ສະຫະປະຊາຊາດໃຫ້ຄຳໝັ້ນສັນຍາໜູນຊ່ວຍ, ຮ່ວມມືກັບສະພາແຫ່ງຊາດຫວຽດນາມ ຢ່າງແໜ້ນແຟ້ນ
ກປ.ອອນໄລ - ຕອນບ່າຍວັນທີ 26 ຕຸລາ, ທ່ານນາງ ຕ່ອງທິຟ໊ອງ ກຳມະການກົມການເມືອງ, ຮອງປະທານຜູ້ປະຈຳການສະພາແຫ່ງຊາດຫວຽດນາມ ໄດ້ໃຫ້ການຕ້ອນຮັບຄະນະການນຳບັນດາອົງການຂອງສະຫະປະຊາຊາດ ປະຈຳ ຫວຽດນາມ ໂດຍທ່ານ Kamal Malhotra, ຜູ້ປະສານງານອົງການຜູ້ຕາງໜ້າສະຫະປະຊາຊາດ, ຫົວໜ້າອົງການຜູ້ຕາງໜ້າໂຄງການພັດທະນາສະຫະປະຊາຊາດປະຈຳຫວຽດນາມ ນຳໜ້າມາຢ້ຽມຢາມສຳນັກງານສະພາແຫ່ງຊາດຫວຽດນາມເນື່ອງໃນໂອກາດສະເຫຼີມສະຫຼອງ 73 ປີ ແຫ່ງວັນສ້າງຕັ້ງສະຫະປະຊາຊາດ (1945-2018).
    |
 |
|
ທ່ານນາງ ຕ່ອງທິຟ໊ອງ ກຳມະການກົມການເມືອງ, ຮອງປະທານຜູ້ປະຈຳການສະພາແຫ່ງຊາດຫວຽດນາມ ໄດ້ໃຫ້ການຕ້ອນຮັບທ່ານ Kamal Malhotra, ຜູ້ປະສານງານອົງການຜູ້ຕາງໜ້າສະຫະປະຊາຊາດ, ຫົວໜ້າອົງການຜູ້ຕາງໜ້າໂຄງການພັດທະນາສະຫະປະຊາຊາດປະຈຳຫວຽດນາມ. ພາບ: ສຳນັກຂ່າວສານຫວຽດນາມ. |
ທີ່ການຕ້ອນຮັບ, ທ່ານນາງ ຕ່ອງທິຟ໊ອງ ຕີລາຄາສູງຕໍ່ການໜູນຊ່ວຍຂອງສະຫະປະຊາຊາດກັບການພັດທະນາເສດຖະກິດ-ສັງຄົມຂອງຫວຽດນາມ; ພ້ອມທັງຊົມເຊີຍສະຫະປະຊາຊາດ ທີ່ໄດ້ໜູນຊ່ວຍການເຄື່ອນໄຫວຂອງສະພາແຫ່ງຊາດຫວຽດນາມ ຜ່ານບັນດາອົງການຜູ້ຕາງໜ້າປະຈຳ ຫວຽດນາມ ຢ່າງມີປະສິດທິຜົນ. ທ່ານນາງ ຕ່ອງທິຟ໊ອງ ເນັ້ນໜັກວ່າ, ຫວຽດນາມຈະສືບຕໍ່ແມ່ນສະມາຊິກທີ່ມີຄວາມຮັບຜິດຊອບຂອງສະຫະປະຊາຊາດ, ເຂົ້າຮ່ວມການເຄື່ອນໄຫວຂອງສະຫະປະຊາຊາດຢ່າງຕັ້ງໜ້າ, ຮັບປະກັນສັນຕິພາບ, ສະຖຽນລະພາບ, ການຮ່ວມມື ແລະພັດທະນາ.
ທ່ານ Kamal Malhotra ຢັ້ງຢືນຄໍາໝັ້ນສັນຍາຂອງສະຫະປະຊາຊາດ ໃນການໜູນຊ່ວຍ, ຮ່ວມມືກັບສະພາແຫ່ງຊາດຫວຽດນາມ ຢ່າງແໜ້ນແຟ້ນ ເພື່ອຍູ້ແຮງການປະຕິ ບັດບັນດາເປົ້າໝາຍພັດທະນາແບບຍືນຍົງ ແລະໂຄງການດຳເນີນງານເຖິງປີ 2030 ຂອງສະຫະປະຊາຊາດ.
ໂດຍ: ສົມເພັດ