ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ຕ້ອນຮັບບັນດາເອກອັກຄະລັດຖະທູດຍື່ນສານແຕ່ງຕັ້ງ
ກປ.ອອນໄລ - ຕອນເຊົ້າວັນທີ 16 ມັງກອນ, ຢູ່ສໍານັກງານປະທານປະເທດຫວຽດນາມ, ເອກອັກຄະລັດຖະທູດບັນດາປະເທດ: ບຸນກາຣີ, ອີຕາລີ, ບຣາຊີນ, ຕຸຍນີຊີ, ອາຍແລັນ, ເບນິນ, ມານຕ້າ, ການາ.. ໄດ້ຍື່ນສານແຕ່ງຕັ້ງຕໍ່ທ່ານ ຫງວຽນຝູຈ້ອງ, ເລຂາທິການໃຫຍ່, ປະທານປະເທດຫວຽດນາມ ເນື່ອງໃນໂອກາດຖືກແຕ່ງຕັ້ງເປັນເອກອັກຄະລັດຖະທູດວິສາມັນຜູ້ມີອໍານາດເຕັມປະຈໍາຫວຽດນາມ.
ພາຍຫຼັງພິທີຍື່ນສານແຕ່ງຕັ້ງ, ທ່ານ ຫງວຽນຝູຈ້ອງ ໄດ້ໃຫ້ການຕ້ອນຮັບບັນດາເອກອັກຄະລັດຖະທູດ. ທ່ານ ຫງວຽນຝູຈ້ອງ ຫວັງວ່າ, ໃນຖານະຕໍາແໜ່ງປະຕິບັດງານຂອງຕົນ, ບັນດາເອກອັກຄະລັດຖະທູດຈະກໍາແໜ້ນສະພາບການຢ່າງວ່ອງໄວ, ແມ່ນຂົວເຊື່ອມຕໍ່ສໍາຄັນລະຫວ່າງຫວຽດນາມ ແລະບັນດາປະເທດຢ່່າງແທດຈິງ.
    |
 |
|
ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ແລະທ່ານນາງ Marinela Milcheva Petkova, ເອກອັກຄະລັດຖະທູດວິສາມັນຜູ້ມີອໍານາດເຕັມບຸນກາຣີ ປະຈໍາຫວຽດນາມ ພ້ອມດ້ວຍບັນດາຜູ້ແທນ. ພາບ: ສໍານັກຂ່າວສານຫວຽດນາມ. |
ທ່ານ ຫງວຽນຝູຈ້ອງ ອວຍພອນບັນດາເອກອັກຄະລັດຖະທູດ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ປະຕິບັດສໍາເລັດໜ້າທີ່, ຄວາມຮັບຜິດຊອບຂອງຕົນ, ອວຍພອນໃຫ້ສາຍພົວພັນມິດຕະພາບ, ການຮ່ວມມືລະຫວ່າງ ຫວຽດນາມ ແລະບັນດາປະເທດນັບມື້ນັບພັດທະນາຢ່າງຈົບງາມ.
ໂດຍ: ທູຈາງ