leftcenterrightdel
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ມອບຂອງຂວັນໃຫ້ແກ່ພະນັກງານ, ກຳມະກອນ, ຜູ້ອອກແຮງງານຢູ່ນະຄອນຫ໋າຍຟ່ອງ. ພາບ: ສຳນັກຂ່າວສານຫວຽດນາມ.

ຢູ່ທີ່ນີ້, ທ່ານ ຫງວຽນຊວນຟຸກ ໄດ້ຢ້ຽມຢາມຖາມຂ່າວ, ຊອກຮູ້ຊີວິດການເປັນຢູ່, ເງື່ອນໄຂເຮັດວຽກຂອງບັນດາກຳມະກອນທີ່ປະສົບກັບຄວາມຫຍຸ້ງຍາກ; ພ້ອມທັງຝາກຄຳຢ້ຽມຢາມຖາມຂ່າວ, ອວຍພອນບຸນເຕັດໝູ່ຄະນະກຳມະກອນ, ຜູ້ອອກແຮງງານຢູ່ນະຄອນຫ໋າຍຟ່ອງ. ທ່ານ ຫງວຽນຊວນຟຸກ ເນັ້ນໜັກວ່າ, ການປະກອບສ່ວນເຂົ້າໃນຜົນງານລວມຂອງປະເທດໃນປີ 2018 ມີບົດບາດສຳຄັນຂອງກຳລັງສະມາຊິກຊາວໜຸ່ມ, ກຳມະກອນ ແລະຜູ້ອອກແຮງງານ. ທ່ານ ຫງວຽນຊວນຟຸກ ຢືນຢັນວ່າ, ພັກ, ລັດ ຍາມໃດກໍ່ເອົາໃຈໃສ່ປະຕິບັດບັນດານະໂຍບາຍເພື່ອເບິ່ງແຍງດູແລຊີວິດທາງດ້ານວັດຖຸ ແລະຈິດໃຈໃຫ້ແກ່ຜູ້ອອກແຮງງານໃຫ້ນັບມື້ນັບດີກວ່າ.

leftcenterrightdel
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ຢ້ຽມຢາມຖາມຂ່າວ, ລະດົມກຳລັງໃຈ, ອວຍພອນບຸນເຕັດກຳມະກອນ, ຜູ້ອອກແຮງງານຢູ່ທ່າກຳປັ່ນຮວ່າງຢ້ຽວ. (ນະຄອນຫ໋າຍຟ່ອງ). ພາບ: ສຳນັກຂ່າວສານຫວຽດນາມ.

ໃນວັນດຽວກັນ, ທີ່ການເຮັດວຽກກັບການນຳນະຄອນຫ໋າຍຟ່ອງ, ທ່ານ ຫງວຽນຊວນຟຸກ ໄດ້ຕີລາຄາສູງຄວາມມານະພະຍາຍາມຂອງອົງຄະນະພັກ, ອຳນາດການປົກຄອງ ແລະປະຊາຊົນນະຄອນທີ່ປະຕິບັດສຳເລັດແຜນການພັດທະນາເສດຖະກິດ-ສັງຄົມ ປີ 2018 ເປັນຢ່າງດີ ແລະຮອບດ້ານ. ທ່ານ ຫງວຽນຊວນຟຸກ ຖືວ່າ, ບັນດາຜົນງານທີ່ບັນລຸໄດ້ແມ່ນພື້ນຖານສຳຄັນເພື່ອໃຫ້ນະຄອນວາງອອກບັນດາເປົ້າໝາຍສູງກວ່າໃນໄລຍະຈະມາເຖິງ. ທ່ານ ຫງວຽນຊວນຟຸກ ກໍ່ຍ້ອງຍໍນະຄອນທີ່ໄດ້ປະຕິບັດດີວຽກງານສະຫວັດດີການສັງຄົມ, ໜູນຊ່ວຍກຳມະກອນ, ຜູ້ອອກແຮງງານຢູ່ໃນບໍລິເວນ, ຄອບຄົວຜູ້ທີ່ມີຄຸນງາມຄວາມດີດ້ວຍແຫຼ່ງງົບປະມານໃຫຍ່ເພື່ອໃຫ້ປະຊາຊົນຕ້ອນຮັບບຸນເຕັດຢ່າງເບີກບານມ່ວນຊື່ນ.

ໂດຍ: ແສງເດືອນ