ຕອນບ່າຍວັນທີ 9 ມັງກອນ, ທີ່ນະຄອນຫຼວງພະນົມເປັນ, ຄະນະຜູ້ແທນຂັ້ນສູງຄະນະກໍາມະການກວດກາສູນກາງພັກກອມມູນິດຫວຽດນາມ ໄດ້ມີການເຈລະຈາກັບຄະນະຜູ້ແທນຂັ້ນສູງຄະນະກໍາມະການກວດກາສູນກາງພັກປະຊາຊົນກໍາປູເຈຍ ໂດຍທ່ານ Ek Som Ol, ປະທານຄະນະກໍາມະການກວດກາສູນກາງພັກປະຊາຊົນກໍາປູເຈຍ ເປັນຫົວໜ້າຄະນະ.

leftcenterrightdel
ບັນຍາກາດທີ່ການເຈລະຈາ. ພາບ: ສໍານັກຂ່າວສານຫວຽດນາມ.

ທີ່ການເຈລະຈາ, ສອງຝ່າຍຕີລາຄາສູງໝາກຜົນການປະຕິບັດບັນດາຂໍ້ຕົກລົງຮ່ວມມືລະຫວ່າງສອງພັກ, ສອງລັດໃນໄລຍະຜ່ານມາ; ເຫັນດີເປັນເອກະສັນສືບຕໍ່ເພີ່ມທະວີການຮ່ວມມືລະຫວ່າງຄະນະກໍາມະການກວດກາສູນກາງສອງພັກ, ເອົາໃຈໃສ່ແລກປ່ຽນຄະນະ, ເປັນຕົ້ນແມ່ນບັນດາຄະນະແລກປ່ຽນບົດຮຽນກ່ຽວກັບວຽກງານກວດກາ, ຕິດຕາມກວດກາ, ປະຕິບັດກົດລະບຽບຂອງພັກ ແລະວຽກງານສະກັດກັ້ນ ແລະຕ້ານໄພສໍ້ລາດບັງຫຼວງ. ສອງຝ່າຍເຫັນດີເປັນເອກະພາບຖືວ່າ ສະພາບການໂລກ, ພາກພື້ນພວມຜັນແປຢ່າງສັບສົນ ແລະຕໍ່ໜ້າຄວາມຮຽກຮ້ອງຕ້ອງການຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ ເພື່ອພັດທະນາຂອງແຕ່ລະປະເທດ, ສອງຝ່າຍຄວນເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອ ຫວຽດນາມ-ກໍາປູເຈຍ ໃຫ້ເຂົ້າສູ່ລວງເລິກ, ແທດຈິງ ແລະມີປະສິດທິຜົນໃນທຸກຂົງເຂດເພື່ອຜົນປະໂຫຍດຂອງປະຊາຊົນແຕ່ລະປະເທດ.

ໂດຍ: ທະນາພອນ