ໃນໄລຍະຮໍ່າຮຽນ, ຄົ້ນຄວ້າຢູ່ວິທະຍາຄານປ້ອງກັນຊາດຫວຽດນາມ, ບັນດານັກສຳມະນາກອນກໍາປູເຈຍ ໄດ້ຄົ້ນຄວ້າບາງບັນຫາໂດຍພື້ນຖານກ່ຽວກັບສະພາບການໂລກ ແລະພາກພື້ນເຊິ່ງກະທົບເຖິງການປ້ອງກັນຊາດ-ປ້ອງກັນຄວາມສະຫງົບໃນຊຸມປີຕົ້ນສະຕະວັດທີ XXI; ບັນດາບັນຫາຄວາມໝັ້ນຄົງບໍ່ແມ່ນການທະຫານ; ການຫັນເປັນໂລກາພິວັດ, ການເຊື່ອມໂຍງເຂົ້າກັບເສດຖະກິດສາກົນ ແລະການກະທົບເຖິງການປ້ອງກັນຊາດ; ມູນເຊື້ອຄວາມສາມັກຄີ ຫວຽດນາມ-ກໍາປູເຈຍ-ລາວ; ບົດຮຽນໃນສົງຄາມປະຊາຊົນປົກປັກຮັກສາປະເທດຊາດ ແລະວັດທະນະທໍາ, ມູນເຊື້ອສ້າງສາ ແລະປົກປັກຮັກສາປະເທດຊາດ, ແນວຄິດການທະຫານຂອງຊົນຊາດຫວຽດນາມ; ຄົ້ນຄວ້າສິລະປະການທະຫານ ແລະວິທີການໃນວຽກງານເປັນເສນາທິການຂັ້ນບັ້ນຮົບ-ຍຸດທະສາດ, ທັດສະນະສຶກສາ, ຄົ້ນຄວ້າພຶດຕິກໍາຕົວຈິງຢູ່ ບາງກົມກອງໃນກອງທັບ ແລະທ້ອງຖິ່ນ...

ດ້ວຍຈິດໃຈສ້າງສັນນັບຖື ແລະສະຕິທີ່ເປັນເອກະລາດ, ມີຫົວຄິດປະດິດສ້າງໃນການຮໍ່າຮຽນ, ຄົ້ນຄວ້າ, ບັນດານັກສຳມະນາກອນ ໄດ້ປະຕິບັດສໍາເລັດຫຼັກສູດການຮໍ່າຮຽນ.  100% ນັກສຳມະນາກອນບັນລຸລະດັບປານກາງເກັ່ງ, ໃນນັ້ນມີ 46,6% ບັນລຸໄດ້ລະດັບເກັ່ງ.

leftcenterrightdel
ທ່ານພົນຕີ ຟານແອງຫວຽດ ມອບໃບຍ້ອງຍໍ ໃຫ້ແກ່ບັນດານັກສຳມະນາກອນກອງທັບລາດຊະວົງກໍາປູເຈຍ. ພາບ: ຮວ່າງຫວູ.

ທ່ານພົນຕີ ຟານແອງຫວຽດ, ຮອງຜູ້ອໍານວຍການວິທະຍາຄານປ້ອງກັນຊາດເຊື່ອໝັ້ນວ່າ, ພາຍຫຼັງຊຸດຮຽນ, ໃນບັນດາຕໍາແໜ່ງປະຕິບັດງານທີ່ໄດ້ຮັບມອບໝາຍ, ບັນດານັກສຳມະນາກອນຈະໝູນໃຊ້ ແລະພັດທະນາຫົວຄິດປະດິດສ້າງ,  ບັນດາຄວາມຮູ້ທີ່ໄດ້ຮໍ່າຮຽນ, ຄົ້ນຄວ້າຢູ່ວິທະຍາຄານປ້ອງກັນຊາດຫວຽດນາມ ເຂົ້າໃນການບັນຊາກົມກອງຂັ້ນບັ້ນຮົບ-ຍຸດທະສາດ ຂອງກອງທັບລາດຊະວົງກໍາປູເຈຍ ແລະເຂົ້າຮ່ວມວາງແຜນກໍານົດບັນດາບັນຫາຍຸດທະສາດກ່ຽວກັບການປ້ອງກັນຊາດ-ປ້ອງກັນຄວາມສະຫງົບຂອງປະເທດຊາດ; ປະກອບສ່ວນສ້າງສາລາຊະອານາຈັກກໍາປູເຈຍ ສັນຕິພາບ, ເອກະລາດ, ຈະເລີນຮຸ່ງເຮືອງ, ພັດທະນາ.

 

ແປໂດຍ: ທູຈາງ