ຕອນເຊົ້າວັນທີ 7 ມີນາ, ບັນດາທ້ອງຖິ່ນ, ກົມກອງໃນບໍລິເວນທະຫານເຂດ 7 ແລະທະຫານເຂດ 2 ແມ່ນນະຄອນ ໂຮ່ຈິມິນ, ແຂວງ ບິ່ງເຢືອງ, ບ່າເຣ້ຍ-ຫວູງເຕົ່າ, ບິ່ງຖ້ວນ, ໄຕນິງ, ດົ່ງນາຍ, ເລີມດົ່ງ, ຮ່າຢາງ, ເຊີນລາ, ລາຍເຈົາໄດ້ຈັດຕັ້ງພິທີສົ່ງຊາວໜຸ່ມອອກເດີນທາງໄປປະຕິບັດພັນທະການທະຫານ ປີ 2018.

leftcenterrightdel
ການນຳນະຄອນ ໂຮ່ຈິມິນ ແລະການນຳທະຫານເຂດ 7 ທີ່ພິທີມອບຮັບທະຫານ. ພາບ: ຊວນເກື່ອງ.
leftcenterrightdel
ທ່ານ ຫງວຽນຖ້ຽນເຍີນ ມອບດອກໄມ້, ລະດົມກຳລັງໃຈຊາວໜຸ່ມອອກເດີນທາງໄປປະຕິບັດພັນທະການທະຫານ. ພາບ: ຊວນເກື່ອງ.

ຕາມການຕີລາຄາຂອງກອງບັນຊາການທະຫານເຂດ 7 ແລ້ວ, ອາຍຸຂອງຊາວໜຸ່ມທີ່ເດີນທາງໄປເປັນທະຫານພັນທະແມ່ນຢູ່ໃນເກນສະເລ່ຍແຕ່ 18-24 ປີ.

ດ້ວຍທິດນໍາທີ່ວ່າ “ເລືອກຜູ້ໃດ, ໄວ້ໃຈຜູ້ນັ້ນ”, ຍົກສູງຄຸນນະພາບການຮຽກເອີ້ນເອົາພົນລະເມືອງໄປເປັນທະຫານ, ກອງບັນຊາການທະຫານເຂດ 7  ໄດ້ຊີ້ນໍາຄະນະພັກ, ອໍານາດການປົກຄອງ ແລະກອງບັນຊາການທະຫານບັນດາທ້ອງຖິ່ນໄດ້ເປັນເສນາທິການໃນການກວດສຸຂະພາບເພື່ອຄັດເລືອກເອົາໄປເປັນທະຫານພັນທະເປັນຢ່າງດີ. ຄຽງຂ້າງນັ້ນ, ແມ່ນຍ້ອນມີການໂຄສະນາກົດໝາຍວ່າດ້ວຍພັນທະການທະຫານຢູ່ບັນດາທ້ອງຖິ່ນເປັນຢ່າງດີ, ບັນດາຊາວໜຸ່ມລ້ວນແຕ່ຕັ້ງໜ້າເຂົ້າຮ່ວມບັນດາບາດກ້າວຄັດເລືອກ. ຄຸນນະພາບຊາວໜຸ່ມໄປເປັນທະຫານແມ່ນສູງກວ່າເມື່ອທຽບໃສ່ຊຸມປີກ່ອນນີ້.

leftcenterrightdel
ທ່ານພົນໂທ ຫງວຽນເຟືອງນາມ ລະດົມກຳລັງໃຈຊາວໜຸ່ມອອກເດີນທາງໄປເປັນທະຫານ. ພາບ: ຮຸ່ງຄວາ.
leftcenterrightdel
ທ່ານພົນຈັດຕະວາ ຫງວຽນມິງຮ່ວາງ, ຮອງຫົວໜ້າການເມືອງທະຫານເຂດ 7 ລະດົມກຳລັງໃຈຊາວໜຸ່ມເມືອງ ຮ່າມເຕີນ (ບິ່ງຖ້ວນ) ອອກເດີນທາງໄປເປັນທະຫານ. ພາບ: ຢຸຍຫຽນ.
leftcenterrightdel
ຜູ້ຕາງໜ້າການນຳກອງບັນຊາການທະຫານເຂດ 7 ມອບດອກໄມ້, ລະດົມກຳລັງໃຈຊາວໜຸ່ມເມືອງ ເຕີນບຽນ (ໄຕນິງ) ອອກເດີນທາງໄປເປັນທະຫານ. ພາບ: ຢຸຍຫຽນ.

ຕາມການຕີລາຄາຂອງກອງບັນຊາການທະຫານເຂດ 7 ແລ້ວ, ປີ 2018 ບັນດາທ້ອງຖິ່ນ, ທຸກຂັ້ນ, ທຸກຂະແໜງການໄດ້ເສີມຂະຫຍາຍບົດຮຽນໃນຊຸມປີກ່ອນ, ມານະພະຍາຍາມແກ້ໄຂຄວາມຫຍຸ້ງຍາກ, ເຮັດສໍາເລັດເນື້ອໃນ, ບັນດາບາດກ້າວໃນຂັ້ນຕອນການຄັດເລືອກ ແລະຮຽກເອີ້ນເອົາພົນລະເມືອງໄປເປັນທະຫານຮັບປະກັນຖືກຕ້ອງຕາມຄວາມຄືບໜ້າ.

 

ແປໂດຍ: ຮຸຍດົງ