ທ່ານພົນເອກ ໂງຊວນລິກ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດເປັນປະທານການພົບປະສັງສັນ. ບັນດາຜູ້ແທນພະນັກງານບໍານານຂັ້ນສູງກອງທັບ, ພະນັກງານພັກການເຂດພາກເໜືອກວ່າ 700 ທ່ານເຂົ້າຮ່ວມການພົບປະ. 

leftcenterrightdel
ທ່ານພົນເອກ ໂງຊວນລິກ ເປັນປະທານການພົບປະສັງສັນ. ພາບ: ຈ້ອງຫາຍ.

ທີ່ການພົບປະສັງສັນ, ທ່ານພົນເອກ ໂງຊວນລິກ, ລັດຖະມົນຕີກະຊວງປ້ອງກັນປະເທດ ໄດ້ແຈ້ງໃຫ້ຊາບກ່ຽວກັບສະຖານະການການເມືອງທີ່ພົ້ນເດັ່ນໃນໂລກ, ພາກພື້ນ ແລະພາຍໃນປະເທດ; ກົນອຸບາຍ, ເລ່ລ່ຽມ, ການເຄື່ອນໄຫວຕ້ານທໍາລາຍຂອງບັນດາອິດທິກໍາລັງທີ່ເປັນປໍລະປັກ; ໝາກຜົນແຫ່ງການກໍ່ສ້າງພື້ນຖານທົ່ວປວງຊົນປ້ອງກັນຊາດ, ກໍ່ສ້າງກອງທັບປະຊາຊົນ, ປະຕິບັດໜ້າທີ່ການທະຫານ, ການປ້ອງກັນຊາດ, ການພົວພັນຕ່າງປະເທດດ້ານປ້ອງກັນຊາດປີ 2017; ຄາດຄະເນສະພາບການ, ທິດທາງ, ໜ້າທີ່ປີ 2018. ທ່ານພົນເອກ ໂງຊວນລິກ ຢືນຢັັນວ່າ, ໃນໄລຍະຜ່ານມາ, ຄະນະພັກການທະຫານສູນກາງ, ກະຊວງປ້ອງກັນປະເທດ ຍາມໃດກໍ່ເປັນເຈົ້າການແລກປ່ຽນຂໍ້ມູນຂ່າວສານ, ກໍາແໜ້ນແນວຄິດຈິດໃຈ, ຄວາມມຸ່ງຫວັງ, ຮັບຮູ້ຄຸນງາມຄວາມດີ, ຮັບເອົາບັນດາຄໍາຄິດຄໍາເຫັນ, ບົດຮຽນອັນລໍ້າຄ່າຂອງຖັນແຖວພະນັກງານບໍານານຂັ້ນສູງກອງທັບ, ພະນັກງານພັກການສໍາລັບພາລະກິດປັບປຸງການປ້ອງກັນຊາດ, ສ້າງສາກອງທັບ ແລະປົກປັກຮັກສາປະເທດຊາດ.

leftcenterrightdel
ບັນດາຜູ້ແທນເຂົ້າຮ່ວມການພົບປະສັງສັນ. ພາບ: ຈ້ອງຫາຍ.

ການຈັດຕັ້ງການພົບປະສັງສັນກັບພະນັກງານບຳນານຂັ້ນສູງກອງທັບ, ພະນັກງານພັກການໃນແຕ່ລະປີແມ່ນການເຄື່ອນໄຫວສະແດງໃຫ້ເຫັນມູນເຊື້ອອັນດີງາມຂອງກອງທັບປະຊາຊົນຫວຽດນາມ, ຂອງທະຫານລຸງໂຮ່; ສະແດງຫຼັກສິນທໍາ “ກິນເຂົ້າຄິດຮອດຄຸນນາ, ກິນປ່າຄິດຮອດຄຸນນໍ້າ, ອາລົມຈິດ, ຄວາມເອົາໃຈໃສ່, ຄວາມເຊື່ອໝັ້ນຂອງພັກ, ລັດ, ຄະນະພັກການທະຫານສູນກາງ, ກະຊວງປ້ອງກັນປະເທດ ສໍາລັບຖັນແຖວພະນັກງານຂັ້ນສູງກອງທັບຜ່ານບັນດາໄລຍະຕ່າງໆ; ຢືນຢັນນໍ້າໃຈຄວາມຮັບຜິດຊອບ, ຄວາມສາມັກຄີ, ຄວາມເປັນເອກະພາບ, ຄວາມຕັດສິນໃຈສູງຂອງບັນດາພະນັກງານຂັ້ນສູງກອງທັບຮຸ່ນຕ່າງໆສໍາລັບພາລະກິດປົກປັກຮັກສາປະເທດຊາດ, ກໍ່ສ້າງກອງທັບໃນປັດຈຸບັນ. ນີ້ກໍ່ແມ່ນໂອກາດເພື່ອໃຫ້ຖັນແຖວພະນັກງານບຳນານຂັ້ນສູງ, ພະນັກງານພັກການສືບຕໍ່ແລກປ່ຽນ, ຖ່າຍທອດບົດຮຽນ, ປະກອບຄໍາຄິດຄໍາເຫັນຢ່າງສຸດຈິດສຸດໃຈ ກັບ ພັກ, ລັດ, ຄະນະພັກການທະຫານສູນກາງ, ກະຊວງປ້ອງກັນປະເທດ ກ່ຽວກັບການຊີ້ນໍາ, ນໍາພາພາລະກິດປົກປັກຮັກສາປະເທດຊາດ, ກໍ່ສ້າງພື້ນຖານທົ່ວປວງຊົນປ້ອງກັນຊາດ, ກໍ່ສ້າງກອງທັບປະຊາຊົນຫວຽດນາມໃນສະພາບການໃໝ່.

ແປໂດຍ: ຮວ່າງເຈື່ອງ