ວັນທີ 9 ມີນາ, ທີ່ນະຄອນ ດົ່ງເຫີ໋ຍ, ແຂວງ ກວາງບິ່ງ, ອົງການປະຈໍາການຄະນະຊີ້ນໍາລະດັບຊາດແກ້ໄຂຜົນຮ້າຍຢ້ອນຫຼັງຈາກລູກລະເບີດ, ໝາກມິ່ນບໍ່ທັນແຕກ ແລະທາດພິດເຄມີຫຼັງສົງຄາມຢູ່ຫວຽດນາມ (ຄະນະຊີ້ນໍາ 701) ສົມທົບກັບອົງການຮ່ວມມືສາກົນ ສ. ເກົາຫຼີ (KOICA) ແລະໂຄງການພັດທະນາ ສະຫະປະຊາຊາດ (UNDP)  ຈັດຕັ້ງພິທີເລີ່ມຕົ້ນໂຄງການ “ຫວຽດນາມ- ສ. ເກົາຫຼີ ຮ່ວມມືແກ້ໄຂຜົນຮ້າຍຢ້ອນຫຼັງຈາກລູກລະເບີດ, ໝາກມິ່ນບໍ່ທັນແຕກຫຼັງສົງຄາມ”. ເຂົ້າຮ່ວມພິທີມີທ່ານພົນຕີ ເລຮ່ຽນເວີນ, ຮອງຫົວໜ້າກົມໃຫຍ່ການເມືອງ, ຮອງຫົວໜ້າອົງການປະຈໍາການຄະນະຊີ້ນໍາ 701 ພ້ອມດ້ວຍຜູ້ແທນບັນດາກະຊວງ, ຂະແໜງການສູນກາງ; ການນໍາແຂວງ ກວາງບິ່ງ ແລະບິ່ງດິ້ງ ເຂົ້າຮ່ວມ.

leftcenterrightdel
ບັນດາຜູ້ແທນກົດປຸ່ມເລີ່ມຕົ້ນໂຄງການ. ພາບ: ມິງຕູ໋.

ໂຄງການ “ຫວຽດນາມ-ສ.ເກົາຫຼີ ຮ່ວມມືແກ້ໄຂຜົນຮ້າຍຢ້ອນຫຼັງຈາກລູກລະເບີດ, ໝາກມິ່ນບໍ່ທັນແຕກຫຼັງສົງຄາມ” ໂດຍກະຊວງປ້ອງກັນປະເທດ ມອບໃຫ້ສູນເກັບກູ້ລູກລະເບີດ, ໝາກມິ່ນບໍ່ທັນແຕກແຫ່ງຊາດຫວຽດນາມ ຮັບເອົາ, ຄຸ້ມຄອງ ແລະຈັດຕັ້ງຜັນຂະຫຍາຍການປະຕິບັດຕາມເນື້ອໃນຈິດໃຈຂໍ້ຕົກລົງທີ່ໄດ້ລົງນາມລະຫວ່າງກະຊວງປ້ອງກັນປະເທດຫວຽດນາມ ແລະ KOICA.

leftcenterrightdel
ທ່ານພົນຕີ ເລຮ່ຽນເວີນ ແລະບັນດາຜູ້ແທນ ຢ້ຽມຊົມການວາງສະແດງ, ແນະນໍາອຸປະກອນເກັບກູ້ລະເບີດບໍ່ທັນແຕກ, ວັດຖຸລະເບີດ. ພາບ: ມິງຕູ໋.

ກ່າວຄໍາເຫັນທີ່ພິທີ, ທ່ານພົນຕີ ເລຮ່ຽນເວີນ ເນັ້ນໜັກວ່າ, ຄະນະຊີ້ນໍາ 701 ແລະກະຊວງປ້ອງກັນປະເທດຫວຽດນາມ ຕີລາຄາສູງການສົມທົບຂອງ KOICA ແລະ UNDP ໃນໄລຍະຜ່ານມາ, ພ້ອມທັງປາດຖະໜາຢາກສືບຕໍ່ໄດ້ຮັບການຮ່ວມມື, ໜູນຊ່ວຍຈາກປະຊາຄົມສາກົນໃນການສົມທົບກັນແກ້ໄຂຜົນຮ້າຍຢ້ອນຫຼັງຈາກລູກລະເບີດ, ໝາກມິ່ນບໍ່ທັນແຕກ, ວັດຖຸລະເບີດຫຼັງສົງຄາມ, ປະກອບສ່ວນຮັບປະກັນຄວາມປອດໄພໃຫ້ແກ່ປະຊາຊົນໃນການດໍາເນີນຊີວິດ, ອອກແຮງງານທໍາການຜະລິດ, ຊຸກຍູ້ການພັດທະນາເສດຖະກິດ -ສັງຄົມ.

 

ແປໂດຍ: ຮວ່າງເຈື່ອງ