ທີ່ການຕ້ອນຮັບ, ທ່ານນາງ Heidi Hautala ໃຫ້ຮູ້ວ່າ, ການປະຕິບັດງານຢູ່ຫວຽດນາມ ໃນຄັ້ງນີ້, ຄະນະສະມາຊິກລັດຖະສະພາ EP ໄດ້ດຳເນີນການປຶກສາຫາລືກັບກະຊວງກະສິກໍາ ແລະພັດທະນາຊົນນະບົດຫວຽດນາມ ແລະບັນດາຫົວໜ່ວຍກ່ຽວຂ້ອງເຖິງສັນຍາ VPA/FLEGT ລະຫວ່າງຫວຽດນາມ ແລະອີຢູ. ສອງຝ່າຍໄດ້ປຶກສາຫາລື ແລະເຫັນດີເປັນເອກະສັນບັນດາເນື້ອໃນທີ່ຈະປະຕິບັດໃນໄລຍະຈະມາເຖິງ.

ທ່ານນາງ Heidi Hautala ໃຫ້ຮູ້ວ່າ, ພ້ອມກັບກົນໄກຮ່ວມມືສອງຝ່າຍ, EP ປາດຖະໜາຢາກສ້າງກົນໄກຮ່ວມມືກັບລັດຖະສະພາບັນດາປະເທດອາຊຽນ.

leftcenterrightdel
ທ່ານນາງ ຫງວຽນທິກິມເງິນ, ປະທານສະພາແຫ່ງຊາດຫວຽດນາມ ຕ້ອນຮັບທ່ານນາງ Heidi Hautala ຮອງປະທານລັດຖະສະພາເອີລົບ. ພາບ: ຈ໋ຽນຖັ໋ງ.

ທ່ານນາງ ຫງວຽນທິກິມເງິນ ເນັ້ນໜັກວ່າ, ສະພາແຫ່ງຊາດຫວຽດນາມ ພວມຕັ້ງໜ້າປັບປຸງກອບນິຕິກໍາໃຫ້ສົມບູບແບບ ແນໃສ່ປັບປຸງສະພາບແວດລ້ອມແຫ່ງການລົງທຶນ, ດໍາເນີນທຸລະກິດ, ຮັບປະກັນໃຫ້ປະຊາຄົມວິສາຫະກິດຕ່າງປະເທດເວົ້າລວມ ແລະບັນດາວິສາຫະກິດເອີລົບເວົ້າສະເພາະລົງທຶນ, ດໍາເນີນທຸລະກິດເປັນປົກກະຕິ, ຍາວນານ ແລະມີປະສິດທິຜົນຢູ່ຫວຽດນາມ,

ບົນຈິດໃຈນັ້ນ, ທ່ານນາງ ຫງວຽນທິກິມເງິນ ປາດຖະໜາວ່າ ຫວຽດນາມ ແລະອີຢູ ຈະໃຫ້ສັດຕະຍາບັນສັນຍາ VPA/FLEGT ໂດຍໄວ ເພື່ອແນໃສ່ສ້າງຄວາມສະດວກໃຫ້ແກ່ການພົວພັນດ້ານການຄ້າເຄື່ອງເຟີນີເຈີລະຫວ່າງສອງຝ່າຍ ແລະປະກອບສ່ວນຊຸກຍູ້ວິວັດທະນາການໃຫ້ສັດຕະຍາບັນສັນຍາ EVFTA.

ໂດຍ: ທູຈາງ