ທ່ານພົນໂທ ຟານວັນຢາງ, ຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ເປັນປະທານກອງປະຊຸມດັ່ງກ່າວ.

ໃນໄລຍະຜ່ານມາ, ບັນດາກົມກອງໄດ້ປະຕິບັດບັນດາຂໍ້ກໍານົດກ່ຽວກັບການກວດກາໄລ່ລຽງ, ຕີລາຄາ, ແບ່ງປະເພດອາວຸດ, ລູກກະສູນຢ່າງເຂ້ັມງວດ. ບັນດາອົງການກ່ຽວຂ້ອງຂອງກະຊວງປ້ອງກັນປະເທດ ໄດ້ກວດກາລູກກະສູນຊັ້ນ 5 ແລະຊັ້ນ 5 ທີ່ອັນຕະລາຍ,  ສະເໜີແກ້ໄຂຢ່າງທັນການ.

leftcenterrightdel
ທ່ານພົນໂທ ຟານວັນຢາງ ເປັນປະທານກອງປະຊຸມ. ພາບ: ຢຸຍຮົ່ງ

ວຽກງານເກັບກູ້ ແລະທໍາລາຍລະເບີດບໍ່ທັນແຕກ, ວັດຖຸລະເບີດ ໄດ້ປະຕິບັດຖືກຕ້ອງກັບວິວັດທະນາການ, ກໍາຈັດຢ່າງມີປະສິດທິຜົນ ແລະທັນການ, ຮັບປະກັນຄວາມປອດໄພ, ເຊິ່ງໄດ້ອໍານາດການປົກຄອງ, ປະຊາຊົນ ແລະບັນດາທ້ອງຖິ່ນຕີລາຄາສູງ.

ທີ່ກອງປະຊຸມ, ຕາງໜ້າການນໍາບັນດາອົງການ, ກົມກອງໄດ້ຍົກໃຫ້ເຫັນບັນດາຈຸດດີ, ຈຸດອ່ອນ, ເຫດຜົນ, ບົດຮຽນຢ່າງຈະແຈ້ງ ແລະວາງອອກທິດທາງໜ້າທີ່, ມາດຕະການປະຕິບັດເພື່ອແນໃສ່ເພີ່ມທະວີ, ຍົກສູງຄວາມຮັບຜິດຊອບຂອງຄະນະພັກ, ຜູ້ບັນຊາການທຸກຂັ້ນໃນວຽກງານຮັບປະກັນຄວາມປອດໄພໃຫ້ສາງອາວຸດ, ລູກກະສູນ ແລະການຄຸ້ມຄອງ, ເກັບກູ້ ແລະທໍາລາຍລະເບີດບໍ່ທັນແຕກ, ກໍາຈັດວັດຖຸລະເບີດໃນໄລຍະຈະມາເຖິງ.

leftcenterrightdel
ບັນດາຜູ້ແທນເຂົ້າຮ່ວມກອງປະຊຸມ ຢູ່ສໍານັກງານບັນຊາກະຊວງປ້ອງກັນປະເທດ. ພາບ: ຢຸຍຮົ່ງ

ສະຫຼຸບກອງປະຊຸມ, ທ່ານພົນໂທ ຟານວັນຢາງ ຮຽກຮ້ອງຄະນະພັກ, ຜູ້ບັນຊາການບັນດາກົມກອງ ສືບຕໍ່ຊາບຊຶມບັນດາຄໍາສັ່ງ, ຂໍ້ກໍານົດຂອງກົມໃຫຍ່ເສນາທິການ ກ່ຽວກັບວຽດງານຮັບປະກັນຄວາມປອດໄພໃຫ້ສາງອາວຸດ, ລູກກະສູນຢ່າງເຂັ້ມງວດ ແລະຄຸ້ມຄອງ, ເກັບກູ້ ແລະທໍາລາຍລະເບີດບໍ່ທັນແຕກ, ກໍາຈັດວັດຖຸລະເບີດ ເພື່ອແນໃສ່ຍົກສູງສະຕິ, ຄວາມຮັບຜິດຊອບໃຫ້ແກ່ພົນທະຫານ ທຸກຄົນໃນກົມກອງ. ຄະນະພັກ, ຜູ້ບັນຊາການບັນດາກົມກອງ ຕ້ອງຮັກສາບັນດາລະບອບລາດຕະເວນ, ເວນຍາມເປັນປະຈໍາຢ່າງເຂັ້ມງວດ, ປ້ອງກັນລະບົບສາງອາວຸດ, ລູກກະສູນ ແລະບັນດາຂໍ້ກໍານົດກ່ຽວກັບການກວດກາໄລ່ລຽງ, ຕີລາຄາ, ແບ່ງປະເພດອາວຸດ, ລູກກະສູນ, ບໍ່ປະໃຫ້ເກີດສະພາບຂາດຄວາມປອດໄພຢ່າງເດັດຂາດ.

 

ແປໂດຍ: ທູຈາງ