ຕອນເຊົ້າວັນທີ 8 ມີນາ, ທີ່ຮ່າໂນ້ຍ, ກະຊວງປ້ອງກັນປະເທດຫວຽດນາມ ໄດ້ຈັດຕັ້ງພິທີປະກາດຂໍ້ຕົກລົງສ້າງຕັ້ງຫ້ອງການອົງການປະຈຳຄະນະຊີ້ນຳແຫ່ງຊາດແກ້ໄຂຜົນຮ້າຍຢ້ອນຫຼັງຈາກລະເບີດບໍ່ທັນແຕກ ແລະທາດພິດສີສົ້ມທີ່ຍັງຕົກຄ້າງແຕ່ປາງສົງຄາມ ຢູ່ ຫວຽດນາມ (ເອີ້ນຊື່ຫຍໍ້ວ່າຫ້ອງການ 701). ທ່ານພົນໂທ ຫງວຽນຈີ໋ວິ້ງ, ກຳມະການສູນກາງພັກ, ຄະນະປະຈຳຄະນະພັກການທະຫານສູນກາງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ, ຫົວໜ້າອົງການປະຈຳຄະນະຊ້ີນຳ 701 ເປັນປະທານພິທີ.

leftcenterrightdel
ບັນຍາກາດທີ່ພິທີປະກາດຂໍ້ຕົກລົງສ້າງຕັ້ງຫ້ອງການ 701. ພາບ: ວັນຫ໋ຽວ.

ຫ້ອງການ 701 ມີໜ້າທີ່ເປັນເສນາທິການໃນການກໍ່ສ້າງ, ຈັດຕັ້ງຜັນຂະຫຍາຍການປະຕິບັດບັນດາໂຄງການດຳເນີນງານ, ແຜນການວຽກງານຂອງຄະນະຊີ້ນຳ ແລະອົງການປະຈຳຄະນະຊີ້ນຳ 701; ໂຄສະນາເຜີຍແຜ່, ຮ່ວມມື, ຂົນຂວາຍການອຸປະຖຳພາຍໃນ ແລະຕ່າງປະເທດ; ກວດກາ, ຕີລາຄາໝາກຜົນການປະຕິບັດ; ຮັບໃຊ້ວຽກງານຊີ້ນຳແກ້ໄຂຜົນຮ້າຍຢ້ອນຫຼັງຈາກລະເບີດບໍ່ທັນແຕກ ແລະທາດພິດສີສົ້ມທີ່ຍັງຕົກຄ້າງແຕ່ປາງສົງຄາມ ຢູ່ ຫວຽດນາມ.

leftcenterrightdel
ບັນດາຜູ້ແທນທີ່ພິທີປະກາດຂໍ້ຕົກລົງ. ພາບ: ວັນຫ໋ຽວ.
leftcenterrightdel
ທ່ານ Michael Greene,  ຜູ້ອຳນວຍການ USAID ຫວຽດນາມ ກ່າວຄຳເຫັນທີ່ພິທີ. ພາບ: ວັນຫ໋ຽວ.

ກ່າວຄຳເຫັນທີ່ພິທີ, ທ່ານພົນໂທ ຫງວຽນຈີ໋ວິ້ງ ຮັບຮູ້ບັນດາໝາກຜົນທີ່ບັນລຸໄດ້ ແລະສະແດງຄວາມຂອບອົກຂອບໃຈການນຳບັນດາກະຊວງ, ຄະນະ, ຂະແໜງການສູນກາງ ແລະທ້ອງຖິ່ນ; ລັດຖະບານບັນດາປະເທດພ້ອມກັບລາຍການພັດທະນາຂອງສະຫະປະຊາຊາດ ແລະບັນດາອົງການຈັດຕັ້ງສາກົນ, ໄດ້ສົມທົບຢ່າງແໜ້ນແຟ້ນ, ມີປະສິດທິຜົນກັບຫວຽດນາມ ໃນການແກ້ໄຂຜົນຮ້າຍຢ້ອນຫຼັງຈາກລະເບີດບໍ່ທັນແຕກ ແລະທາດພິດສີສົ້ມທີ່ຍັງຕົກຄ້າງແຕ່ປາງສົງຄາມ ຢູ່ ຫວຽດນາມ ໃນໄລຍະຜ່ານມາ.

leftcenterrightdel
ທ່ານພົນໂທ ຫງວຽນຈີ໋ວິ້ງ ກ່າວຄຳເຫັນທີ່ພິທີ. ພາບ: ວັນຫ໋ຽວ.
leftcenterrightdel
ທ່ານພົນໂທ ຫງວຽນຈີ໋ວິ້ງ ຖ່າຍຮູບທີ່ລະນຶກກັບບັນດາຜູ້ແທນ. ພາບ: ວັນຫ໋ຽວ.

ທ່ານຮອງລັດຖະມົນຕີກະຊວງປ້ອງກັນປະເທດ ສະເໜີພະນັກງານ, ພາລະກອນ ຫ້ອງການ 701 ຕ້ອງເປັນເຈົ້າການສົມທົບກັບບັນດາອົງການກ່ຽວຂ້ອງຂອງບັນດາກະຊວງ, ຂະແໜງການ, ທ້ອງຖິ່ນ ແລະບັນດາອົງການຈັດຕັ້ງສາກົນຢ່າງແໜ້ນແຟ້ນເພື່ອເປັນເສນາທິການ, ສ້າງບັນດາເອກະສານ ແລະຈັດຕັ້ງປະຕິບັດບັນດາລາຍການ, ແຜນການດຳເນີນງານຂອງອົງການປະຈຳ ແລະຄະນະຊີ້ນຳໃຫ້ສອດຄ່ອງກັບສະພາບຕົວຈິງ; ຊຸກຍູ້ການປະຕິບັດນະໂຍບາຍຕໍ່ຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ, ຍູ້ແຮງການໂຄສະນາເຜີຍແຜ່, ຮ່ວມມື, ຂົນຂວາຍການອຸປະຖຳພາຍໃນ ແລະຕ່າງປະເທດແນໃສ່ເພີ່ມທະວີແຫຼ່ງກຳລັງເພື່ອໜູນຊ່ວຍບັນດາການເຄື່ອນໄຫວແກ້ໄຂຜົນຮ້າຍຢ້ອນຫຼັງຈາກລະເບີດບໍ່ທັນແຕກ ແລະທາດພິດສີສົ້ມທີ່ຍັງຕົກຄ້າງແຕ່ປາງສົງຄາມ ຢູ່ ຫວຽດນາມ.

 

ແປໂດຍ: ຮຸຍດົງ