ທີ່ພິທີສະເຫຼີມສະຫຼອງ, ທ່ານ ຈິ້ງດິ່ງຢູ໋ງ ຮອງນາຍົກລັດຖະມົນຕີຫວຽດນາມ ສະແດງຄວາມຮູ້ບຸນຄຸນຕໍ່ຄວາມສາມັກຄີບໍລິສຸດຜຸດຜ່ອງ ແລະການຊ່ວຍເຫຼືອ, ການສະໜັບສະໜູນຢ່າງສຸດຈິດສຸດໃຈເຊິ່ງປະເທດ ກູບາ ສະຫງວນໃຫ້ປະຊາຊົນຫວຽດນາມ ນັບແຕ່ກ່ອນມາຮອດປະຈຸບັນ; ຢັ້ງຢືນຄວາມຕັດສິນໃຈຂອງພັກ, ລັດ ແລະປະຊາຊົນຫວຽດນາມ ສືບຕໍ່ມານະພະຍາຍາມສູ້ຊົນ ເພື່ອພາລະກິດປັບປຸງ, ພັດທະນາ ແລະເພີ່ມທະວີສາຍພົວພັນ “ຖານອ້າຍນ້ອງທີ່ເປັນແບບຢ່າງ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ຄວາມສາມັກຄີບໍລິສຸດຜຸດຜ່ອງ”.

leftcenterrightdel
ທ່ານ ຈິ້ງດິ່ງຢູ໋ງ ຮອງນາຍົກລັດຖະມົນຕີຫວຽດນາມ, ທ່ານນາງ Lianys Torres Riviera ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສ.ກູບາ ປະຈໍາ ຫວຽດນາມ ແລະບັນດາຜູ້ແທນເຂົ້າຮ່ວມພິທີສະເຫຼີມສະຫຼອງ. ພາບ: baoquocte.vn.

ທີ່ພິທີສະເຫຼີມສະຫຼອງ, ທ່ານນາງ Lianys Torres Riviera ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສ.ກູບາ ປະຈໍາ ຫວຽດນາມ ໃຫ້ຮູ້ວ່າ, ຫວຽດນາມ ແລະກູບາ ມີສາຍພົວພັນຖານອ້າຍນ້ອງ ແລະຄວາມສາມັກຄີແບບພິເສດ ແລະຢັ້ງຢືນວ່າ, ໃນໄລຍະຈະມາເຖິງ, ສອງປະເທດຈະສືບຕໍ່ສູ້ຊົນ ເພື່ອເພີ່ມທະວີດ້ານການຄ້າສອງຝ່າຍກວ່າອີກ ແລະສ້າງຄວາມສະດວກເພື່ອໃຫ້ບັນດາວິສາຫະກິດຫວຽດນາມ ມາລົງທຶນຢູ່ ກູບາ.

ໂດຍ: ບົວພອນ