ອນໄຫວໜູນຊ່ວຍວິຊາການ ແລະເຫັນດີເປັນເອກະພາບຈະລົງນາມໃນບົດບັນທຶກຮ່ວມມື, ໜູນຊ່ວຍໃນການປິ່ນປົວບາດເຈັບຜ່າຕັດຕົບແຕ່ງ, ໜູນຊ່ວຍພັດທະນາ ໂຮງໝໍປິ່ນປົວບາດເຈັບຜ່າຕັດຕົບແຕ່ງ ດ້ວຍຂອບຂະໜາດ 500 ຕຽງ. ທ່ານ  Josten  ຕີລາຄາສູງການເຄື່ອນໄຫວປິ່ນປົວບາດເຈັບຜ່າຕັດຕົບແຕ່ງຢູ່ໂຮງໝໍເສນາຮັກ 175 ແລະກໍານົດທິດພັດທະນາຂົງເຂດປິ່ນປົວບາດເຈັບຜ່າຕັດຕົບແຕ່ງຕິດພັນກັບການກໍ່ສ້າງພື້ນຖານໂຄງລ່າງ, ອຸປະກອນທັນສະໄໝ, ຮັບເອົາ ແລະຖ່າຍທອດບັນດາເຕັກນິກປິ່ນປົວກ້າວໜ້າໃນໂລກ.

ພ້ອມກັບການເຄື່ອນໄຫວແລກປ່ຽນການຮ່ວມມື, ຄະນະນັກຊ່ຽວຊານຍັງເຂົ້າຮ່ວມບັນດາການເຄື່ອນໄຫວກວດພະຍາດ, ໃຫ້ຄໍາປຶກສາໃຫ້ບັນດາຄົນຖືກບາດເຈັບ ແລະເປັນພະຍາດທີ່ກ່ຽວຂ້ອງເຖິງກະດູກສັງຫຼັງ; ຈັດຕັ້ງການຝຶກອົບຮົມດ້ານວິຊາການ, ແລກປ່ຽນບົດຮຽນໃນການປິ່ນປົວໃຫ້ທ່ານໝໍ, ນາງພະຍາບານ ໂຮງໝໍເສນາຮັກ 175 ໃນວຽກງານພະຍາບານສຸກເສີນ ແລະປິ່ນປົວບາດເຈັບ, ປິ່ນປົວໂລກມະເຮັ່ງກະດູດສັນຫຼັງ...

 

ແປໂດຍ: ຈາງຫງວຽນ