ກ່າວຄໍາເຫັນຊີ້ນໍາກອງປະຊຸມ, ທ່ານ ເຈິ່ນກ໊ວກເວື້ອງ  ໄດ້ຮັບຮູ້, ຕີລາຄາສູງ, ຍ້ອງຍໍຊົມເຊີຍການນໍາ ແລະພະນັກງານ, ລັດຖະກອນ ຂອງຄະນະພົວພັນຕ່າງປະເທດສູນກາງພັກ ທີ່ໄດ້ມານະພະຍາຍາມ, ປະກອບສ່ວນຢ່າງຕັ້ງໜ້າ ແລະມີປະສິດທິຜົນເຂົ້າໃນຜົນສໍາເລັດຂອງການພົວພັນຕ່າງປະເທດຂອງປະເທດຊາດ.

leftcenterrightdel
ທ່ານ ເຈິ່ນກ໊ວກເວື້ອງ, ຜູ້ປະຈໍາການຄະນະເລຂາທິການ ກ່າວຄໍາເຫັນຊີ້ນໍາກອງປະຊຸມ. ພາບ: ເຟືອງລິງ.

ທ່ານ ເຈິ່ນກ໊ວກເວື້ອງ ຕີລາຄາສູງຄຸນນະພາບ ແລະປະສິດທິຜົນວຽກງານຂອງຄະນະພົວພັນຕ່າງປະເທດສູນກາງພັກ, ໂດຍສະເພາະແມ່ນໃນວຽກງານຄົ້ນຄວ້າ, ເປັນເສນາທິການ, ປະເມີນຜົນບັນດາແຜນນະໂຍບາຍພົວພັນຕ່າງປະເທດ, ກະກຽມ ແລະຈັດຕັ້ງບັນດາການເຄື່ອນໄຫວພົວພັນຕ່າງປະເທດຂອງພັກ, ໂດຍສະເພາະແມ່ນບັນດາການເຄື່ອນໄຫວພົວພັນຕ່າງປະເທດຂັ້ນສູງ; ເພີ່ມທະວີ ແລະເປີດກວ້າງການພົວພັນຕ່າງປະເທດຂອງພັກ; ຊ່ວຍກົມການເມືອງ, ຄະນະເລຂາທິການ ຄຸ້ມຄອງເປັນເອກະພາບບັນດາການເຄື່ອນໄຫວພົວພັນຕ່າງປະເທດໃນລະບົບພັກ, ອົງການຈັດຕັ້ງມະຫາຊົນ, ບັນດາອົງການຈັດຕັ້ງປະຊາຊົນ; ຊີ້ນໍາ, ແນະນໍາ, ກວດກາການເຄື່ອນໄຫວພົວພັນຕ່າງປະເທດປະຊາຊົນ.

ທ່ານ ເຈິ່ນກ໊ວກເວື້ອງ ເນັ້ນໜັກວ່າ, ບັນດາວຽກງານຈຸດສຸມຂອງການພົວພັນຕ່າງປະເທດຂອງພັກ ແລະຂອງຄະນະພົວພັນຕ່າງປະເທດສູນກາງພັກ ແມ່ນ: ສືບຕໍ່ຊຸກຍູ້ນໍາການພົວພັນຕ່າງປະເທດຂອງພັກເຂົ້າສູ່ລວງເລິກ, ມີປະສິດທິຜົນຢ່າງແທດຈິງ, ກະກຽມ ແລະຈັດຕັ້ງບັນດາການເຄື່ອນໄຫວພົວພັນຕ່າງປະເທດໃຫຍ່ຂອງການນໍາພັກໃຫ້ເປັນຢ່າງດີ, ຍົກສູງຄຸນນະພາບວຽກງານຄົ້ນຄວ້າ, ເປັນເສນາທິການ, ສົມທົບການພົວພັນຕ່າງປະເທດຂອງພັກ, ການທູດຂອງລັດ ແລະການທູດປະຊາຊົນຢ່າງແໜ້ນແຟ້ນ, ສ້າງກໍາລັງແຮງສັງລວມຂອງທົ່ວລະບົບການເມືອງໃນການພົວພັນຕ່າງປະເທດ.

ໂດຍ: ໄຊຊະນະ